Të shtëna me armë janë dëgjuar para pak minutash në qytetin e Elbasanit. Ngjarja ka ndodhur në lagjen Fushë-Mbret në vendin e quajtur “Te shinat”.
Dëshmitarët kanë rrëfyer se është qëlluar nga një automjet tip Audi drejt një të riu.
Nga ngjarja mësohet se nuk ka të lënduar. Por nga hetimi paraprak i policisë rezulton se një person ka qëlluar në ajer me arme zjarri tip pistolete.
Eshte identifikuar autori dhe automjeti i përdorur prej tij. Policia është vënë në ndjekje të personit të dyshuar si autor i kësaj ngjarje.
