Te fundit nga zona

ORIKU, PAS RREBESHIT…

( një inventar fizik, pas ditëve me erë e furtunë )

Edhe pse i ndërtuar përfund Karaburunit, aty ku mblidhen erërat dhe kalojnë stuhitë që zbresin prej Qafës së Llogarait, asgjë s’ka mundur t’ja luaj prej vendit edhe situata e fundit natyrore që derdhi qiejt mbi tokë.
Si duket të parët tanë, prej kohës së Ilirëve, kanë ditur se si e ku kanë ndërtuar.
Mbi shkëmb e si shkëmb.
Ndaj edhe pas rrebeshesh e erërash gjëmëmëdha të këtyre ditëve, monumentet, janë në vend e nuk kanë luajtur një grimë.
Në vend Nimfeu, Altari, Akropoli, Monopteri, Kisha Paleokristiane, Puset antike, Shkallaret antike, Muret rrethues, Banesat shkëmbore…
Sot, një inventar i imët dhe i dokumentuar për DRKK Vlorë, me dy punonjësit e Parkut që se lanë vetëm as në ditët e “ qametit”.
Faleminderit Sadik Rodaku e Ermal Haxhi!
Dhe…në Orik flladit përsëri Flamuri Kombëtar, në qiell e mbi re’.

Ashtu si ne nje pjese te madhe te qyteteve edhe ne Orikum pritet te kete reshje te medha shiu. Sipas meteorologeve reshjet edhe ne Orikum dhe ne fshatrat perreth do te vazhdojne gjate gjithe nates por do te kulmojne mengjesin e dates 1 Dhjetor ku pritet te arrijne deri ne 96mm.

Era ne zone do te jete e forte gjate nates me rreth 50 km/0re por shpejtesia e eres do te ulet gjate dates 1 Dhjetor me rreth 25 km/ore.

Energjia elektrike ne Orikum dhe fshtrat perreth ka mungur prej 24 oresh diten e sotme. Energjia eshte nderprere qysh pasditen e djeshme per tu rikthyer mbremjen e sotme.

Si te mos mjaftone mungesa e energjise elektrike banoret kane hasur veshtiresi edhe ne furnizimin me uje pasi mungesa e energjise elektrike ndikon gjithashtu edhe ne furnizimin e kesaj zone me uje.

Problemi i nderprerjeve te energjise elektrike eshte bere nje problem shume shqetesues per banoret e zones dhe fshatrat perreth sidomos ne periudhen e dimrit ku nderperjet behen gjithnje e me te shpeshta.

Ujesjellesi, Njoftim per shtyp

Marrë shkas nga njoftimi i Institutit të Gjeoshkencës, Energjisë, Ujit dhe Mjedisit, por edhe nga Shërbimet Meteorlogjike, se moti në të gjithë territorin e vendit gjatë datës 30 Nëntor dhe 3 Dhjetor 2017, do të jetë drejt përkeqësimit dhe priten reshje shiu me intensitet edhe të lartë, të cilat mund të krijojnë mundësinë e përmbytjeve, por edhe në zbatim të detyrave të ngarkuara nga Shtabi i Emergjencave Civile dhe kryetari i Bashkisë së Vlorës, Dritan Leli, ju bëjmë me dije se:
Ndërmarrja e Ujësjellës Kanalizime Vlorë, e vlerësoi maksimalisht këtë situatë. Menjëherë grupet tona të përforcuara u angazhuan në të gjithë qytetin. Ndërhyrje u kryhen në të gjitha zonat problematike. Sektori i Kanalizimeve pastroi rrjetin përgjatë bulevardit kryesor Vlorë-Skelë. Po ashtu u punua edhe në pikat e njohura si zona problematike. Në qendër ka qenë zona “Albano&Romina”, lagja “24 Maj”, lagja “1 Maj”, zona e Skelës, lagja “10 Korriku”, në hyrje të qytetit, etj. Po, ashtu ndërhyrje ka patur edhe në kanalet kryesorë si: kanali i “Naunkës”, kanali i “Siavit” dhe disa të tjerë, ku është bërë pastrimi i tyre. Problem mbetet hedhja në këto kanale e mbeturinave inerte dhe urbane nga qytetarët. Po ashtu në gatishmëri të plotë për përballimin e situatës janë edhe të gjithë hidrovorët e vegjël të qytetit të Vlorës. Në qytet nuk ka patur probleme nga përmbytjet dhe situate aktualisht wshtw normale. Sipasojë e mungesës së energjisë elektrike në disa zona, mund të ketë patur ndonjë problematikë të vogël në drejtim të furnizimit me ujë të pijshëm, por situata më pas është normalizuar. Një problematikë e tillë u vu re në Orikum, ku sipasojë e stakimit të linjës që furnizon me energji elektrike zonën, pati probleme në drejtim të furnizimit me ujë të pijshëm të Orikumit, Radhimës dhe Tragjasit, në orët e para të mëngjesit. pas orës 15:00, kur u rikthye edhe energjia, këto zona u furnizuan me ujë të pijshëm. Bëjmë me dije se edhe aktualisht grupet tona janë në terren dhe në gatishmëri të plotë për të ndikuar në minimizimin e problemeve që mund të hasen në orët në vijim.
Faleminderit për bashkëpunimin!

Janë identifikuar rastet e para të mushkonjës me malarie në Vallto. Kjo mushkonjë fluturon deri në 30 km larg.
Krahina Orikum Dukat Tragjas Radhimë rrezikohet nga sëmundja vdekjeprurëse e malaries për shkak të kënetëzimit të qëllimshëm të Valltos. Mavropartitë na kanë marrë pronën dhe nuk janë mjaftuar me aq por tani po e kthejnë pronën tonë në burim vdekjeje për ne dhe fëmijët tanë.
Kuvendi i Krahinës ju bën thirrje për të reaguar.

Sipas Organizatës Botërore të Shëndetësisë, më 2013 u infektuan me malarie mbi 198 milionë njerëz dhe si pasojë vdiqën rreth 584.000 veta. Afro 83 për qind e tyre ishin fëmijë nën pesë vjeç. Ajo kërcënon gati njëqind vende dhe zona të botës, duke rrezikuar rreth 3,2 miliardë njerëz.

Kuvendi i Dukatit nepermjet nje statusi ne facebook jep sqarime ne lidhje me kete organizim. Me poshte statusi i plote:

Kuvendi Krahinor (Orikum Dukat Tragjas Radhimë) është organizim i banorëve të Krahinës i krijuar me vullnetin e lirë të banorëve të Krahinës, për të identifikuar, mbrojtur, ruajtur dhe zhvilluar, shëndetin, jetën, vlerat intelektuale e karakteriale, traditat dhe pasuritë e Krahinës Dukat Tragjas Radhimë Orikum, të banorëve të saj dhe të mbarë kombit shqiptar kur është nevoja.

Kuvendi i Krahinës është zëri publik i banorëve të Krahinës dhe punon për të zgjidhur problemet individuale dhe komunitare që shqetësojnë Krahinën Orikum Dukat Tragjas Radhimë dhe banorët e saj.
Kuvendi Krahinor nuk ndikohet partiakisht dhe nuk pranon brenda vetes njerëz që synojnë ta përdorin organizimin krahinor për interesa partiake.

Aktualisht Valltoja po kthehet në problem të rëndë për shëndetin e banorëve të krahinës sepse ka nisur përhapja e malaries përmes shtimit të mushkonjës së malaries e cila mund të udhëtojë deri në 30 km larg. Ne duhet të ngremë zërin që kjo të parandalohet duke e çkënetizuar Vallton si për parandalimin e sëmundjeve vdekjeprurëse si për të future përsëri në efiçencë 450 hektarët e tokës pjellore që ajo zonë përmban.

Djegia pa kriter e plehrave e kthen krahinën e sidomos Orikumin në një zonë të mbindotur dhe të rrezikshme për shëndetin. Për këtë duhen marrë masa sa më parë, por pa ngritur zërin banorët e krahinës askush nuk e ndryshon këtë gjendje.

Energjia elektrike paguhet prej secilit ose në rast të kundërt personi arrestohet dhe dënohet, por kur vjen puna tek shërbimi që ofrohet nga shteti, të gjithë e dimë që gjendja është skandaloze. Dritat ikin pa kriter dhe askush nuk jep llogari për këtë. Kjo duhet të ndryshojë, ne duhet të kërkojmë të drejtën tonë për shërbim cilësor dhe për mos heqje të energjisë sepse ne e paguajmë shërbimin e ofruar.

Të moshuarit nuk kanë një vend ku të mblidhen e të takohen. Duhet ta kenë. Të rinjtë nuk kanë një kënd sportiv, nuk kanë një biblotekë. Duhet ti kenë. Por kush do ti kërkojë, kush do ti bëjë nëse nuk kërkohen? Askush përveç Kuvendit Krahinor.

Këto janë probleme që godasin si të majtin ashtu edhe të djathtin, probleme që nuk njohin parti dhe na cënojnë të gjithëve njësoj, ndaj krahina jonë duhet të ketë një zë publik të pavarur dhe asnjanës që të shprehet dhe të transmetojë vullnetin e banorëve të krahinës tek instancat e pushtetit, te media e tek opinioni publik. Ky zë është Kuvendi Krahinor dhe çdo banor i krahinës është pjesë e tij e duhet të japë mendimin e tij rreth çështjeve të rëndësishme krahinore.

Ky material eshte marre nga statusi i faqes se Kuvendit te Dukatit ne facebook .

Në kuadër të nismës të pastrojmë Shqipërinë, të lançuar nga Ministri i Turizmit dhe Mjedisit. AdZM Vlorë zhvilloi aktivitetin e pastrimit në afërsi të RNM Karaburun dhe Lagunës se Orikumit. Ky aktivitet u zhvillua në bashkëpunim me Reparti Ushtarak 2004 Pashaliman, Forcat Turke të instaluara në Bazën Ushtarake Pashaliman dhe nxënësit e Shkollës Hasan Mëhilli Dukat i Ri