Është ndarë nga jeta gazetarja e kronikës Sonila Mesareja. Lajmi është publikuar nga Unioni i Gazetarëve Shqiptarë dhe nga kolegë të gazetares që kanë shprehur ngushëllimet për këtë humbje të parakohshme.
“Sonila u nda sot nga jeta pas nje semundjeje të rëndë. Kolegia Mesareja për vite punoi si reportere e Kronikës në disa redaksi të shtypit të shkruar dhe në shume projekte që synuan një gazetari cilësore.
Sonila ishte kolege e dashur, model i këmbënguleses dhe një profesioniste që modestine e kishte vyrtyt ndërsa kurajon dhe durimin i mbartte si vlera njerezore qe i shtonin besimin tek lexuesi dhe komuniteti i gazetareve. Ajo sherbeu në redaksitë e shtypit të shkruar si profesioniste e heshtur dhe me kujdesin për të ruajtur vlerat dhe cilësite e larta njerëzore, duke fituar respekt e miqësi të të gjithe stafeve e kolegëve me të cilet punoi.
Ndarja nga jeta e Sonilës, le hapur dhimbjen e ikjes së parakohshme dhe kujtimin e vyer të një kolegeje që nuk do te harrohet kurrë. Sonila ishte nder nismetaret e organizimeve themeluese të Unionit të Gazetareve Shqiptare dhe një kolege që nuk nguroi asnjëhere së qeni pjesë e nismave dhe reagimeve rregulluese në jetën tonë profesionale.
U prehsh në paqe kolegia jone e dashur! E paharruar do te jesh për gjithe ne anetaret e Unonit te Gazetareve Shqiptare dhe komunitetin e gjere te gazetareve! Ngushëlime familjes”, shkruan Zyra e shtypit të Unionit të Gazetareve Shqiptarë.
“Sapo lexova nje lajm te trishte. Nje njeri i mire, nga ato qe lene gjurme te pashlyera kudo nuk jeton me. Mikja ime e shkolles dhe me pas kolegia e mire ne gazetari Sonila Mesareja (Caka) eshte larguar nga kjo jete. Me vjen tmerresisht keq per kete humbje, por ne miqte e vjeter do te kujtojme gjithmone ate Sonile te qeshur, energjike dhe optimiste. I qofte i lehte dheu!”, shkruan kolegu i saj Fatos Mahmutaj.
