ShowBiz

Anna Gjebrea ka treguar se është duke ecur në hapat e të atit.

Talentin në muzikë, por dhe në moderim, ajo nuk e ka fshehur asnjëherë. Madje moderatori Gjebrea e ka motivuar dhe e ka promovuar sa herë ka mundur.

Për vite i dedikuar moderimit në ekranin e TV Klan, Ardit Gjebrea ka lënë pas dore muzikën. Dashuria e tij e parë dukej se ishte lënë në harresë prej kohësh.

Dhe tashmë Arditi na dha lajmin që të gjithë donim ta dëgjonim. Ai po rrikthehet dhe në një duet me të bijën e tij.

‘Në studion e @darkodimitrov …sepse këtë herë i rikthehem dashurisë – këngës me një duet. E me kë tjetër? Me Anna Gjebrea #kengamagjike2017 #PerTy Lyrics @olticurri’ ka dhënë të gjitha detajet moderatori i njohur.

Ashtu siç la të kuptohet kënga do të prezantohet në festivalin që po afron ‘Kënga Magjike’.

Një dasmë superluksoze ku nusja merret me helikopter, rrallë ndodh në vendin tonë.

Është pikërisht dita e shënuar e “sheikut” të Durrësit Ernand Dauti, i cili ka kurorëzuar dashurinë me vajzën e ëndrrave të tij.

Ngjyra e kuqe e “Audit” dhe makinave të tjera luksoze të tij mbizotëronte në dasmë.

I gjithë spektakli i automjeteve luksoze ka rënë shumë në sy.

Nuk kishte si të kalonte pa u vënë re parada e “përbindëshave” shumë të kushtueshëm.

Mënyrë e veçantë kjo për të marrë nusen dhe padyshim që qershia mbi tortë ishte helikopteri që dallonte në “artilerinë e rëndë” të Ernandit.

 

Aktori i humorit Gazmend Paja njihet si i rezervuar për sa i përket jetës së tij private.

I njohur me emrat e personazheve që luan në spektaklin “Portokalli”, Gazi nuk ka bërë asnjëherë publike lidhjet e tij.

Por gjatë një interviste në dasmën e aktorit Bes Kallaku, ai u pa nën shoqërinë e një vajze simpatike.

Pas publikimit të këtij lajmi nuk munguan thashethemet se çifti ishte parë duke pushuar në plazhet e vendit.

Por kush është biondja e ëmbël që i ka marrë zemrën aktorit të dashur?

“Simpatike, e bukura e dheut. Është bionde, e gjatë, e buzëqeshur, elegante, pozitive, i qeshin syçkat kur shikon Gazin!”-kanë thënë sot drejtuesit e Wake Up.

I ftuar ditën e sotme në këtë emision Gaz Paja u shpreh:

Nuk kemi akoma as bashkëjetesë, as unazë. Jemi në procesin e njohjes, mirë po shkon. Unë jam tip impulsiv, ajo është ndryshe, që është diçka shumë e mirë… Ndihem mirë, është një vajzë që më fal qetësi, është shumë e sjellshme, e dashur, korrekte, më bën të ndihem shumë mirë”.

Një yll i vërtetë! Kjo foto e rrallë e Bleona Qeretit, e shumë vite më parë po “çmend” internetin. Bleona Qereti duket aq e hijshme dhe e buzëqeshur, krejtësisht bio.

Ndërkohë ajo shfaqet në krah të këngëtarit të shquar ngë Kosova, Ramadan Krasniqit, i cili po ashtu është shumë i ri në këtë imazh.

Fansat kanë vërshuar në lumë komentesh duke komplimentuar Bleonën për pamjen e saj aq të thjeshtë dhe të hijshme

A do të ishte shumë herët të flisnim për trended e vitit 2018? Të flasësh për modën nuk është asnjëherë keq, ndaj Living do të ndajë me ju fotogalerinë e mëposhtme e cila përmbledh tendencat In të vitit 2018 dhe tendencat që do të zhduken pa lënë gjurmë !

IN

1.Xixat (Duke filluar nga këmbët e deri tek makeup-i i fytyrës)

2.Kostumet një ngjyrëshe të qepura

3.Aksesorët e bardhë

4.Xhaketat me vata për të theksuar këtë pjesë të trupit

5.Pardesytë klasike

6.Ngjyrat pastel

OUT
1.Pantallonat e gjera MAxiSize

2.Bluzat me shpatullat zbuluar

3.Choker (varëset e faqes)

4.Stili Boho Chic nuk do të jetë protagonist në vitin 2018

5.Çantat në stilin e kovës

6.Xhaketat Bomber (të fryra)

Me një karrierë prej më shumë se dy dekadash në skenën shqiptare, Bleona Qerreti numëron këngë të shumta në repertorin e saj. Mirëpo, një ndër këngët më të famshme të saj që vijon të përflitet ndonëse kanë kaluar vite të shumta nga publikimi, është pikërisht kënga “Ti nuk din as me ma lyp”.

Kënga asokohe bëri bujë për shkak të titullit mjaft provokues, mirëpo bujën e vërtetë e ka bërë sot, më shuëm se 10 vite më pas, pasi në studion e “Xing me Ermalin”, Bleona Qerreti zbuloi se ajo në fakt i dedikohet dikujt. “Realisht unë atë këngën ia kam bërë dikujt. Domethënë është një histori e vërtetë pas këngës.”- u shpreh Bleona.

Deklarata e saj surprizoi publikun dhe drejtuesin e emisionit Ermal Mamaqi, i cili këmbënguli që këngëtarja të zbulonte identitetin e personit të cilit i dedikohet kënga. “Nuk është me rëndësi të merremi me emra. Ai është shumë i madh tani dhe ka qenë i madh edhe atëherë. Unë dhe Agim Doçi e kishim fjalën për fenomenin.”- u shpreh Bleona Qerreti, duke refuzuar të zbulojë emrin.

Megjithatë, referuar tekstit në të cilin thuhet “hiq kravatën që ke në fyt”, ajo me siguri i dedikohet një zyrtari dhe siç la të kuptohej Bleona në shakatë e saj me Mamaqin, bëhet fjalë për një politikan.