Mesa duket kjo verë do të jetë e nxehtë për sheshin “Skënderbej” ne Tirane. Pas Ermal Metes dhe Rita Orës që ne kembe publikun shqiptar, tashmë, veç Eleni Foureira, prezenca e së cilës është konfirmuar me 25 korrik, vetëm 2 ditë më vonë do të vizitojë Tiranën një tjetër shumë i njohur në fushën e muzikës ndërkombëtare.
Daddy Yanke, këngëtari i hiteve reggaeton ‘Dura’, ‘Gasolina’ e ‘Despacito’, është gati të japë show-n e tij të parë në kryeqytet më 27 korrik. Sheshi “Skënderbej, do të transformohet për të pritur në të yllin e 5 milionë klikimeve, që ka rrëmbyer zemrat e shumë fansave në mbarë botën përmes hitit të verës që lamë pas ‘Despacito’.
Pasi ka shitur më shumë se 10 milionë disqe dhe tashmë me një trofe Grammy, ritmet latine presin të pushtojnë kryeqytetin shqiptar me 27 korrik, duke nisur nga ora 19:00 deri në orët e para pas mesnate.
