Sport

Armando Broja është lojtari më i ri i Fulhem. Pas nënshkrimit, sulmuesi i Kombëtares kuqezi ka folur për FFCtv.
“Ndihet e mrekullueshme. Jam shumë i lumtur që jam këtu dhe mezi pres të filloj, të takoj lojtarët, menaxherin dhe të luaj për tifozët.

Tifozët luajnë gjithmonë një rol të madh dhe mezi pres të shkoj në “Craven Cottage” dhe t’i takoj të gjithë. Do të punoj shumë për ekipin dhe do të krijoj një lidhje të vërtetë. Jam vërtet i nderuar dhe i emocionuar që jam këtu”, deklaroi Broja.

Jasir Asani është përzgjedhur si personazhet e vitit nga emisioni “Opinion”.

Meqë ishte në studio ai kishte një dhuratë për gazetarin Blendi Fevziu, fanellën e tij tek kombëtarja me numrin nëntë.

Asani na ka emocionuar me supergolat e tij. “Snajperisti” i kombëtares na tregoi aventurën e tij që nga nisja e karrierës si futbollist e deri tek ftesa te skuadra kombëtare.

Shtatë vite priti që të bëhej lojtar i Shqipërisë dhe thekson se ka qarë kur i ka ardhur ftesa nga Sylvinho.

“Ka qenë dita e premte që më kanë marrë nga stafi që do isha pjesë e kombëtares. Isha në Kore. Isha 9 orë diferencë përpara atje. Nga gëzimi qava sepse nga fëmijëria e kam pritur këtë ftesë dhe që të bashkohesha një ditë të luaja nga kombëtarja shqiptare. E kam pasur ftesën (nga Maqedonia) dhe ka 7-8 vite që e kam pritur kombëtaren. Edhe po të mos kishte ardhur ftesa gjithmonë do e prisja kombëtaren shqiptare”, theksoi ai.

Asani cilëson golin me Moldavinë si më emocionuesin që ka pasur. Sa i përket Europianit shprehet se nuk ka frikë nga asnjë kombëtare.

“Kemi kualitet shumë të madh në ekip. Kemi kompleksin më të mirë në Ballkan. Merita është e të gjithëve sepse jemi grup shumë i fortë dhe duhet të vazhdojmë përpara. Shumë besim kam. Nuk kam frikë asnjë kombëtare sepse me këta lojtarë që kemi mund të lozim pa pikë problemi me çdo kombëtare në botë”, tha ai. /tvklan

Trajneri i Kombëtares shqiptare, Sylvinho, ka bërë një urim për të gjithë shqiptarët që sot festojnë Krishtlindjen.

Sylvinho uron shqiptarët për Krishtlindje dhe Vitin e Ri.

“Ju uroj Gëzuar Krishtlindjen dhe Vitin e Ri! Uroj më të mirat për të gjithë ju!”, shprehet Sylvinho.

Tashmë nuk është më një sekret, dihet botërisht që jemi më të zjarrtit.
Tifozët shqiptarë kanë bërë namin në tregun elektronik për të siguruar një biletë për ndeshjet e Euro 2024.

UEFA informon se kuqezinjtë kanë qenë tepër aktivë në aplikimin e tyre, po ashtu si tifozët vendas të Gjermanisë, si dhe ata të Turqisë, Hungarisë, Anglisë dhe Kroacisë.

Kombëtarja shqiptare u kualifikua për herë të dytë në histori në finalet e një Kampionati Europian, dhe kjo ka rritur entuziazmin e publikut, me miliona shqiptarë që jetojnë në Europë, që nga Greqia, Italia, Gjermania, Zvicra apo vende të tjera.

Kjo gjë, pra fakti që jetojnë në vendet e BE, i ndihmon shqiptarët për të siguruar më shumë bileta. UEFA informon se kërkesat në total janë tepër të larta. Në fazën e parë në tetor, kur u vunë në dispozicion 1.2 milionë hyrëse në stadiume, aplikuan 20 milionë njerëz. Rritja ishte e madhe për periudhën e dytë nga 2 deri në 12 dhjetor, me plot 30 milionë aplikues nga 206 vende të botës.

Në krahasim me fazën e parë ka rritje të numrit të tifozëve jashtë Gjermanisë, nga 35 në 59 për qind, e kjo padyshim për shkak se u morën vesh ekipet e kualifikuara.

Interesimi është tepër i madh për biletat në vendet më të mira në stadiume, ndërsa pritet që UEFA të organizojë një llotari për biletat që nuk do të kërkohen.

Presidenti I Shqipërisë, Bajram Begaj i ka dorëzuar nënshtetësinë shqiptare trajnerit të Kombëtares së Shqipërisë, Sylvinho.

“Unë po e legalizoj si shqiptar”, tha Begaj.

Nënshtetësia iu dha në një ceremonia ku ishte i pranishëm edhe kryeministri Edi Rama.

Peshëngritja shqiptare e ka mbyllur me një medalje të bronztë pjesëmarrjen e saj në Çmimin e Madh të Katarit.

Kjo medalje mban firmën e Briken Caljas.

Në stilin e shkëputjes, Briken Calja shkëlqeu, duke kaluar me sukses provën me 155 kg.

Ky është një rezultat i rëndësishëm për Caljen, i cili rikthehet te medaljet në evente prestigjioze ndërkombëtare pas rreth 2 vitesh.

“Të jeni të bindur që ky do të jetë viti i Brikenit, do të jap maksimumin tim jo vetëm në Lojrat olimpike por pse jo të këndohet himni ynë në kampionatin Europian që do të zhvillohet në Sofie”, tha Briken Calja para disa ditësh.

Nga ana tjetër, peshëngritësi shqiptar, Erkand Qerimaj ka arritur të sigurojë pikët e nevojshme për të qenë pjesë e Lojërave Olimpike “Paris 2024”.

Në Kampionatin “Grand Prix II” që po zhvillohet në Doha të Katarit, Qerimaj garoi këtë të shtunë, ku dhe siguroi pikët.

Erkandi garoi në kategorinë 81kg dhe arriti vendin e katërt në stilin e shkëputjes me 153kg, stilin e shtytjes me 183kg si dhe në dygarësh 336kg në total.

Zlatan Ibrahimovic dhe Milan duket se është një dashuri me shikim të parë. Pas dy eksperiencave si futbollist ai rivishet kuqezi, jo me këpucë sporti, por në një rol drejtuesi. Një rol i përshtatur për Zlatan, i cili me siguri është thirrur në apel për t’i dhënë një dorë Milanit të tij në një moment jashtëzakonisht të vështirë.

Suedezi do të jetë krahu i djathtë i Gerry Cardinale, pronarit të klubit kuqezi, këshilltari më i besuar i tij në futboll.Nuk është ende e qartë nëse Ibrahimovic do të ketë një rol specifik brenda klubit kuqezi dhe për çfarë mund të jetë përgjegjës. Megjithatë, duket qartë se Cardinale do t’i kërkojë Ibrës këshilla për menaxhimin sportiv të Milanit.

Drejtori i Përgjithshëm i Milanit, Furlani, nënvizoi rëndësinë e kthimit të Ibrahimovic në botën e kuqezinjve: “Afrimi i një lideri si Ibra, si konsulent, në ekipin drejtues të Milanit nënvizon angazhimin për suksesin e ardhshëm të klubit tonë”. Gjatë periudhës si futbollist i Milanit ai ka fituar dy tituj të Serie A dhe Superkupën e Italisë.

Por, 41-vjeçari mund të jetë alternativë edhe për stolin. E ardhmja e Stefano Piolit është vënë në dyshim dhe verdikti ndaj Njukasëll mund të sjellë shkarkimin. Për këtë fakt, Ibrahimovic mund të marrë frenat e skuadrës si trajner i përkohshëm, gjithmonë kur skuadra ka nevojë.

Ishte në timon kur arritëm kulmin e 2016-ës.

Gianni De Biasi për Kombëtaren shqiptare është si “dashuria e parë”, që kurrë nuk harrohet, e padyshim mbetet njëri nga më ekspertët kur vjen puna për të folur për finalet e një Evropiani.

Italiani, që sot është në moshën e respektueshme 67-vjeçare, pranon me kënaqësi të japë analizën e tij për ABC News, e padyshim shortin e vlerëson të vështirë.

“Sigurisht një grup shumë i vështirë, që ka Spanjën si favorite e pastaj vijnë Italia e Krocia, në të njëjtin nivel. Shqipëria kuptohet që nuk ka asgjë për të humbur dhe duhet të bëjë atë që mund të bëjë. Çfarë do që të arrijë do të ishte e jashtëzakonshme, por mund t’iu them që tani se nuk do të jenë ndeshje të lehta për rivalët e Shqipërisë”.

Çfarë shansesh ka Shqipëria në një grup të tillë dhe çfarë duhet të bëjë Silvinjo për të përgatitur sa më mirë ekipin?

“Në letër realisht nuk kanë shanse të mëdha, por futbolli luhet në fushë dhe nuk përcaktohet në letër, kjo do të thotë se Shqipëria nuk duhet të dorëzohet kurrë, pasi në qershor sukses do të ketë ajo skuadër, që do të jetë në formën e saj më të mirë, mund të arrijë rezultate të paparashikuara e të papritura. Sylvinho nuk ka nevojë për këshillat e mia është një trajner i aftë dhe i zoti, që i ka marrë maksimumin skuadrës që ka në dispozicion. Mendoj që ka përvojën më parë si lojtar e tanimë si trajner për të realizuar një program, në mënyrë që Shqipëria të jetë në 110% e saj në finalet e Evropianit”.

Një italian nuk mund të mos flasë për “Të Kaltërit”.

“Mendoj se do të jetë e vështirë. Në Europian ka skuadra më të forta, ndonëse Italia jep maksimumin kur ndodhet në vështirësi, në situata jo të zakonshme. Çdo lojtar jep maksimumin. Mendoj se nuk do të jetë e lehtë që të mundin Italinë, por sigurisht që nuk është skuadra favorite në Europian”.

Në fund, De Biazi vendos “qershinë mbi tortë” me parashikimin e tij.

“Mendoj për Anglinë, Francën, Belgjikën, dhe pastaj për pretendentin e katërt shpresoj të jetë një skuadër që të na befasojë, mund të jetë ndoshta edhe Shqipëria”./ABC