ShowBiz

A e mbani mend Ponjen e “Portokallisë”? Me siguri, vështirë se mund t’i harrojë kush karakteret që aktorja ka sjellë në skenën e spektaklit të humorit për rreth një dekadë.

Hmmm! E famshme si Shqiponja Dhëmbi, vajza nga Vithkuqi që kërkonte një burrë në Tiranë, aktorja Ervina Kotolloshi fitoi zemrat e të gjithëve. Megjithatë, disa vite më parë Ervina braktisi “Portokallinë”, e bashkë me të edhe Shqipërinë.

Aktorja u transferua në Francë për të ndjekur studimet, por pas përfundimit të specializimit ajo vazhdoi të jetonte atje për disa vite me radhë.

Ponja para disa kohësh ndodhej në Japoni, ndërsa në rrjetet sociale është pak aktive.

Një ditë e trishtë kjo e sotmja për moderatorin e dashur për publikun shqiptar, Ardit Gjebrean. Ai ka humbur nënën. Ka qenë vetë Gjebrea që ka konfirmuar lajmin, përmes një njoftimi ne rrjetet sociale ku shkruan.

“Me trishtim njoftoj se mbrëmë mamaja ime ndërroi jetë. E përcjellim sot në ora 5pm në varrezat e Sharrës. Ndërsa vizitat i presim në Mak Albania Hotel (ish Sheraton) të dielën, të hënën dhe të martën 10.00 – 1pm dhe 5pm – 8pm”, njofton Ardit Gjebrea.

“Nuk di a do mësohem dot me mungesën tënde… Lutem që engjëjt të kujdesen për ty”, shprehet ai plot dhimbje.

Ata shquhen për jetën luksoze që bëjnë. Po flasim për këngëtaren Xhensila Myrtezaj dhe aktorin e humorit Bes Kallakun, shkruan ShkodraNews.

Çifti i famshëm ndan herë pas here në rrjete sociale momente, jo vetëm nga karriera e tyre, por edhe nga përditshmëria.

Xhensila ka publikuar në InstaStory se si është një mëngjes i çiftit. Në pamje shfaqet një tryezë e bollshme në një ambient luksoz. Mesa duket e bukura Xhensilë mbahet “në pëllëmbë të dorës” nga Besi.

Kujtojmë se çifti i njohur janë bërë prindër për herë të parë pak javë më parë. Ata janë bekuar me një vajzë, Ajkën. /ShkodraNews

Dje paraqita  kallëzim penal në Prokurori.

Për pronarin e një agjencie turistike që më kërcënoi me jetë.

Enver Mehmeti pas një shkrimi në dritare.net për ferrin e pushimeve , prenotuar te agjencia tij, më bëri të qartë fundin që më priste.

Dhe ai e bën. Ndaj e denoncova.

E denoncova se e besova. Ai nuk është anonimi i zakonshëm që kërcënon në emër të partisë.

Ai kërcënon dhe e mban fjalën, në emër të parasë.

I ka paratë të çojë e mbrojë një njeri, që më shtyp në vijat e bardha.

Gazetarët nuk i vrasin më në luftë. Është paraja, nuhatja që i çon te paraja, që ju merr jetën.

Unë jam gazetare e një jete, 20 vite prej të cilave, dy muaj, çdo vit ia kam kushtuar turizmit.

E kam bere, apo jo?

Ma thuaj tani, jo ne përcjellje!

Nuk kam bërë kurrë gazetarinë e dekoltesë ose portofolit, kam bërë e bëj gazetarinë e zemrës.

Kam bërë emisione në kasolle që u bënë hotele, në hotele që u bënë resorte, ne jugun, që po bëhet Amalfi ynë, Parga jonë, në veriun që u bë Zvicra jonë, sepse e dua këtë vend dhe ia shoh të ardhmen që do i vijë, një ditë, prej turizmit.

Dhe nëse ky njeri që më kërcënon, e di, por nuk do t’ia dije, atëherë e paskam prekur tek ajo çfare mund të fshehë, ose ai pas të cilit mund të fshihet.

Nuk i besoj përrallave me biznesmenë që nxehen e nxihen se media i përlyen.

Hyr në tripadvisor, shiko gjithë komentet negative për një hotel dhe përgjigjet që jep administratori apo menaxheri. I përgjigjen çdo klienti.

Ky që të dënon me vdekje, pse ankohesh, nuk është njëri prej tyre. Kush nuk sqaron, por kërcënon diçka po fsheh.

E dini ku shkojnë paratë e shqiptarëve për turizmin? E dini ku shkojnë më shumë shqiptarët me pushime?

Nuk janë në tokën tonë, as në detet tona, janë ne avionët që vijnë e kthehen nga Turqia.

E dini si është qielli në orën 3 te mëngjesit, plot me njerëz që ikin e vijnë nga Tirana e Antalia, me avionë që i ruan zoti. ( Temë për të investiguar kjo.

Se sot agjencitë mund të të paguajnë t’ju mbrosh imazhin, po nesër mund të jesh ti në një avion që bie, e të vdesësh me klering).

Ata që shkojnë Turqi, s’ka dyshim që kënaqen, japin kursimet e një jete, nuk paguhen të shkojnë.

Por nëse njëri prej tyre guxon ankohet në media , për pak më shume dinjitet, ja çfarë e pret!

Kur më dënojnë mua me vdekje, atë e vrasin pa gjurmë.

Kjo sepse nuk flasim.

” E kujt i bëhet vonë për mua, ndaj unë s’po flas. Mos fol se të ikën koka. ”

Po ç’e dua kokën unë, kur më duhet vetëm ta mbaj ulur?!

Dje dorëzova një kallëzim penal për kërcënim jete.

Sepse dua mbrojtje prej një njeriu që me paratë e mia dhe të tuat, ka bërë paratë të më mbysë fjalën dhe shuajë mua.

Sot është radha ime, të kërkoj çfarë i trimëron enverët, dhe do të flas e bërtas që kur të të ndodhë ty, të thuash , “edhe mua”, jo të tërhiqesh si qytetar i dorës së dytë, se ai ka lekë e të bën gjëmën, ti je një mizë a një flutur qe s’bën dot dëm.

Dije, që siç ia jep ti lekët, ti ia dhuron edhe pushtetin, me heshtjen tënde.

Dije, një flutur e sjell ortekun. Ndaj e kallëzova penalisht biznesmenin që më kërcënoi me jetë./ Nga Rudina Xhunga – dritare. net/

Ketu keni disa shpjegime pse ndihemi të lodhur edhe pas tetë orësh gjumë, apo duam te fleme akoma:

Mos u zgjoni shumë herët

“Në përgjithësi, popullsia ndahet mes atyre që janë në formë dhe produktivë në mbrëmje dhe ngrihen të lodhur në mëngjes, dhe atyre që zgjohen herët në mëngjes dhe në mbrëmje janë të përgjumur”, – shpjegon Dr. Paola Proserpio nga Qendra e Mjekësisë së Gjumit në Spitalin Niguarda. Dhe në qoftë se këto ‘kronotipa’ shpesh kanë një bazë gjenetike dhe një familjaritet, është po aq e vërtetë që në kategorinë e parë tentojnë të hyjnë adoleshentët”.

Të rrethoheni nga njerëz negativ

Vazhdimi i ballafaqimit me kolegët ankues dhe miqtë e zhurmshëm në të vërtetë mund të jetë e lodhshme dhe përfundon duke e drenazhuar të gjithë energjinë. “Për të parandaluar që këta njerëz të na bëjnë të paguajmë detyrimet fizike dhe mendore, ne duhet t’i heqim ato sa më shpejt që të jetë e mundur”, këshillon osteopati Vicky Vlachonis.

Të kesh një jetë seksuale të përgjumur

Trajtimi i lodhjes si një justifikim për të mos pasur seks nuk vlen më, sepse një studim i botuar në Forbes ka vërtetuar se intimiteti ndihmon për të pushuar më mirë gjatë natës. Merita e prolaktinës që lëshohet gjatë orgazmës dhe nivelet e të cilave janë natyrisht më të larta kur flini. Dhe ka një lajm të mirë edhe nëse jeni më shumë tipi i takimeve “të nxehta në mëngjes”: sipas Dr. Hilda Hutcherson të Universitetit të Kolumbias, “seksi ju bën të ndiheni shumë më aktiv sesa të përgjumur”.

Të keni mangësi të magnezit

Edhe pse mund të duket e çuditshme të mendosh për magnezin si një mineral “relaksues”, një studim i Institutit Kombëtar të Shëndetësisë ka treguar se si kjo substancë që është aq e rëndësishme për trupin, përmirëson cilësinë e gjumit dhe kohën që duhet të flemë. “Kjo është arsyeja pse mungesa e këtij minerali, si dhe e hekurit, mund të shkaktojë lodhje”, paralajmëron Dr. Proserpio, i cili këshillon t’i rezervoni ato, veçanërisht gratë, sidomos gjatë shtatzënisë.

Vazhdoni me palestrën

Duket një paradoks, por për të kapërcyer lodhjen, sekreti është që të lëvizësh. Siç është theksuar në një studim të Qendrës për Kontrollin dhe Parandalimin e Sëmundjeve, “kryerja e veprimtarisë së rregullt fizike mund të zvogëlojë rrezikun e depresionit dhe t’ju ndihmojë të flini më mire”. Me disa masa paraprake, megjithatë, është mirë të keni parasysh, – sugjeron eksperti i Qendrës së Mjekësisë së Gjumit të Spitalit Niguarda, – si të shmangni kryerjen e stërvitjes me intensitet të mesëm dhe të lartë në orët para gjumit, duke preferuar pasditen e vonë”. Dhe për të marrë disa përfitime, nuk është e nevojshme të kaloni orë në palestër: duke pasur parasysh një studim të Fondacionit Kombëtar të Gjumit, vetëm 150 minuta në javë me aktivitet fizik të moderuar janë të mjaftueshme për t’u ndjerë 65% më pak të lodhur gjatë ditës.

Të mos merrni mjaftueshëm rrezet e diellit

Drita rregullon ciklin circadian dhe prandaj paraqet stimulin kryesor që shkakton zgjimin. “Kjo është arsyeja pse është e dobishme të ekspozoheni në diell në mëngjes, – shpjegon Proserpio, – dhe në vend të kësaj shmangni ekspozimin e tillë në orët e pasdites, në mënyrë që të parashikohet lirimi i melatoninës gjatë natës dhe më pas të bini në gjumë më lehtë”. Megjithatë, dielli shumë i madh mund të rrisë rrezikun e kancerit të lëkurës, doza optimale e përditshme është një ose dy orë pa harruar se rrezet e diellit gjithashtu garantojnë një dozë të lirë të vitaminës D, e cila ndihmon trupin të mbrohet nga sëmundja.

Vuajtjet nga sëmundjet autoimune

Siç thotë Dr. Proserpio, “gjëja e parë që duhet të bëjmë kur përballemi me pacientë që ankohen për problemet e lodhjes ose përgjumjes është të përjashtojmë praninë e sëmundjeve të brendshme”. Këto përfshijnë të ashtuquajturat “sëmundje autoimune”, të cilat, siç konfirmohet edhe në një publikim online të Departamentit amerikan të Shëndetësisë, shkaktojnë lodhje dhe prekin tri herë më shumë gratë sesa burrat. Sëmundje të tjera që duhet të hetohen gjithmonë, – përfundon Proserpio, – janë ato që kanë të bëjnë me tiroiden, ndryshimet në funksionin renal ose hepatik dhe sëmundjet hematologjike dhe reumatologjike.

Një dhomë gjumi si fushë betejash

Duke qenë të rrethuar me këpucë, rroba dhe revista, sigurisht që nuk iu zë gjumi. Pra, gjëja e parë që duhet të bëni është një pastrim i mirë. “Dhoma ku flini nuk duhet të ketë gjë tjetër, përveç gjërave të domosdoshme për të fjetur, – shkruhet në listën e rregullave të gjumit të hartuara nga Shoqata Italiane e Mjekësisë së Gjumit – prandaj nuk është e këshillueshme që të mbani televizor aty, kompjuter dhe tavolinë pune për të shmangur vendosjen e lidhjeve mes aktiviteteve jorelaksuese dhe mjedisit, në të cilin ne duhet të krijojmë një gjendje relaksimi që favorizon fillimin dhe mirëmbajtjen e gjumit të natës”.

Gabimi me ushqimet

Ajo që keni vënë në pjatën tuaj disa orë para se të shkoni në shtrat, mund të bëjë një ndryshim të madh në atë se sa shpejt bini në gjumë dhe në cilësinë e gjumit vetë. “Gjithmonë është mirë të shmangni pijet me kafeinë ose pije të ngjashme, si dhe alkoolin në orët e mbrëmjes, – thuhet sërish në listën e rregullave të gjumit, – dhe janë gjithashtu të papërshtatshme edhe ushqimet shumë kalorike, si dhe ushqimet me nivele të larta të proteinës”.

Gjumi në fëmijëri

Pikërisht ashtu siç ndodh me të rriturit, edhe fëmijët mund të vuajnë nga apnea e natës, por në këtë rast ato janë më shpesh të shkaktuara nga hipertrofia e adenotonsillar. “Kjo përgjumje, sidoqoftë – thotë eksperti i Qendrës së Mjekësisë së Gjumit të Spitalit të Niguarda – nuk duhet të konsiderohet si simptomë kryesore, sepse është e pranishme në një pakicë të subjekteve.”/korrieri

Artan Hoxha është larguar përfundimisht nga televizioni “News24”. E pas shumë vitesh në ekranin e “News24” dhe “Gazetën Shqipatre” ku realizoi dhjetra ekskluzive, komente, analiza, gazetari i njohur investigativ Artan Hoxha ka vendosur të largohet.

Hoxha tashmë do të jetë pjesë e një tjetër televizioni informativ, atë do ta shikojmë në “Report Tv”.

Mësohet se marrëdhëniet e Hoxhës me televizionin “News 24” u ftohën pas përballjes së tij të ashpër nga emisioni “Studio e Hapur” me ish-kryeministrin Sali Berisha në lidhje telefonike.

E që prej atij momenti Artan Hoxha u shfaq gjithnjë e më rrallë te “News24”.

Një propozim që përfundon me lot. Djali kishte menduar me detaje gjestin e tij, por nuk e kishte pritur se ajo mund ta refuzonte. Videoja kur vajza i tha jo propozimit të të dashurit të saj për martesë është bërë virale.

Në pamjet filmike shihet djali që ulet në gjunjë dhe i ofron të dashurës një buqetë me trëndafila.

Ajo merr trëndafilat, por kur ai nxjerr një unazë martese, vajza tund kokën dhe qan.

Më pas e dashura largohet nga skena me lot në sy duke i thënë “jo” propozimit.

Shikuesit të shokuar më pas vijnë për t’i dhënë mbështetje të riut që qëndronte në gjunjë.

Propozimi që u bë viral u zhvillua në një skenë në sheshin Paseo de la Fe në Monterrey, Meksikë.