Me sa duket nuk i kanë mjaftuar vetëm meshkujt që për hir të së vërtetës kanë qenë shumë në jetën e saj.
Këngëtarja me origjinë shqiptare Rita Ora ka treguar se nuk ishte e frikësuar të dilte publikisht e të tregonte se është biseksuale, sidomos pas këngës “Girls”, ku reagimi qe i madh pasi ajo puthej me një tjetër këngëtare.
Gjatë një interviste për revistën Stilist, Rita, e cila kohët e fundit ka nxjerrë edhe albumin e saj të fundit Phoenix, e tha hapur se është biseksuale dhe se ndihet gati për të treguar të vërtetën e saj.
Rita tha:
Nuk isha e frikësuar. Kam pritur për një arsye sepse asnjëherë nuk e ndieva se ishte momenti i duhur për ta deklaruar. Unë jam e rritur dhe ndiej sikur kjo ishte diçka që duhej të bëja për të ecur para. Jam shumë krenare për këtë që jam dhe për udhëtimin që kam bërë për të arritur këtu, të gjithë duhet t’i kalojnë këto gjëra për të mësuar rreth vetes”.
Këngëtaja e “Let You Love Me”, e cila u kritikua më herët këtë vit për adhurimin e grave biseksuale në këngën “Girls” me reperet Cardi B, Charli XCX si dhe këngëtaren Bebe Rexha – vendosi të dalë në lidhje me seksualitetin e saj në një ndjesë zyrtare që ajo postoi në Twitter.
Duke folur për këngën , e cila thuhet se ishte frymëzuar nga Cara Delavigne, Rita tha se priste reagimet e befasishme të njerëzve.
