“Amfar Gala” është një ndër netët më të rëndësishme, ku yjet botërorë bëhen bashkë në luftën kundër AIDS-it. Bamirësia e tyre ndaj kësaj kauze, nis që nga blerja e biletës, ku çmimi varion nga 15 mijë euro deri në 115 mijë euro.

Por mes bujarëve në ankandin e organizuar, supriza ishte miliarderi nga Lezha, i cili ofroi shifrën më të lartë për  koleksionin e përbërë nga 31 fustane të Carine Rotfield.

Modeli shqiptar Roland Lekaj, i cili është i njohur për pozat e tij ekstravagante në revistat aziatike, ofroi shifrën më të lartë për 1.6 milionë euro. Veprimi i tij u përshëndet nga të gjithë të pranishmit, madje i riu nga Lezha u përkëdhel edhe nga modelet në pasarelë.

Emisioni “Jo vetëm modë” bëri të ditur se modeli shqiptar është prej vitesh i martuar me sipërmarrësen kineze Yu Ëenhong, presidente e një prej markave më të njohura të kozmetikës në Azi. “Ankandi zgjati rreth 15 minuta, por unë s’mund të përshkruaj me fjalë atë që përjetova atë natë. Pavarësisht shumës, unë isha i bindur që atë blerje do ta bëja për nusen time dhe ato para t’i dërgoja për bamirësi. Me AmFAR më ka lidhur nusja ime e cila shkonte vazhdimisht në këtë eveniment. Unë shpresoj të ketë sa më shumë njerëz që të bëjnë këtë gjë siç e bëra unë apo siç bëjnë shumë të tjerë për të ndihmuar njerëzit të cilët vuajnë nga SIDA apo sëmundje të tjera”, tha Roland Lekaj në një intervistë ekskluzive për “Jo Vetëm Modë”, në Tv Klan.