Policia ka arrestuar një vajzë të re e cila në dalje te aeroporti Rinas, u kap me një pasaportë e një kartë shëndeti italiane, të falsifikuara.
Burimet nga Drejtoria Vendore për Kufirin dhe Migracionin Tiranë, Komisariati i Kufirit dhe Migracionit Rinas, thanë se më datë 24.12.2017, u referuan materialet në Prokurorinë e Rrethit Gjyqësor Tiranë, për shtetasen S.H, vjeç 25, banuese në Burrel, pasi dyshohet se në dalje te aeroporti Rinas, iu gjetën një pasaportë e një kartë shëndeti italiane, të falsifikuara.
Ajo akuzohet për veprat penale parashikuar nga nenet 186 e 189 të Kodit Penal.
