Trashëgimtarja e Top Medias Lori Hoxha prej kohësh dihet se është në një marrëdhënie me milionerin Vis Bajraktari.
Ndonëse çifti është munduar ta ruajë marrëdhënien e tyre si shumë private, mediat rozë kanë publikuar foto të të dyve dhe tek tuk me ndonjë dedikim që i kanë bërë njëri-tjetrit në raste përvjetoresh apo ditëlindjesh.
Mirëpo, edhe pse ata të dy janë munduar që të qëndrojnë larg syrit të medias, duket se planet për të ardhmen nuk kanë qendruar aq të fshehta.
Kjo pasi çifit do të kurorëzojë shumë shpejt dashurinë e tyre në martesë.
Burime shumë të sigurta janë shprehur për Dita-n se në fund të Korrikut Lori Hoxha do t’i thotë “Po” të dashurit të saj, në Liqenin e Komos në Itali, një nga vendet më luksoze dhe më ekskluzive në Europë.
Atmosfera festive sipas tyre do të zgjasë pothuajse një javë, dhe nuk do të mungojnë as të ftuarit nga sfera publike.
Ndërkohë motra më e vogël e Lorit, Sara ende nuk ka bërë dasmë me partnerin e saj Ledion Liço.
Ka qenë vetë Sara në fakt që ka thënë në “Shiko kush luan” se do të martohen këtë verë.
Tani na mbetet vetëm të presim se cila nga motrat Hoxha do të bëjë dasmën më shpejt.
