Sport

Një lajm mjaft i keq për Kombëtaren shqiptare para ndeshjes së rëndësishme me Poloninë, që luhet të mbrëmjen e sotme në “Air Albania” e vlefshme për eliminatoret e Botërorit “Katar 2022”.

Pas Sokol Cikalleshit, një tjetër lojtar dyshohet të jetë infektuar me COVID 19. Bëhet fjalë për Klaus Gjasulën.

Mesfushori i kuqezinjve, sipas Telesport po pret testin konfirmues për të mësuar nëse është ose jo i prekur nga ky infeksion.

Ai është izoluar sipas rregullave përkatëse dhe në ndeshjen e sotme s’do të mund të jetë në fushë.

Një problem i madh për trajnerin Edi Reja që duhet të vuajë mungesën e një lojtari të rëndësishëm siç është Gjasula.

Trajneri Edy Reja doli në konferencë për shtyp në prag të kualifikueses shumë vendimtare ndaj Polonisë, e cila do të luhet nesër prej orës 20:45 në “Air Albania”. Pas fitores së çmuar në Budapest, kuqezinjtë e kanë moralin të lartë për t’u përballur me Robert Lewandowski e të tjerë. Trajneri veteran italian bëri prognozën e sfidës që po e presin me padurim krejt shqiptarët:

“Në fillim të shortit nuk isha shumë optimist, pasi kundërshtarët janë shumë të fortë, megjithatë jemi rritur shumë. Kemi punuar shumë gjatë kësaj kohe. Ideja ka qenë që ne të imponojmë lojën tonë, duke nisur nga mbrojtja te sulmuesit dhe duke bërë presing. Mendoj se deri diku ia kemi dalë. Jemi rritur shumë dhe ja ku jemi, në një situatë mjaft interesante.

Tani jemi gati të përballemi me çdo lloj kundërshtari deri në fund dhe të luajmë shanset tona. Për këtë dua t’iu bëj komplimente të gjithë lojtarëve, që janë vënë në dispozicion dhe kanë punuar shumë për t’u rritur e përmirësuar. Nuk e mendoja që mund të vinim deri këtu, por kemi punuar mirë dhe tani mund të them që mund të shkojmë shumë më larg.

Frika për të mos ia dalë është problemi me të cilin përballemi dhe që na ndalon të ëndërrojmë. Luajmë në shtëpi dhe duhet të jemi sa më të qetë, pasi kjo është rruga e vetme për të synuar fitoren nesër. Duhet të tregojmë personalitet në ndeshje të tilla, por edhe fati është pjesë e rëndësishme. Në Poloni ne nuk patëm fat, pasi një episod penalltie na dëmtoi jo pak në atë transfertë. Duhet të luajmë të qetë dhe të bëjmë sa më pak gabime, për të arritur rezultatin që duam.
Ne kemi një mënyrë loje që nuk ndryshon dhe e kemi përdorur thuajse në të gjitha ndeshjet e fundit. Duhet të kemi kontrollin e lojës, për të synuar fitoren, megjithatë varet edhe nga karakteristikat e kundërshtarit. Për mua është e rëndësishme që të mos rrimë në mbrojtje, por të sul mojmë dhe të provojmë të marrim kontrollin e lojës.

Nuk e kam vendosur ende formacionin, por mund të luajë nga minuta e parë Broja dhe nuk është ndonjë çudi. Unë e kam aktivizuar edhe nga minuta e parë si ndaj Kazakistanit apo në San Marino, por nuk ka pasur të njëjtin rendiment si në ndeshjet që ka ardhur nga pankina.

Unë kam shfr ytëzuar faktin që në minutat e fundit kundërshtarët janë disi më të lodhur dhe ai me karakteristikat që ka mund t’i vërë në vështirësi dhe mbi të gjitha të shënojë gola, pasi e ka këtë aftësi. Nëse do ta dija me siguri që do të shënonte, do ta hidhja në fushë edhe në tri minutat e fundit.

I kemi bërë të ëndërrojnë shqiptarët dhe kjo është shumë e bukur, ndaj duhet të besojmë te kualifikimi në Botëror. Nuk është asgjë rastësore, pasi e kemi merituar këtë arritje dhe do të luajmë deri në fund për ta bërë realitet ëndrrën.

Nesër kemi mungesa të rëndësishme, por unë nuk qahem kurrë, pasi kemi krijuar një grup shumë të mirë, ku të gjithë japin kontributin e tyre dhe na zgjidhin situatat herë pas here. Jam i sigurt që do të bëjmë një ndeshje shumë të mirë dhe do të tregojmë se jemi rritur shumë. Kemi luajtur shumë mirë ndaj disa skuadrave të mëdha, por ajo e nesërmja ka rëndësi shumë të madhe. Fitorja me Poloninë na lejon të shkojmë në ‘play off’ dhe do të provojmë gjithçka për gjithçka”.

Shqipëria do të luajë sonte një nga kualifikueset më të rëndësishme në grup, në “Puskas Arena”, prej orës 20:45. Në një stadium bosh, për shkak se tifozët hungarezë janë dë nuar nga UEFA, kuqezinjtë e Edy Reja do të mundohen të mos hu mbasin ndaj Hungarisë, më së paku.

Synimi është fitorja, që nxjerr jashtë loje një rival për vendin e dytë, por disfata do ta zh bënte indirekt edhe rëndësinë e sfidës pasuese me Poloninë në “Air Albania”, më 12 tetor. Në konferencën e djeshme për sht yp, trajneri Reja nuk e zbuloi formacionin.

Ai tha se ka disa dilema, që do t’i ftillonte sot paradite. Dhe duket se e ka ndarë tashmë mendjen se cilët lojtarë do të hedhë në fushë nga minuta e parë. Ka pak ndryshime nga kualifikueset pararendëse, në fakt, duke nisur nga porta, ku kapiteni Berisha është i padiskutueshëm.
Mungesa e aktivizimit të Strakoshës e ka penalizuar dukshëm atë, edhe pse duhet pranuar se po ashtu Berisha është zëvendës te Torino, nuk luan. Në këtë rast i besohet eksoperiencës. Mbrojtja do të përbëhet nga pesë lojtarë, kur sulmon kundërshtari, ndërsa transferohet me tre kur nis ofensiva e kuqezinjve tanë.

Kështu, treshja e palëvizshme është Gjimshiti, Kumbulla dhe Ismajli. Nga krahët, në rolin e “pistonit”, do të pozicionohen Hysaj dhe Trashi. Të dy këta i bashkohen mesfushës, kur su lmon Shqipëria. Pra, nga 5-3-2 në fazën difensive, formacioni i kuqezinjve shndërrohet në 3-5-2 në fazën ofensive.

Mesfusha ndien mungesën e Abrashit, një “motor” i palodhur. Trajneri Reja ka preferuar tre emra në këtë repart: Gjasula, Çekiçi dhe Bare. Pra, nuk ka vend për Bajramin, prurjen e re nga Empoli, që në kualifikueset e shtatorit spikati vërtet. Ndoshta aspekti fizik ka predominuar në këtë rast.

Sulmi është në këmbët e dyshes Cikalleshi-Uzuni. Kavajasi është goleadori ynë në këto kualifikuese, ndërsa beratasi ka demonstruar formë të shkëlqyeshme e të vazhdueshme me Ferencvaros. Prandaj, Reja ka preferuar atë para Manajt dhe Brojës. Sigurisht, me kalimin e minutave, në varësi të lojës dhe qasjes taktike të kundërshtarit, pritet të bëhen edhe zëvendësimet e duhura në radhët e kombëtares sonë.

Florian Marku disa ditë më parë u shpall kampion në kategorinë IBF, pasi mp oshti boksierin ukrainas, Maxim Prodan në stadiumin e Tottenham me vendim jurie.

Menjëherë pas këtij triumfi “Mbreti Shqiptar” paralajmëroi së ndeshja e radhës do të vinte shumë shpejt.

Vetëm pak minuta më parë, ai nëpërmjet në postimi në rrjetin social “Facebook” ka konfirmuar se ndeshja tjetër do të luhet më 20 nëntor në Wembley.

Kundërshtari mbetet mi ster dhe pritet të zbulohet në ditët në vazhdim.