Nëse edhe ju jeni në çift por ende nuk keni menduar asnjë dhuratë apo diçka të veçantë që mund t’i bëni partnerit/partneres tuaj, jeni duke lexuar artikullin që ju duhet.
S’është ndonjë qejf i madh të harxhosh shumë para për një ditë të vetme, kur mendon që keni çdo ditë të jetës suaj që ndoshta do ta ndani bashkë e do t’i shprehni dashurinë, por gjithsesi, sot duhet bërë diçka.
Ekspertët e kanë menduar këtë situatë sepse u ndodhë plot personave, prandaj ndiqni këshillat e mëposhtme se si mund ta rregulloni këtë problem:
Kartolina është prioriteti kryesor
Është gjëja më e lehtë që mund ta bëni, dhe mund ta përfundoni brenda një kohe shumë të shkurtër.
Merrni një kartolinë nga dyqani më i afërt që e keni, dhe mbusheni me vargjet më të bukura të dashurisë.
Përqendrohuni në dhuratat e vogla e të ëmbla
Ndoshta është shumë vonë për t’i blerë diçka me domethënie interesante, por mos u nxitoni menjëherë t’i blini aksesor.
Më mirë t’i blini diçka të thjeshtë dhe të ëmbël – një kuti çokollata, një copë torte, lule, çfarëdo.
Dërgojeni në vendin ku jeni takuar për herë të parë
Kjo është lëvizje e mençur, sepse ndoshta nuk jeni takuar në ndonjë restorant luksoz, kështu që mund t’i tregoni asaj se ende e mbani mend takimin e parë dhe se ai takim ka pasur rëndësi jetësore për ju.
