Kualifikimi i Eugent Bushpepës për në natën finalë të Eurovisionit, ishte padyshim një lajm shumë i bukur për të gjithë ne dhe një vlerësim i merituar.
Por marrë shkas edhe nga debati i pak ditëve më parë, kur Eleni Foureira u “kryqëzua” pas fotos që bëri me Eugentin, ku kishin formuar me duar shqiponjën, duket se reagimi i grekëve për kalimin e Shqipërisë dhe ngeljen jashtë të Greqisë, nuk ishte aspak miqësorë.
Mediat greke e kanë trajtuar me kujdes këtë pjesë, por komentet në rrjetet sociale ishin nga më të ndryshmet, duke shprehur mllef e pakënaqësi.
Disa prej tyre duken vërtetë të habitur, më shumë me faktin se përse kaloi Shqipëria dhe jo Greqia, sesa vetëm me moskualifikimin në finale të këngëtares së tyre, Yianna Terzi.
Më poshtë janë vetëm disa nga komentet e bërë në rrjetet sociale:
“Kengetari i Shqiperise, na ka shtruar vjet pllakat e shtepise.”
“Shqiperia? Po beni humor apo jo”
