Votime Sondazhe

Ndalesa e parë e PS në rajonin nr.3 të qytetit të Vlorës në kuadër të çeljes së takimeve publike u zhvillua në sheshin e rikonstruktuar të Tre Racave. Një premtim i mbajtur gjatë mandatit të parë të kandidatit, Dritan Leli.

“Në mandatin e ri do të mundësojmë rikonstruksionin e teatrit “Petro Marko” të Vlorës.Do ti rijapim vlerë muzeut më të rëndësishëm të Shqipërisë, Muzeut Kombëtar të Pavarësisë. Kemi miratuar pak muaj më parë edhe pjesën e parë të projektit të shëtitores pas tunelit në drejtim të Radhimës e Orikumit. Do të ndërtojmë korsi të dedikuara biçikletash për një aks me gjatësi 20 km” -tha Leli.

Leli u kërkoi qytetarëve të bashkohen në 30 Qershor, për të cuar më tej projektet për zhvillimin e qytetit.

Drejtuesi politik i Partisë Socialiste për Qarkun e Vlorës Damian Gjiknuri deklaroi se zgjedhjet do të mbahen në 30 Qershor.

“Dekreti i presidentit është një vrim në ujë, nuk ka asnjë vlerë juridike.Sepse zgjedhjet përcaktohen njëherë dhe zgjedhjet nuk i kemi në dorë ne sa herë kemi qejf të ndryshojmë datë. Një votë për stabilitetin dhe që ky vend të mos kthehet më si më parë duhet ta bëjmë të gjithë. Çdo vlonjat! Mjaft ky vend ka vuajtuar dhe njerëzve që e kanë mbajtur peng duhet t’ ju japim një mësim. Jo dhunës, jo djegies e jo Shqipërisë në udhëkryq. E kush më mirë se Vlora mund ta bëj këtë?! ” – tha Gjiknuri.

Sipas Gjiknurit, koha e fjalëve ka mbaruar pasi vota në 30 Qershor është votë për Integrimin e Shqipërisë./atsh

Partia Socialiste çel nesër zyrtarisht fushatën elektorale për zgjedhjet vendore të 30 qershorit.

Hapja e fushatës zgjedhore do të bëhet në orën 16:00, në një aktivitet të organizuar në Parkun Olimpik në Tiranë.

Kryeministri Edi Rama njoftoi sot çeljen e fushatës zgjedhore, duke konfirmuar vendosmërinë e palëkundur për zhvillimin e zgjedhjeve vendore në 30 qershor.

“30 qershor dhe pikë”, shprehet Rama, duke iu përgjigjur kështu edhe një herë opozitës, e cila deklaron se nuk do të ketë zgjedhje në 30 qershor dhe se nuk do të lejojë zhvillimin e tyre./atsh

Kryeministri Edi Rama tha mbrëmjen e sotme se 30 qershori është një detyrim për të gjitha partitë politike që duan të dalin para popullit.

“Pushteti dhe karrigia nuk janë të miat. Besimin ma kanë dhënë qytetarët. Unë nuk kam të drejtë të negocioj vullnetin e tyre dhe të bëhem pjesë e një historie që nuk do zgjidhte problemin, por do hapte një precedent që do e ndiqte si mallkim Shqipërinë, se çdo opozitë do thoshte pse të rrimë ne 4 vjet në Kuvend, po marrim molotovët dhe po dalim në rrugë”, theksoi ai në një intervistë me panel gazetarësh në emisionin “Open”.

I pyetur për mundësinë e ndryshimit të datës së zgjedhjeve, Rama tha se ka një ofertë shumë të qartë që është 30 qershori. “30 qershori është detyrim për të gjitha partitë politike që duan të dalin para popullit dhe të gjykohen”, – theksoi Rama.

Për Kryeministrin Rama, i vendosur para mundësisë së një konflikti civil, që të ketë konflikt civil duhet të ketë popull në konflikt. “Këtu nuk ka popull në konflikt, ka vetëm konflikt politik prej një grushti njerëzish që kërkojnë pushtet”, – theksoi ai.

“Në ato protesta nuk është populli. Aty është një popull imagjinar me punonjës bashkish, punëtorë ujësjellësash dhe kanalizimesh, ca ndjekësish besnikë me maska”, – tha Rama. /atsh

Komisioni Qendror i Zgjedhjeve, vendosi sot të regjistrojë 16 kandidatë për kryetarë bashkie në zgjedhjet e 30 qershorit.

Kështu KQZ vendosi njoftimin e KZAZ-së, nr. 16 për vazhdimin e procedurave për regjistrimin e kandidatit për kryetar, bashkia Mat, Qarku Dibër, Agron Malaj të propozuar nga Koalicioni “Aleanca për Shqipërinë Europiane”, për zgjedhjet për organet e qeverisjes vendore, të datës 30 qershor 2019.

KQZ vendosi njoftimin e KZAZ-së, nr. 65 për vazhdimin e procedurave për regjistrimin e kandidatit për kryetar, bashkia Poliçan, Qarku Berat, Adriatik Zotkaj të propozuar nga Koalicioni “Aleanca për Shqipërinë Europiane”, për zgjedhjet për organet e qeverisjes vendore, të datës 30 qershor 2019.

KQZ vendosi njoftimin e KZAZ-së, nr. 77 për vazhdimin e procedurave për regjistrimin e kandidatit për kryetar, bashkia Tepelenë, Qarku Gjirokastër, Tërmet Peçi të propozuar nga Koalicioni “Aleanca për Shqipërinë Europiane”, për zgjedhjet për organet e qeverisjes vendore, të datës 30 qershor 2019.

KQZ vendosi njoftimin e KZAZ-së, nr. 69 për vazhdimin e procedurave për regjistrimin e kandidatit për kryetar, bashkia Pustec, Qarku Korçë, Pali Kolefski të propozuar nga Koalicioni “Aleanca për Shqipërinë Europiane”, për zgjedhjet për organet e qeverisjes vendore, të datës 30 qershor 2019.

KQZ vendosi njoftimin e KZAZ-së, nr. 89 për vazhdimin e procedurave për regjistrimin e kandidatit për kryetar, bashkia Finiq, Qarku Vlorë, Leonidha Hristo të propozuar nga Koalicioni “Aleanca për Shqipërinë Europiane”, për zgjedhjet për organet e qeverisjes vendore, të datës 30 qershor 2019.

KQZ vendosi njoftimin e KZAZ-së, nr. 80 për vazhdimin e procedurave për regjistrimin e kandidatit për kryetar, bashkia Dropull, Dhimitraq Toli të propozuar nga Koalicioni “Aleanca për Shqipërinë Europiane”, për zgjedhjet për organet e qeverisjes vendore, të datës 30 qershor 2019.

KQZ vendosi njoftimin e KZAZ-së, nr. 62 për vazhdimin e procedurave për regjistrimin e kandidatit për kryetar, bashkia Ura Vajgurore, Qarku Berat, Juliana Memaj të propozuar nga Koalicioni “Aleanca për Shqipërinë Europiane”, për zgjedhjet për organet e qeverisjes vendore, të datës 30 qershor 2019.

KQZ vendosi njoftimin e KZAZ-së, nr. 78 për vazhdimin e procedurave për regjistrimin e kandidatit për kryetar, bashkia Gjirokastër, Qarku Gjirokastër, Flamur Golemi të propozuar nga Koalicioni “Aleanca për Shqipërinë Europiane”, për zgjedhjet për organet e qeverisjes vendore, të datës 30 qershor 2019.

KQZ vendosi të regjistrojë si kandidat për kryetar në bashkinë Fier, të Armando Subashi të propozuar nga koalicioni “Aleanca për Shqipërinë Europiane”, për zgjedhjet për organet e qeverisjes vendore, të datës 30 qershor 2019.

KQZ vendosi të regjistrojë si kandidat për kryetar në bashkinë Lushnjë, të Fatos Tushe të propozuar nga koalicioni “Aleanca për Shqipërinë Europiane”, për zgjedhjet për organet e qeverisjes vendore, të datës 30 qershor 2019.

KQZ vendosi të regjistrojë si kandidat për kryetar në bashkinë Kamëz, të Rakip Suli të propozuar nga koalicioni “Aleanca për Shqipërinë Europiane”, për zgjedhjet për organet e qeverisjes vendore, të datës 30 qershor 2019.

KQZ vendosi të regjistrojë si kandidat për kryetar në bashkinë Korçë, të Sotiraq Filo të propozuar nga koalicioni “Aleanca për Shqipërinë Europiane”, për zgjedhjet për organet e qeverisjes vendore, të datës 30 qershor 2019.

KQZ vendosi të regjistrojë si kandidat për kryetar në bashkinë Tiranë, të Erion Veliaj të propozuar nga koalicioni “Aleanca për Shqipërinë Europiane”, për zgjedhjet për organet e qeverisjes vendore, të datës 30 qershor 2019.

KQZ vendosi të regjistrojë si kandidat për kryetar në bashkinë Vlorë, të Dritan Leli të propozuar nga koalicioni “Aleanca për Shqipërinë Europiane”, për zgjedhjet për organet e qeverisjes vendore, të datës 30 qershor 2019.

KQZ vendosi të regjistrojë si kandidat për kryetar në bashkinë Elbasan, të Gledian Llatja të propozuar nga koalicioni “Aleanca për Shqipërinë Europiane”, për zgjedhjet për organet e qeverisjes vendore, të datës 30 qershor 2019.

KQZ vendosi të regjistrojë si kandidat për kryetar në bashkinë Shkodër, të Valdrin Pjetri të propozuar nga koalicioni “Aleanca për Shqipërinë Europiane”, për zgjedhjet për organet e qeverisjes vendore, të datës 30 qershor 2019.

Gjithashtu sot KQZ vendosi lirimin dhe emërimin e anëtarëve në disa KZAZ, për zgjedhjet për organet e qeverisjes vendore, të datës 30 qershor 2019.

Po ashtu, KQZ vendosi caktimin e Vendit të Numërimit të Votave të ZAZ-së Nr. 9, ZAZ-së Nr. 10, ZAZ-së Nr. 11, në Qarkun Kukës./atsh