Një aksident i tmerrshëm ka tronditur futbollin peruan.
Autobusi që transportonte një ekip futbolli gjimnazi është rrëzuar në një humnerë duke bërë që të humbin jetën 8 prej të rinjve bashkë me shoferin e autobusit.
Gjithsej në autobus kanë qenë 18 futbollistë, ndërsa 10 të tjerët janë shtruar në spital dhe po luftojnë me jetën.
Të tetë djemtë e vdekur janë të moshës 13-14 vjeç.
Shkaqet e aksidentit mbeten të panjohura, por besohet se shirat e shumtë kanë ndikuar në rrëshqitjen e dheut, çka ka çuar në daljen e autobusit nga rruga.
