Bashkim Fino ka shfaqur zemërim kundër dy ministrave të qeverisë “Rama” gjatë seancës së sotme parlamentare. Fino në një moment reagoi keq ndaj ministrit të Financave, Arben Ahmetaj dhe ministrit të Jashtëm, Ditmir Bushati.
Shkak është bërë reagimi i Bushatit, i cili është parë duke qeshur, ndërkohë që Fino ishte në këmbë nga vendi duke duartrokitur pas replikës së socialistit Erjon Brace, që i kërkoi ministrit Ahmetaj llogari për tatimet që duhet të paguajë FSHF-ja.
Deputeti i PS iu drejtua Minsitrit me fjalët: Mos qesh ti se të kanë akuzuar Luli dhe Saliu që ke vjedhur vota, por ti këtë se ke bërë, prandaj përgjigju këtyre akuzave.
Ndërsa më tej ish-kandidati i FSHF replikoi dhe me Ametajn duke i thënë: Bëre detyrën ti. Kujtojmë që Fino humbi garën në FSHF përballë Armando Dukës, por që këtë humbje e ka kontestuar dhe po vijon betejën e tij ligjore.
