Kina është vendi me numrin më të madh të popullsisë në botë. 1.3 miliardë njerëz është popullsia aktuale.
Mbipopullimi është një problem me të cilin Kina ka nisur të përballet në vitin 1980, kur u ndalua me ligj që çiftet të lindin më shumë se një fëmijë.
Me anulimin e këtij ligji pak muaj më parë, ritmi i rritjes së popullsisë është shtuar menjëherë.
Në vetëm 3 muaj, popullsia është rritur me 0.46 për qind. Pritet që deri në fund të këtij viti, popullsia atje të rritet me 6.8 milionë.
Pamjet dhe faktet e mëposhtme flasin për mbipopullimin në Kinë.
Mbipopullimi në Kinë filloi pas Luftës së Dytë Botërore, në vitin 1949, kur çiftet kineze inkurajoheshin të lindin sa më shumë fëmijë, si një strategji për të rritur vendin ekonomikisht dhe ushtarakisht.
Një grup prej 1000 klientësh bëjnë masazh të fytyrës në një qendër sportive në Jinan, provinca Shangdong.
Për çdo kilometër katror të territorit, janë 139.6 njerëz.
Kina e ka shfrytëzuar numrin e madh të popullsisë për të thyer rekordet botërore, përcjell Shekulli. Në foton e mësipërme, një grup njerëzish kanë marrë pjesë në ekzekutimin e ushtrimeve të Taiji-s për të thyer rekordin botëror për numrin e praktikuesve të këtij sporti.
Shumë shkolla i bashkojnë klasat për shkak të numrit të madh të nxënësve në të njëjtën klasë. Në foto një orë mësimi në mjedis të hapur në Guangzhou, provinca Guangdong.
Deri në vitin 2028, popullsia e Kinës pritet të arrijë në 1.45 miliardë banorë.
Numri i saktë i popullsisë aktuale në Kinë mund të jetë më i madh se shifra zyrtare, pasi besohet se shumë familje kanë gënjyer për numrin e fëmijëve për shkak të ligjit që lejonte vetëm një fëmijë.
Kina është i vetmi vend ku raporti femër-mashkull nuk është njëlloj. Në Kinë, raporti i lindjeve është 1.15 meshkuj me 1 femër.
Kina ka aktualisht 2.3 milionë ushtarë të gatshëm në çdo moment
Kinezët mbajnë rekordin “Guinness” për organin më të madh të krijuar me njerëz. Në foton e mëposhtme janë 1500 njerëz, të cilët të organizuar nga një qendër kërkimore, kanë krijuar formën e mushkërive si pjesë e një aktiviteti për ndërgjegjësimin lidhur me kancerin.
