Një djalë 5-vjeçar ka ndërruar jetë në krahët e nënës së tij, pasi kërkoi falje për vuajtjen e tmer..rshme që sëmundja e tij solli në familjen e tyre.
Little Charlie Proctor iu dha vetëm pak ditë për të jetuar nga mjekët muajin e kaluar, pasi u diagnostikua me një formë të rrallë të kancerit të mëlçisë te fëmijët në vitin 2016.
Prindërit e tij, Amber Schofield dhe Ben Proctor u përpoqën me dëshpërim që të mblidhnin para të mjaftueshme për t’i bërë atij një transplantim të organeve në Shtetet e Bashkuara të Amerikës, por arritën të grumbullonin më pak se gjysmën e 855,580 paund që kishin nevojë.
“Daily Mail” shkruan se 5-vjeçari vd..iq në krahët e nënës së tij të shtunën mbrëma, pasi i tha asaj: “Mami, më vjen keq për këtë”.
Më pas Amber Schofield nga Accrington në Lancashire, ka postuar një fotografi të djalit të saj të vogël me krahë engjëllorë për të ndarë lajmin e hidhur për vd..ekjen e tij trag.jike me mijëra njerëz që kanë ndjekur historinë e tij gjatë fundjavës.
“Mbrëmjen e shkuar në orën 23:14, shoku im më i mirë, bota ime, Charlie mori frymë për herë të fundit. Ai vd.iq në mënyrë paqësore në krahët e mi si dhe me krahët e babait vendosur rreth nesh. Zemrat tona po vuajnë. Bota ka humbur një djalë të pabesueshëm të vogël. Charlie, ti më dhe mundësinë të bëhesha nënë. Ti ke qenë frymëzimi më i madh jo vetëm për ne, por edhe për qindra njerëz në mbarë botën. Ti më tregove se çfarë do të thotë të duash me të vërtetë. Tani është koha të fluturosh, jam shumë, shumë krenar për ty”, shkruan e ëma në foton ku shfaqet me të birin e ndjerë dhe bashkëshortin e saj.
