Në shtator do të nisin punimet për fazën e dytë të projektit të Lungomares në Vlorë.
Kryeministri Edi Rama uron mirëmëngjesi ndjekësit në rrjetin social facebook me pamje të këtij projekti me rëndësi që synon transformimin e vijës bregdetare të qytetit bregdetar.
Rama thekson se shëtitorja do të shtrihet deri tek Tuneli i Ujit të Ftohtë, duke krijuar një tjetër hapësirë urbane fantastike buzë detit.
“MIRËMËNGJES , dhe me këto pamje të projektit të fazës së dytë të Lungomares së Vlorës, që nis të zbatohet në shtator dhe do të shtrihet deri tek Tuneli i Ujit të Ftohtë, duke krijuar një tjetër hapësirë urbane fantastike buzë detit, ju uroj një ditë të mbarë”, shkruan Rama. /atsh
