[sgmb id=”1″]
Një aksident rrugor ka ndodhur në aksin e rrugës kombëtare Elbasan-Tiranë, ku dy automjetet janë përplasur pranë tunelit të Qafë-Kërrabës. Bëhet e ditur se si pasojë e aksidentit kanë mbetur të lënduar drejtuesit e automjeteve, një tip “Mercedes” dhe një BMW.
Forcat e policisë dhe ato zjarrfikëse kanë mbërritur në vendin e ngjarjes dhe po bëjnë të mundur nxjerrjen e personave të mbetur brenda njërës prej tyre. Si pasojë e përplasjes, njëri nga mjetet ka pësuar dëmtime të mëdha.
Nga hetimet paraprake, dyshohet se shkak i aksidentit ka qenë një parakalim i gabuar nga ana e njërit mjet, rreth 150 metra në afërsi të tunelit të Kërrabës.
