Gjatë këtyre ditëve, në një stërvitje të përbashkët me xhenierët shqiptarë në kuadër të stërvitjes EX ALBANIAN LION, në kuadër të stërvitjes dhe shkëmbimit të eksperiencave mes vendeve, xhenierët britanikë kanë ndarë në rrjetet sociale dhe detaje të aktivitetit të tyre.
Së pari, shprehen se bunkeri nënujor në Porto Palermo, është diçka që u ngjan filmave të James Bond. Dhe meqënëse janë britanikë, shembullin e kanë marrë pikërisht nga një personazh filmi spiunazhi britanik.
Madje, së bashku me trupat shqiptare dhe kroate, ata kanë bërë zhytje nënujore në bunkerin e portoPalermos ku kanë ndarë edhe eksperiencat.
Por në rrugën e kthimit sic duket nga fotot e botuara në rrjetet sociale, kanë qëndruar në zonën e Radhimës. Ku, një shqiptar veshur me kostum tradicional, ndoshta nga ata që rrinë mes udhës për të ftuar qytetarët në restorant, I ka detyruar britanikët të bëjnë shqiponjën me duar.
Dhe xhenierët britanikë shprehen: “Ndoshta ky është njeriu më I lumtur në Shqipëri” duke postuar foton përkatëse.
