Turizem

Ta mendosh se Shqipëria do ketë 1 milionë banorë pas një dekade. Për shumëkënd është e paimagjinueshme që vazhdon të zbrazet një vend që i ka të gjitha.

Jo vetëm detin, por edhe malet janë spektakolare. Këto foto nuk vijnë nga Zvicra.

Ato janë bërë në malet e Kukësit, në zonën e Novosejit. Fotot janë postuar nga faqja ‘Prodhuar në Kukës’.

Deri pak vite më parë, ne mund të shkonim në port të njëjtën mbrëmje, pa rezervim. Tani, vendet në tragetet nga Brindisi në Vlorë nuk janë as nëse i paguan me peshën e arit: ato janë shitur prej një kohe të gjatë dhe ata që duan të nisen mund të gjejnë vetëm disa vende në këmbë në tragetin Bari-Durrës.

Në një reportazh të transmetuar nga televizioni i Leçes, telenews, realizuar nga gazetarja Tiziana Colluto, theksohet se “Shqipëria ia kalon Salentos dhe mund konkurrencën e afërt, duke konfirmuar parashikimet që ishin në ajër: është destinacioni i vërtetë për verën e vitit 2018. Ajo ka thithur edhe fluksin me destinacion Puglia-n, veçanërisht ato të të rinjve”.

Sepse, deri para pak vitesh ishte një destinacion i ngrohtë sidomos për entuziastët dhe të dashuruarit anglezë, austriakë dhe japonezë, tani vendi i Shqiponjave është hapur edhe për turizëm masiv me të gjitha pro-të dhe kundër. Receta? Deti i pabesueshëm, peizazhe që të lënë pa frymë, çmime të ulëta dhe shumë argëtim. Vlora dhe Saranda, mbi të gjitha, janë bërë Rimini dhe Gallipoli nga ana tjetër.

Konfirmimi vjen gjithashtu nga kryebashkiaku i Vlorës, Dritan Leli, i cili ditët e fundit ishte mysafir në San Dana, një qytet i vogël i Gagliano del Capo, për të bërë homazhe për shenjtorin origjinal të qytetit të tij, gjatë ngjarjes “Salento – Shqipëri”. Një urë mes dy brigjeve “.

“Ne kemi një qytet krejtësisht të ri, por edhe një natyrë fantastike – thotë ai – dhe një gji fantastik me qendrën e ishullit Sazanin, plazhe të bukura, një tregim për të treguar dhe zbuluar, si dhe ushqime të shkëlqyera dhe të ngjashme me kuzhinën italiane. Shumë italianë që vijnë në Vlorë thonë se edhe makaronat tek ne janë më të mira!”.

Shpenzimet: një natë në destinacionet turistike më të njohura, si Orikumi, Ksamili, Himara, përgjatë bregut të Adriatikut, mund të kushtojë vetëm 25 euro për një natë (për një çift), nëse ju prenotoni përmes një portali online jo dhe shumë kohë më parë. Darka të bollshme dhe dreka të bazuara në peshk të freskët ose mish – qengji dhe derra të egër – kanë çmime më të larta deri në 30 euro. Biletat për anijet arrijnë në rreth 90 euro.

Do ta tejkalojë turizmin salentin? “Nuk jam në konkurrencë me asnjeri, shprehet kryebashkiaku i Vlorës, por vetëm me veten time, për të mirën e qytetarëve të mi. Kam ardhur në San Dana edhe për të zhvilluar lidhjet tona historike. Kur u tregoj shqiptarëve fotografitë që ju bëni nga këtu maleve tona, ata mendojnë se bëhet fjalë për fotomontazh.Dy vendet tona janë kaq afër”.

Të dhënat e publikuara nga Instituti Shqiptar i Statistikave (INSTAT) për katër muajt e parë të këtij viti kanë treguar tashmë se krahasuar me të njëjtën periudhë të vitit të kaluar ka pasur një rritje totale prej 7% me +5.6 % të turistëve italianë, pas të cilëve vijnë polakët (+ 33%) dhe kosovarëve (5.9%). Në vitin 2017 kishte mbi 5 milionë turistë të huaj.

Një industri e pushimeve që gjithashtu bën dëmin e saj, përsërit gabimet tona, me rrjedhat e mëdha të betonit pranë plazheve. Një risi që përparon kudo, një turizëm i ri, por i arratisur, midis klubeve të modës dhe hoteleve të reja kudo. Për Salenton, duke u përballur me ekzaminimin e saj të ndërgjegjes, një tjetër spunto për të menduar./atsh

Anija Teuta, një mesjavë gushti Vlore, është ëndrra e një dite vere, të çdo pushuesi që s’di ku t’i çoje ditët e lejes në Vlorë.

Mos rri te Lungomare, se ajo është për darkë, as te Bolonja, se ajo është për dreke, as te Liro se aq vend ka, nuk del për këtë dyndje.

Rritja e turizmit në Shqipëri është një mundësi e shkëlqyer për punësimin e të rinjve në këtë sektor.

Përfaqësues të agjencive, guidave dhe udhërrëfyesve turistikë, ishin përballë të rinjve të “Smile Albania” në kampin e Jalit, aty ku të rinjtë trajnohen duke punuar për turizmin dhe mjedisin.

“Në qoftë se ka një gjë që mund të bëni lekë dhe të jetoni bukur, është turizmi. Ka aq shumë mundësi punësimi. Është zanat. Rroga mesatare e një guide është 50 euro në ditë”, tha Vladimir Dedë Ndrea, drejtues i “Albania Adventure”.

Përfaqësuesit e guidave thanë se certifikimi i guidave nga Ministria e Turizmit dhe Mjedisit ka nxitur profesionalizmin në këtë fushë.

“Më pëlqen që Ministria e ka bërë tani me certifikime. Bëj trajnim dhe Ministria të licencon nëse e meriton”, tha Ndrea.

Në një bashkëbisedim të hapur, guidat rrëfyen përvojën e tyre në turizëm, duke ndarë me të rinjtë fillesat, përgatitjet por edhe vështirësitë e këtij profesioni.

“Nëse punën e bën me dëshirë e pasion, lodhja konsiderohet zero”, tha Paola një tjetër guidë e pranishme në takimin me të rinjtë e “Smile”.

Në fund të takimit të rinjtë e “Smile Albania” dhe përfaqësuesit e guidave dhe operatorëve turistikë, zhvilluan një ndeshje volejbolli në kampin më të madh të buzëqeshjes, në Jal./ atsh

Plazhi i mrekullueshëm i Sarandës është padyshim një nga atraksionet më të preferuara për pushuesit vendas dhe sidomos ata të huaj, të cilët zgjedhin të pushojnë në vijën bregdetare “magjike” të këtij qyteti.

Ditën e sotme në portin e Sarandës është ankoruar anija “St’Damian”, e cila në bordin e saj transportonte më shumë se 1200 turistë italianë si dhe mbi 150 makina, shifra të cilat u konfirmuan për Agjencinë Telegrafike Shqiptare (ATSH) nga drejtoresha e Portit të Sarandës, Kozeta Statha.

“Anija ‘St’Damian’ konsiderohet anije turistike dhe vjen me listë të mbyllur, vetëm me italianë dhe qëndron 1 ose 2 javë. Sot kishte më shumë se 1200 pasagjerë dhe mbi 150 makina. Ata kanë përfaqësues në Sarandë, një agjent detar, i cili njofton për të gjitha këto anije turistike, duke bërë njoftimin në port te kapitaneria dhe te policia kufitare, që bëhet 24 orë para nisjes së tragetit, për të parë nëse ka kalatë të lirë për ankorimin e saj. Këto lloj anijesh vijnë rreth orës 05:00 ose 06:00 të mëngjesit dhe rreth orës 12 të drekës niset për në Itali grupi që ka ardhur 1 javë ose 2 javë para, duke mos marrë asnjë udhëtar në bordin e tyre, përveç atyre italianë”, – thekson drejtoresha.

E pyetur rreth shërbimeve si dhe organizmin e kapitenerisë së portit për ankorimin dhe sigurinë e turistëve, drejtoresha Statha shprehet se nga ana e tyre po bëhet një punë mjaft e mirë, si në ankorim, por edhe në urimin e mirëseardhjes së parë për turistët.

Drejtoresha e Portit të Sarandës bëri me dije për ATSH se gjatë javëve në vijim pritet që anije të këtij lloji të sjellin edhe më shumë turistë italianë, ku numri i tyre mund të jetë edhe mbi 2000 mijë.

“Kjo anije erdhi sot për herë të parë, por tre të hënat e mëparshme kemi pasur anije të tjera që na kanë vizituar, me një numër mjaft të lartë turistësh.

Tri të hënat e para erdhi “Red Stari” ndërsa kjo anije që ka ardhur sot ka bërë rezervime edhe për 5 herë të tjera për të ardhur në Sarandë.

Numri më i vogël që ka sjellë kjo anije ka qenë rreth 400 veta, sot shikoj më shumë se 1200 dhe sipas komunikimit që kemi pasur, edhe axhendën, herës tjetër do të jenë më shumë se 2 mijë turistë në këtë anije”, theksoi Statha.

Saranda është kthyer në një destinacion turistik mjaft i dashur jo vetëm për turistët vendas por edhe ata të, të cilët zgjedhin të pushojnë pranë detit të pastër dhe qetësisë që të ofrojnë plazhet e jugut të Shqipërisë./atsh

Të rinj nga qyteti i Marsejës në Francë janë angazhuar prej disa ditësh në programin “Interlink Berat” i cili synon promovimin e trashëgimisë kulturore, ruajtjen e mjedisit dhe nxitjen e shkëmbimeve kulturore.

Me mbështetjen e bashkisë Berat dhe me ndihmën e vullnetarëve të Korpusit të Paqes Berat dhe Aleancës Franceze, dega Berat, të rinj beratas dhe nga qyteti i Marsejës në Francë janë angazhuar në këtë program.

Të rinjtë janë duke ndihmuar në përmirësimin e oborreve të kishave historike të Shën Mëri Vllahernës dhe Shën Todrit në Kalanë e Beratit dhe të disa shkollave në qytet.

Aktivitete të tjera përfshijnë ekspedita në natyrë si dhe programe shkëmbimi dhe ndërveprimi kulturor./atsh

Mbi 57.710 vizitorë vizitorë shqiptarë dhe të huaj kanë vizituar Muzeun Kombëtar “Gjergj Kastrioti Skënderbeu” dhe Muzeun Etnografik Krujë gjatë periudhës janar-korrik 2018 ,gati 2.5 herë më shumë se e njëjta periudhë e vitit të kaluar.

Muzeu Kombëtar “Gjergj Kastrioti Skënderbeu” dhe Muzeu Etnografik Krujë po vizitohet dhe në këto ditë të nxehta gushti nga një numër i lartë i turistëve të huaj.

Numrin më lartë të turistëve të huaj e përbëjnë italianët, të cilët vizitojnë vendin tonë të organizuar me agjenci turistike, individualisht, apo të shoqëruar nga miq shqiptarë që jetojnë në Itali.

Viti 2018 është shpallur si Viti Mbarëkombëtar i Gjergj Kastriot Skënderbeut, ndaj Muzeu Kombëtar “Gjergj Kastrioti Skënderbeu” dhe ai Etnografik në Krujë janë përgatitur maksimalisht për t’iu përgjigjur sa më mirë numrit gjithnjë në rritje të vizitorëve.

Kruja ka një turizëm gjithëvjetor, pasi është e favorizuar nga vlerat që mbart, por edhe nga vendndodhja./atsh