Policia e Shtetit vazhdon të patrullojë në zonat e plazheve si dhe informon qytetarët se rrugët hyrëse drejt plazheve janë të hapura.
Po ashtu, Policia e Shtetit shpjegon se nga komunikimi i bërë me Drejtoritë Vendore të Policisë dhe DV Kufirit dhe Migracionit, rrugët hyrëse në drejtim të plazheve Velipojë, Shëngjin, Tale, Gjiri i Lalëzit dhe Vlorë, ka trafik të shtuar, por jo bllokim rrugësh.
“Punohet me procedurë të përshpejtuar në PKK Muriqan dhe Morinë. Rendi e siguria janë në kufijtë e normalitetit.Në zonat turistike nuk ka probleme. Shërbimet e policisë monitorojnë situatën”, sqaron Policia e Shtetit./atsh
