Ndonëse u ndalua në Prishtinë dy ditë më parë, Albert Veliu, i ashtuquajturi dëshmitari X, protagonist i audiopërgjimit të Agron Xhafaj u la i lirë të premten.
Por tani Ministria e Drejtësisë ka nisur ditën e premte drejt Kosovës, dosjen për ekstradimin e Veliut, i njohur si Babalja që përgjoi vëllain e Ministrit të Brendshëm.
Burime konfidenciale pranë Ministrisë së Drejtësisë, kanë pohuar se menjëherë pasi policia e Kosovës e arrestoi Albert Veliun në bazë të urdhër-kërkimit ndërkombëtar të lëshuar nga autoritet shqiptare, ministria e Drejtësisë përgatiti dosjen që do të shërbejë për ekstradimin e Veliut në vendin tone, shkruan tch.
Aktualisht Veliu, ose Babalja është lënë i lirë nga gjykata e Prishtinës deri sa të zhvillohet gjyqi për ekstradimin e tij. Gjithashtu Babalja ka bërë edhe një kërkesë për azil në Kosovë, kërkesë e cila ende nuk ka një vendim nga autoritetet kosovare.
