Sport

[sgmb id=”1″]

Prania e Qeverisë në Vlorë nuk mund të linte jashtë vëmendjes sportin, ku në qytetin bregdetar prej kohësh po punohet për një nga projektet më të mëdha të quajtura “Vlora Sport”.

Vetë Kryeministri Rama ka vizituar së bashku me kryetarin e bashkisë së qytetit të Vlorës, Dritan Lelin dhe presidentin e Flamurtarit, Sinan Idrizin, kompleksin sportiv aktual në të cilin do të ndërhyhet, nga stadiumi, tek aneksi sportiv në krah të tij dhe pallati i sportit.

“Ka ardhur koha që Vlora të fillojë ndërtimin e stadiumit të ri, të një kompleksi unikal. Këtu ka një potencial të rëndësishëm nga pikëpamja hapësinore të ketë një kompleks, i cili të përfshijë jo vetëm stadiumin, por edhe pallatin e sportit, pasi të gjitha mjediset e tjera sportive dhe rekreative”, tha Kryeministri.

Rama tha se Vlora shumë shpejt do të ketë një stadium të ri pasi si qytet ka fatin që ka hapësirat e mjaftueshme për të bërë jo vetëm stadiumin, por një kompleks të ri sportiv që do të përfshijë edhe pallatin e sportit apo qendrën e rekreacionit.

“Në fund të këtij 4-vjeçari do të kemi fluturimin e parë në aeroportin e Vlorës dhe golin e parë të Flamurtarit në stadiumin e ri”, tha Rama.

[sgmb id=”1″]

Përfaqësuesja e Kosovës në futboll ka mbetur pa trajner, pasi Albert Bunjaki është shkarkuar nga detyra në fund të ciklit eliminator për Kupën e Botës “Rusi 2018”.

Shumë emra po fliten se do ta zëvendësojnë Bunjakin, por ende nuk ka asgjë konkrete nga Federata e Futbollit të Kosovës, e cila ende nuk ka zbuluar asnjë emër të trajnerëve, shkruan IndeksOnline.

E, një prej menaxherëve që ka aplikuar për Përfaqësuesen e Kosovës, është italian. Bëhet fjalë për Rodolfo Vanoli, 54 vjeçari i lindur në Gavirate të Italisë.

Burimet e IndeksOnline afër Vanolit konfirmojnë se ai ka aplikuar për ta menaxhuar Përfaqësuesen e Kosovës.

Vanoli së fundi ishte trajner i klubit slloven Olimpia Ljubljana, por tani është i lirë dhe pret përgjigje nga FFK-ja.

Italiani përveç se ka menaxhuar skuadra të mëdha dhe ka trajnuar yje si Alexis Sanchez e Asamoah, më parë ka luajtur te klubet si Udinese, Lecce, Spal, Chiasso, Varese, e shumë të tjera.

Klubet që Vanoli ka menaxhuar nga viti 2001, janë këto: Mendrisio-Stabio, Lugano, Bellinzona, Udinese, Olimpia Colligiana, Pordenone Calcio, Koper dhe Olimpija Ljubljana.