Shqiptari i cili mbeti i vdekur në aksidntin e ndodhur në Itali, është Bexhet Deda, shkruan “ShkodraNews”. Lajmin e bëjnë me me dije mediat italiane.
Aksidenti
Një 24-vjeçar italian ka përplasur 3 shqiptarë që po shkonin në punë në fusha me biçikletat e tyre.
Si pasojë e këtij aksidenti një prej shqiptarëve, 26 vjeçar, ka humbur jetën, ndërkohë që shoferi i makinës është larguar. Dy shqiptarët e tjerë kanë përfunduar në spital.
Pak minuta më vonë, shoferi i automjetit ndaloi për të rregulluar gomën e makinës, dhe pikërisht në atë moment është identifikuar nga policia dhe i janë vënë prangat.
Ngjarja ka ndodhur rreth orës 06.00 të mëngjesit disa ditëve më parë, por u raportua vetëm dje nga mediat italiane.
Sipas policisë italiane, 26-vjeçari ka gjetur vdekjen e menjëhershme, ndërsa dy të tjerët janë jashtë rrezikut për jetën, por kanë marrë lëndime e plagë të llojeve të ndryshme në trup.
Autori u largua nga vendngjarja pa ndaluar apo të telefononte për ndihmë.
Por më vonë një gomë iu shfry për shkak të përplasjes, e kështu i duhej ta ndërronte, teksa kthehej për në shtëpinë e tij në Caserta. Shoferi, Renzo Griffo, 24 vjeç, ka thënë se ndodhej në gjendje shoku, ndaj u largua pas përpasljes dhe u kthye në vendngjarje 20 minuta më vonë. /ShkodraNews
