“Gjuetia” në distancë mes Shqipërisë dhe Kosovës për futbollistët e talentuar vazhdon.
Para pak ditësh, Panuçi i rrëmbeu Kosovës mbrojtësin, Kastriot Dërmaku i cili tani do luajë gjithmonë për kuqezinjtë.
Pas përplasjeve që mbrojtësi pati me trajnerin Shaland, ai u largua nga “dardanët”, për t’iu bashkuar Shqipërisë.
Megjithatë, ky rast duket se do përsëritet edhe me një futbollist tjetër.
Fjala është kapitenin e Kosvoës U-21, Ardian Ismajlin.
Para pak muajsh, vetë futbollisti zgjodhi që të vazhdojë me Kosovën, por ashmë ka një ndryshim të historisë.
Shaland e la Ismajlin jashtë listës për dy ndeshjet e tetorit, ndërsa e ftoi lojtarin për takimin ndaj Ishujve Faroe, pas dëmtimeve të shumta qe kane “dardanët”.
Sipas asaj që raporton “Gazeta Olle”, Ismajli e ka refuzuar ftesën, duke mos pranuar të grumbullohet me Kosovën, për shkak të mënyrës së trajtimit.
Ky reagim lë hapur mundësinë që futbollisti të përsërisë rastin e Dërmakut, për t’iu bashkuar kuqezinjve në të ardhmen.
