Blendi Salaj është një nga moderatorët dhe zërat më të mirë radiofonikë në vendin tonë. Prej disa vitesh ai drejton emisionin “Klubi i mëngjesit”, por gjithashtu ka qënë shpesh i angazhuar në spektakle të mëdha si “Big Brother”, “Shiko kush luan” etj.

Blendi gjithashtu është mjaft aktiv në rrjetet sociale dhe shpesh publikon foto nga përditshmëria me bashkëshorten dhe djalin e tij.

I ftuar në emisionin #thuajemepepsi me Dojna Memen moderatori rrefeu për herë të parë historinë e dashurisë me bashkëshorten e tij, Anora.

Ai zbuloi se çifti është njohur në Facebook pasi kishin miq të përbashkët. Gjithçka për ta filloi me “1 like” dhe më pas vijoi me biseda të gjata që të njiheshin më mirë.

Moderatori tregoi se në atë periudhë ai jetonte në SHBA dhe pasi vazhduan komunikimin virtual për 2-3 muaj me Anoren, erdhi edhe koha të takoheshin për herë të parë.

Gjithashtu ai tha se besonte tek lidhjet online sepse sipas tij ndryshimi mes personit virtual dhe atij real është shumë i vogël.

Nga “1 like” në biseda me orë të tëra online dashuria e Blendit dhe Anores u finalizua në martesë dhe më pas erdhi në jetë djali i tyre, i cili  sot është 7  vjeç.