Te fundit nga zona

Kjo eshte nje permbledhje e disa toponimeve te fshatit Tragjas.

Toponime kryesore të fshatit janë vendosur me kuptimin apo prejardhjen e emërtimit përkatës. Në përzgjedhjen e zbërthimin e këtyre toponimeve është treguar kujdes për të mbuluar gjithë hapësirën që zë territori i fshatit Tragjas, por toponimet në Tragjas janë të shumta:

Stravoi – emër me prejardhje sllave, por edhe nga greqishtja, që do të thotë kryq.
Përroi i Bubuligës – emër nga fjalët “bubu e liga”.
Maja e Zhurës – nga rërë e trashë, me përmbajtje shtufi dhe zhavorri të imët.
Hauzi – nga gropë që ngjan me një kazan gjigant, me mure prej shkëmbinjsh të thepisur, por që ka hyrje dhe dalje të ujërave, kanione
Vali i Qesarit – emër që ka lidhje me Çezarin e Madh të Romës së lashtë.
Udha e italianëve – me që është ndërtuar prej okupatorëve gjatë Luftës së Parë për qëllime ushtarake në vitet 1915-1919.
Maja e Qivurit – mendohet se ka pasur shumë qivurë.
Qafa e Varreve – ndodhen disa varre të vjetër.
Maja e Viçanit – emër, me prejardhje nga fjala vit, çan rrethimin.
Fushën e Kadiut – ka mundësi të jetë quajtur e Kadiut, sepse ka qenë pronë e tij.
Sofa – prejardhjen nga fjala sofër, por mund ta ketë edhe nga emri Sofi i ndonjë gruaje, qytezë e lashtë.
Maja e Konxhules – lnga ëkundëse, kolovajs.
Erihua – emër që ka lidhje me emrin e Orikumit, që ndodhet në buzë të detit.
Tragjas – Dragjat, Tragiatas, Tragasei, që mund ta kenë prejardhjen nga fjala ilire treg Tregasi – Tragiasi – Tragjasi.
Tragasi – krahinë e Epirit 
Kripa e Tragjasit – Poseidoni bërë kripore.
Tregesht – fjala ilire Treg=Tragas.
Gropa e Aliut – Alliret, kanë ikur nga Tragjasi herët.
Gropa e Sulit – E suljotëve të larguar shekuj më parë.
Qafa e Kalisë – Emër i vjetër ilir.
Mali i Qorres – Mendohet se aty janë qorruar njerëz nga vetëtimat.
Bregu i Gomares – Mundet nga Gjon Mara (njeri).
Gropa e Fikut – Ka patu mjaft fiq në këtë gropë.
Lëmi i Llukës – Dikur pa pasur një lëm, që e kish ndërtuar Lluka, por edhe vend që rritet lluka (lloj druri).
Maja e Zezë – Gjatë gjithë kohë ka qenë e zëzë, e frikshme.
Sheshet – Vend i sheshtë, ku ngriheshin stanet gjatë beharit.
Maja e Qytezës – Dikur në lashtësi ka qenë qytezë.
Përroi i Vilave – Mendohet se dikur ka pasur vila (shtëpi), por edhe hardhi rrushi.
Lugu i Drizës – Vend që ka shumë driza.
Gjiniva – Vend që dikur, para lindjes së Krishtit, ka qenë fshat me shumë shtëpi, por edhe Gjin Ivani

Historia e Tragjasit/

Vargje per babain nga Aishe Musta Alicka:

Gezuar festen ju baballare ne gjith boten, qe sakrifikoni gjithcka per femijet tuaj!
Babai im me ka marre malli….

Me ka marre malli
Mall i pergjeruar
Per babane e mire
Zemra ligeshtuar

Me ka marre malli
Te te shoh ne porte
Per puthjen tende
Ne balle e mbi floke

Me ka marre malli
Per burrin pa fjale
Ti flisje me sy
Me besen e bardhe

Aishe Musta Alickaj. 18. Qershor. 2018.

Nje banor i krahines tone i cili eshte shume aktiv edhe ne portalin orikuminews ka reaguar i indinjuar kunder parimeve te qeverise e cila sipas tij iken me mendimin se na mbron NATO.

Kujtim Jaupi njihet per reagimet e tij te drejteperdrejta ne lidhje me temat e aktualitetit duke qene edhe nje nga ndjekesit me aktiv te portalit orikuminews. Me nje status ne facebook ai shprehet ne kete menyre: 

Statusi i Kujtim Jaupaj:

O Shqypni pa ushtri
me djem koke xhela.
dhe turli vajzeri..ne kohen e Veros..ne dinim ta zberthenim dhe mberthenim armen me sy mbyllur..po qisnim edhe 1500m larg madje prej bunkerit..hanim keq por dinim edhe te te kepusnim kockat me dore…dinim edhe te verviteshim ne hekura dhe benim kipin dhe vertikale gjithashtu..po mesova dhe alfabetin mors qe eshte gjuhe me vete…qanim perpara flamurit dhe beheshim heshta ne parakalim..prekeshim per nje fjale po te rendonte ne dinjitet..Qeverriu thote na mbron NATUA..po o molar po…ngrini djemt ne front o langaraqer se humbet nocionin komb o bukeshkale

Nje biznes i cili jep makina me qera  eshte hapuar se fundmi ne Vlore nga nje djale nga Dukati. Ai quhet Ali Celoaliaj dhe biznesi i tij mban emrin “Makina me qera Celoaliaj”.

Qendra ndodhet ne Rrugen Transballkanike, te rrethrotullimi i Coles, ngjitur me kafe Motta. 

Aty do gjeni makina me qera te llojeve nga me te ndryshmet dhe me cmime shume te arsyeshme.

Kohet e fundit ne fshatin Dukat jane kryer disa vjedhje banesash nga njerez ende te paidentifikuar. Keto jane disa  foto ne njeren prej dhjetera shtepive ne Dukat fshat e cila eshte hapur nga hajdutet per tu vjedhur.

Kjo ne foto eshte shtepia e Sulejmën dhe Besnik Naçit. e cila ndodhet ne rrugen Dukat-Himare, pak metra nga ku nis punimet tuneli i Llogarase. 

“E njëjta dorë…shqepin dhe thyejnë…futen dhe shkulin fijat elektrik nga muri që më pas i shesin për bakër..plus orendi të tjera” – Shprehet njeri prej anetareve te shtepise se vjedhur.

Problemet e qytetarëve nuk kanë të mbaruar. I tillë është edhe shqetësimi i zonjës Hatika Lagji, e cila ka sjellë shqetësimin e saj në emisionin BOOM në Ora News. Ajo është pronare e 10 mijë metra toke arë në Radhimë të Vlorës. Në vitin 2003 bashkëshorti i zonjes Lagji i dha me qira zonjës Irena Shyti  3000 metra tokë  për një afat 5 vjeçar. Gjatë kohës që zonja Shyti  kishte në përdorim këtë tokë ajo ndërtoi një objekt të paligjshëm  rreth 300 metra katrore. Pas përfundimit të kontratës së qirasë, pronarët e tokës i drejtohen Gjykatës  për të bërë të mundur lirimin e pronës dhe kthimin e saj në gjendjen e mëparshme.

Në vitin 2009 Gjykata shprehet me vendim të formës së prerë, se toka duhet të kthehet në gjendjen e mëparshme duke u prishur objekti i paligjshem. Ka 9 vite që ky vendim nuk gjen zbatim as nga IMT në Vlorë dhe as nga IKMT-ja  pasi  instituciomet luajnë ping –pong me njëra tjetrën. Paligjshmeria  vazhdon të sfidojë, forcën e ligjit.

Hatika Lagji: Në vitin 2003-2008 bashkëshorti im i ndjerë Mustafa Lagji dha një tokë bujqësire me qira për 5 vjet. Ia dha familjes së Roland Shytit, Irena Shytit, tokë bujqësore me qira. Që kur filloi ndërtimi i jashtëligjshëm, bashkëshorti im shkoi në cdo zyrë dhe nuk gjeti zgjidhje. U detyruam që të mbaronte kontrata dhe pas përfundimit të kontratës ata nuk donin ta lironin, nuk dhanë as qiranë ne ju drejtuam gjykatës. Gjykata dhe vendim të formës së prerë që thotë; Të lirohet dhe të dorëzohet prona në gjendjen e mëparshme. Kemi vajtur tek zyra përmbarimore e Vlorës dy herë. Kemi ardhur deri tek ekzekutimit që sa thuhej lajmërim për ekzekutim ata tërhiqeshin, nuk vepronin. U detyruam dhe vajtëm në Tiranë, morëm zyrën përmbarimore Elidon Xhindin. Ky nuk e përfundoi plotësisht sepse objekti ka mbetur i paprishur. INUK i Vlorës nuk e prish sepse ose është i lidhur me palën ose nuk do. Kemi që në 2003 paguajmë dhe taksën dhe tek kjo pronë nuk afrohemi dot. Unë nuk vij dot në pronën tonë, sepse ata na kërcënojnë, ose pronën ose jetën. Unë i lutem kryeministrit që të ma zgjidhë këtë problem, të më ndihmojë që objekti të prishet.

Kryeinspektori i Vlores: Këtë vendim duhet ta ekzekutojë Përmbaruesi

Gazetarja e BOOM shkoi tek IMT-ja Vlorë  për të pyetur se pse nuk zbatohet një vendim i formës së prere, ndonëse Kryeinspektorja Dallendyshe Bici i ka dërguar disa shkresa që të marrin masa. Kryeinspektori i Vlores thotë se këtë vendim duhet ta ekzekutojë Përmbaruesi, ndonëse ky i fundit e ka kryer punën e tij dhe i ka nxjerrë qiraxhinjtë dhe i ka rikthyer tokën pronareve të ligjshëm.

Gazetarja- Kur zonja Dallëndyshe ju thotë shkoni prishni objektin,  pse nuk e prishni?

Kryeinspektori IMT Vlorë-  Kryeinspektorja na thotë që trajtoje këtë problem.

Gazetarja- Dhe ju pse nuk e trajtoni?

Kryeinspektori IMT Vlorë –  Ne e kemi trajtuar dhe normalisht zonjën të paktën ka ardhur dy tre here që ka komunikuar me mua.

Gazetarja- E kupton sa e tmerrshme është të kesh token tënde dhe tjetri ta rrethojë, ti të paguash taksat e pronës dhe tjetri ta gëzojë. Ju të mos ekzekutoni një vendim të formës së prerë?

Kryeinspektori IMT Vlorë –  Unë s’kam qenë asnjëherë palë në këtë gjyq.

Gazetarja– Është vendim i formës së prerë, të kthehet prona në gjendjen e mëparshme.

Kryeinspektori IMT Vlorë –  Zonja vendimin gjyqësor të formës së prerë mund ta çojë te zyra përmbarimore.

Hatika–  Ka që nga 2015-ta deri më sot kam trokitur disa herë, kemi folur edhe bashkë, t’i kam treguar  nuk shkoj dot te toka por kërcënohem me jetë. Kam fituar 5 procese gjyqësore të formës së prerë.Çfarë kërkoni ju nga unë, kur ajo thotë të kthehet në gjendjen e mëparshme?

Ai i zyrës Përmbarimore thoshte kaq kam detyrë unë. Mjetet kush i ka? Në rast se ju zotëri nuk keni mjete do t’i kërkoni ju ndihmë Dallëndyshe Bicit dhe jo të më hallakasni e të talleni me familjen e Mustafa Lagjit.

Kryeinspektori IMT Vlorë –  Zoti Elidon thotë që unë e kam ekzekutuar.

Gazetarja-Elidoni thotë që ai e ka ekzekutuar për pjesën e vet, por për pjesën e ndërtimit Elidoni nuk ka skrep.

Kryeinspektori IMT Vlorë–  Në momentin që ne kemi vendim gjyqësor lërim dorëzim sendi dhe kthimin në gjendjen e mëparshme ai duhet të zbatojë të gjitha pikat e vendimit. Se si i zbaton ai dhe formen e zbatimit të tij ai i ka te ligji i përmbarimit.

Hatika- Dallëndyshja ka dërguar pesë letra që nga 2015-ta deri në 2017-tën.

Gazetarja- Elidoni i ka shkruar edhe IKMT-së, këtë gjë që sapo më kërkuat e ka bërë që në vitin 2015. Midis të tjerave është konstatuar se mbi këtë sipërfaqe ndodhet një objekt 238 m2, mur tulle i mbuluar me solet betoni. Për të bërë të mundur ekzekutimin e vendimit gjyqësor kërkoj ndihmën tuaj që të lirohet plotësisht sipërfaqja e tokës prej ndërtimit mbi të.E ka bërë që në qershor  të 2015-tës.Pse nuk është ndërhyrë?

Kryeinspektori IMT Vlorë –  Ne s’jemi IKMT-ja jemi organ tjetër.

Gazetarja-Po vendimi gjyqësor nuk është urdhër për ju?

Kryeinspektori IMT Vlorë –  Jo,jo.

Por ky problem ka marrë edhe jetë njerëzish, pasi bashkëshorti i zonjës Hatika ka ndërruar jetë si pasojë e një ataku kardiak, duke mos e gëzuar pronën e tij.

Hatika Lagji:Burri im nuk gëzoi pronën e tij, ai kishte një vendim gjykate që kurre nuk gjeti zbatim. 6 vite nga zyra në zyrë derisa  humbi jetën nga ataku kardiak. Ai e përjetoi keq mos gjetjen e drejtësisë dhe e ka vuajtur çdo ditë. Ai ishte ishqetesuar se do linte femijët në  hasmëri me pronën e tyre derisa vdiq, tani  këtë hall po e ndjek une e nuk po gjej zgjidhje. Askush nuk vjen për të prishur objektin pa lejë.

BOOM shkoi edhe në IKMT në Tiranë, por ky institucion ia delegon përgjegjësinë IMT në Vlorë dhe përmbaruesit pasi thonë se është përmbaruesi që ekzekuron vendimet e gjykates.

Saimira Ylli, specialiste për marrëdhëniet me median, IKMT: Për rastin në fjalë vendimet e gjykatës janë të ekzekutueshme për palët në proces dhe për këtë rast pala fituese i është drejtuar përmbaruesit, i cili duhet ti drejtohet Inspektoritatit vendor për ekzekutimin.

Gazetarja: Si i bëhet kur përmbaruesit janë privatë?

Saimira Ylli, specialiste për marrëdhëniet me median, IKMT: Kjo është një pyetje që i takon përmbaruesit që të japë përgjigjen dhe zgjidhjen.

Gazetarja: Përmbaruesi i është drejtuar IMT Vlorë dhe IKMT Tiranë, por ende kjo nuk ka marrë zgjidhje…

Saimira Ylli, specialiste për marrëdhëniet me median, IKMT: Nuk mund të shprehemi në lidhje me procedura që duhet t’i marrë përmbaruesi, pasi sipas ligjit specifik për ushtrimin e veprimtarisë të përmbaruesit gjyqësor, përcaktohet posacërisht procedurat dhe mjetet gjyqësore dhe ligjore për ekzekutimin e vendimeve të tilla.

Gazetarja: Kryeinspektorja Dallëndyshe Bici i ka dërguar 5 shkresa IMT Vlorë për të zgjidhur problemin e qytetarit. A keni marrë përgjigje për këto shkresa që janë nisur?

Saimira Ylli, specialiste për marrëdhëniet me median, IKMT:  Për sa ju pyesni IKMT kthen përgjigje për cdo ankesa të qytetarit shqiptar për zgjidhjen e problemit të tyre.

Institucionet luajnë ping pong me njera-tjetren ndërkohë që Përmbaruesi nuk ka mjete për të prishur objektin. Detyrën e  tij ai e ka kryer duke i vënë në dijeni të dyja këto institucione se duhet që të prishin objektin pa leje në bregdet. Shkrese e cila daton ne 29.6.2015.

Breshka e llojit Kareta-Kareta me një peshë prej 40 kg ka rënë mëngjesin e sotëm në rrjetat e peshkatarëve të Orikumit.

Peshkatari Sherif Durmishi shprehet se kjo breshkë është rreth 40-vjeçare dhe është e llojit Kareta-Kareta.

Sipas tij, breshka nuk ka asnjë shenjë dëmtimi dhe është me shëndet të plotë. Priten që të vijnë specialistët e zonave të mbrojtura që ta matrikullojnë dhe më pas ta lëshojnë në det.

Sipas tij, afrimi i këtyre specieve ka ndikuar edhe nga moratorium, por dhe ngrohja e ujërave. Kohët e fundit, bën me dije peshkatari Durmishi janë shtuar rastet kur në rrjetat e peshkatarëve bien gjallesa të rralla, ku kjo ka ardhur si pasojë e moratoriumit, por edhe ngrohjes globale.

“Është e vërtetë”, shprehet Durmishi “se ka disa persona të papërgjegjshëm që gjuajnë me dinamit, por ne si peshkatarë kemi filluar të monitorojmë çdo person duke lajmëruar organet kompetente”.