Turizem

Shqipëria e sidomos jugu i Shqipërisë tërheq jo vetëm pushues të rinj por dhe moshat e treta sikundër është rasti i disa moshatarëve francezë, të cilët kanë ardhur të shijojnë bregdetin e Dhërmiut. Në turin e tyre pas Malit të Zi, ishte planifikuar Shqipëria, vend që sipas tyre nuk e kishin vizituar kurrë më parë.

Të impresionuar me bukurinë malore dhe detin e vendit tonë ata shprehen se, ky vend është i jashtëzakonshëm, por ç’ka më shumë i impresion është bujaria e shqiptarëve.
Kombinimi “det –mal, dhe ushqim me bollëk është tepër i veçantë shprehen disa prej tyre.

“Nuk e dimë nëse do të kthehemi sërish, por plotësisht të mahnitur themi, Shqipëria ka një të ardhme të bukur përpara me këto karakteristika!” Ky tur dhe kjo energji te ky grup moshe është mesazhi më i bukur që mund të marrim. Të eksplorosh dhe të shijosh nuk është pengesë mosha.

Nëse keni planifikuar pushime në jug, do duhet që të keni kuletën plot. Kjo sepse ajo që po na serviret në rrjetet sociale të personave që kanë drekuar apo darkuar në restorantet në jug, faturat janë shumë të kripura.

Një rast ekstrem nga vjen në Himarë, ku një sufllaqe kushton 600 lekë. Po, mos t’ju duket çudi. Për 2 sufllaqe, 1 pjatë patate të skuqura dhe 2 ujë , këta pushues kanë paguar 1590 lekë. Kuponi tatimor është prerë 25 korrik në orën 17:05.

Duket se ky sezon turistik do të shoqërohet jo vetëm me temperatura të larta, por edhe fatura të kripura./shqiperiaime

Si gjithmonë çdo vit Dhërmiu na befason me çmimet, të cilat janë më të kripura se ujërat e asaj zone.

Sapo filloi sezoni turistik çmimet kanë shkuar në stratosferë.

Pyeteni veten mirë nëse dëshironi që të pini kafen e mëngjesit dhe ta shoqëroni me një shishe ujë 0.5 L, pasi 2 makiato normale dhe një ujë kushtojnë 10 mijë lekë.

Fatura që shihni më poshtë është lëshuar para dy ditësh në një kafe në Dhërmi dhe ilustrohet më së miri situata alarmante e çmimeve.

Epo, përveç temperaturave përvëluese që janë prezente këto ditë, mesa duket kjo verë paska për të qenë “përvëluese” edhe për xhepin e qytetarëve.

Shqipëria është një nga parajsat e fundit në Europë, sipas blogerit të njohur të udhëtimeve turistike, Christian Hütwohl, i cili ka udhëtuar kohët e fundit në Shqipëri dhe ka realizuar për këtë qëllim edhe një seri videosh, të klikuara qindra mijëra herë.

”Kemi dy muaj që udhëtojmë nëpër rrugët e Shqipërisë. Deri më tani kemi bërë 2 500 kilometra dhe kemi realizuar 9 video të udhëtimit tonë”, shkruan Christian Hütwohl.

Pasi rendit 10 vendet më të bukura, ai thekson se ”Shqipëria ka shumë bukuri për të ofruar”.

”Ksamili, një destinacion pushimesh në jug të Shqipërisë, me gjire të bukura dhe ujëra të bruzta. Do të na kishte pëlqyer të qëndronim më gjatë atje. Ky është Kanioni i Osumit, me urën e tij të ndryshkur, që nuk deshëm ta kalonim me makinën tonë. Ky kanion mbresëlënës është pjesë e kanioneve më të mëdha të Europës.

Ia vlen të kthesh rrugë për të vizituar lagunën e Patokut, për të parë shtëpitë palafite dhe për të frekuentuar restorantet e këndshme të peshkut.

Kemi qenë katër herë te agroturizmi “Mrizi i Zanave” gjatë rrugës sonë veri-jug përmes Shqipërisë. Ne e rekomandojmë shumë qëndrimin një ose dy ditë në këtë vend, për të shijuar gatimet tradicionale të vendit.

Ky udhëtim nuk ka të bëjë vetëm me të shkuarit në destinacione të caktuar, por edhe thjesht me të udhëtuarit nëpër këtë vend. Shqipëria ofron shumë rrugë panoramike. Megjithatë, rrugët e Shqipërisë kanë edhe sfidat e tyre, me korsitë apo shtigjet e ngushta apo në rërë.

Është gjithmonë interesante të zbulosh vende të mrekullueshme. Në Shqipëri gjen gjithmonë të tilla vende fantastike. Ajo është një nga parajsat e fundit në Europë, ku mund të ngresh kampin në mes të natyrës së egër. Gjithashtu, është po aq interesante të takosh gjatë rrugës edhe të tjerë udhëtarë me të njëjtin mendim, të udhëtosh me ta për njëfarë kohe, gjë që na sjell në mendje kujtime të bukura”, përfundon ai

Ndërsa hedh sytë nga Porti i Sarandës sheh një superjaht të ankoruar aty.

Po ju shuajmë pak kureshtjen: “Yas” është një superjahti privat i rindërtuar nga ADMShipyards në Abu Dhabi.

Ky jaht kushton 180 milion dollarë dhe pronari i tij është Sheiku Hamdan bin Zayed al Nahyan, i cili i ka vendosur emrin e djalit të tij.

Puna për ta rikonstruktuar këtë jaht kanë nisur që në 2011 dhe është përfunduar në 2015. Me gjatësi 141 metra ajo është një nga jahtet më të mëdha motorike në botë.

Në këtë superjaht mund të akomodohen 60 veta në 30 kabina, ndërsa personeli përbëhet nga 56 veta, të cilët akomodohen në 26 kabina. /sarandacity