Shendetesi

Temë e diskutimit në emisionin “Goodmorning Albanians” në Euronews këtë të enjte ishte tradhtia në çift. I ftuar në emision, mjeku i njohur Kita Sallabanda deklaroi se ka zona të caktuara të trurit të cilat përgjigjen për marrëdhënie të tilla.

Ai nënvizoi se kjo nuk është një sëmundje e lindur apo dëmtim organik i trurit siç pretendonte Frojdi.

“E ka shpjeguar Fjordi që para 200 vitesh që ka një pjesë të trurit që merret me tradhtinë. Ka shumë marrëdhënie të cilat shpjegohen me teorinë e Frojdit, por ka dhe shumë kritika që i bëhen teorisë së Frojdit. Nuk është e lindur, nuk është se ka një dëmtim organik të trurit që prodhon këtë marrëdhënie. Ka zona të trurit që janë përgjegjëse për këto realacione dhe mendime.

Por nuk është se ka një sëmundje të trurit siç pretendonte Frojdi. Me këtë pretendim Frojdi shpjegonte të gjitha marrëdhëniet seksuale më shumë se tradhtinë”, tha Sallabanda.

Instituti i Shëndetit Publik ka konfirmuar prezencën e virusit RSV në vendin tonë. Nga ky infeksion viral preken më shumë fëmijët duke shkaktuar probleme në rrugët e frymëmarrjes.

Ky virus mund të kalojë nga një infeksion i lehtë deri në pneumoni. Qarkullimi i virozave gjatë kësaj periudhe ka krijuar dyndje në urgjencën e Pediatrisë dhe të QSUT-së.

“Djalin kam brenda, është i sëmurë, 13 vjeç. Me të vjella. Pak temperaturë,” – u shpreh një qytetar.

“Fr ikë kemi, por nuk kemi çfarë të bëjmë, këtu asnjë lloj kushti,” – u shpreh një tjetër.

Shenjat klinike mes virozave të stinës së dimrit dhe nënvarianteve të COVID-19 janë të ngjashme, ndaj apeli i mjekëve për qytetarët është që të jenë të vëmendshëm në shfaqjen e simptomave të para dhe të këshillohen me specialistët.

Epidemiologët paralajmërojnë se dy javët e fundit të janarit do të shënojnë pikun e kësaj situate virologjike.

Mënyra se si e nisim ditën është e rëndësishme, ndaj është e rëndësishme të praktikojmë një rutinë që do të përmirësojnë të gjithë gjendjen e organizmit. Është e vërtetë se pirja e një gote me ujë të vakët në mëngjes nuk do të zvogëlojë numrin në peshore kur e shkelni, por ky veprim përshpejton metabolizmin tuaj.

“Konsumimi i ujit të vakët ndihmon sistemin tretës dhe parandalon fryrjen, si dhe në nxjerrjen e lëngjeve të tepërta në trup”, pohojnë dietologët.
Largon infeksionet e rrugëve të frymëmarrjes

Nëse keni një infeksion të fytit dhe sinusit, praktikoni të pini një gotë ujë të vakët në mëngjes.

“Nëse keni hundë të bllokuar, ndihmon në pastrimin dhe hapjen e rrugëve të frymëmarrjes sepse nxehtësia do të pastrojë më shpejt mukozën. Temperatura e lëngut që pimë mund të ndikojë edhe në simptomat e të ftohtit”, thotë doktorreshë Nesochi Okeke-Igbokwe.

Ndikon në shëndetin e dhëmbëve

Që një gotë me ujë të vakët në stomak bosh ndikon në shëndetin e dhëmbëve dihet më pak, por ekspertët tregojnë se kjo ndihmon të kemi dhëmbë të shëndetshëm.
“Për shkak të ujit të ftohtë, smalti mund të dëmtohet dhe kështu shkakton dhimbje” thotë mjekja, dhe paralajmëron që uji të mos jetë shumë i nxehtë. Këshillohet që të jetë në temperaturën e dhomës.

Stimulon tretjen

Uji i vakët stimulon qarkullimin e gjakut në zorrët dhe përmirëson tretjen.

Ajo shton se ndryshe nga uji i ftohtë, uji i ngrohtë hidratohet më shpejt. Në kombinim me ushqimin, ai shpërndan yndyrat më shpejt, të cilat për këtë arsye treten më lehtë.

Redukton dhimbjen

Uji i ngrohtë arrin rrjedhjen e gjakut në inde dhe mundëson relaksimin e muskujve, gjë që ndikon në uljen e dhimbjes.

“Ndihmon me të gjitha llojet e dhimbjeve, nga dhimbjet menstruale e deri te dhimbjet e kyçeve. Përveç kësaj, nëse pini ujë të ngrohtë para se të shkoni në shtrat, do të bini në gjumë më shpejt dhe do të jeni më të ngopur për më gjatë, kështu që nuk do të zgjoheni natën për ushqim. Dhe kur të zgjoheni, do të jeni të freskët”, thotë Okeke Igbokwe.

Një infeksion viral, i njohur si gripi i syrit po qarkullon në vend. Ky infeksion shkakton skuqje dhe lotim të syve, ndërsa mjekët thonë se ka pasur shtim të rasteve gjatë kësaj periudhe.

“Ka një periudhë dy mujore që ka pasur shtim të rasteve të konsiderueshme nga një virus që shkakton imflamacion të syrit, me shenja të tilla skuqje e madhe e syrit, me lotim të shtuar”, shprehet mjekja Nora Burda.

Tek fëmijët shfaqja e këtij infeksioni vjen edhe për shkak të virozave, megjithatë mjekja okuliste Burda thotë se prek të gjitha kategoritë e moshave.

“Nëpër kopshte dhe çerdhe përhapet sepse fëmijët prekin lodrat dhe sytë. Edhe në ambiente që janë kolektive si banka, institucione, që ka shumë njërëz që punojnë me të njëjtat materiale infektohen. Gjithashtu edhe në familje. Unë kam pasur raste që ka ardhur babai, pas një jave ka ardhur bashkëshortja dhe fëmijët. Tek fëmijët ndikojnë edhe virozat”, thotë ajo.

Mjekja thekson se gripi i syrit përhapet nga një person te tjetri dhe nëse nuk mjekohet lë pasoja të rënda për shikimin.

“Ky inflamacion lë disa pasoja nëse nuk mjekohet, prek xhamin e syrit dhe pacienti ankohet duke thënë se unë shikoj pulla pulla, i dëmtohet pjesa e të parit dhe në raste ekstreme mund të përfundojë në verbim. Nëse pacientët vërejnë se njëri sy i skuqet dhe vërejnë një gjendër, duhet të shkojnë menjëherë për kontroll dhe të ruajnë higjenën”, thotë mjekja.

Për të shmangur infeksion viral është e rëndësishme të ruhet higjiena personale dhe të mos kontaktohen personat që janë të prekur.

Një studim ka treguar se personat që zgjohen herët janë të prirur për të qenë më të aftë dhe të suksesshëm. Studimi i kryer nga Universiteti i Alabamas, ku u shqyrtuan të dhënat e rreth dy mijë personave që i përkisnin moshave nga 25 deri në 74-vjeç, tregoi se ata që ngrihen herët, kanë tendencë të jenë më të shëndetshëm dhe të qëndrojnë në formë.

Njëkohësisht, ata arrijnë ta përballojnë ditën me qetësi, duke bashkëvepruar më mirë me të tjerët dhe duke marrë rezultate më të mëdha nga pikëpamja profesionale. Disa rregulla që duhen ndjekur për të qëndruar të shëndetshëm dhe për të arritur sukses në jetë.

Zgjohuni gjithmonë në të njëjtën kohë

Me kalimin e kohës, do të mësoheni me orarin e caktuar dhe do të ndjeheni më mirë, më të gatshëm, të kthjellët dhe më të prirur për të përqafuar stilin e jetës së re që keni ndërmarrë.
Gjithmonë hani mëngjes

Pavarësisht në çfarë ore zgjoheni, mëngjesi gjithmonë duhet të jetë i bollshëm, i shëndetshëm dhe sa më i ekuilibruar.

Bëni ushtrime

Ushtrimet mund t’i bëni kur të zgjoheni, në mesditë apo para darkës. Ajo që ka rëndësi është të krijoni një moment për t’ju përkushtuar vetes dhe aktiviteti fizik që ju jep forcimin e duhur të energjisë.

Hani rregullisht

Shpesh zgjimi në orare të ndryshme, çon në konsumimin jo të rregullt të vakteve dhe kjo ndikon në kequshqyerje. Prandaj, është shumë e rëndësishme të vendosni një orar kur duhet të hani dhe të siguroni që të konsumoni të paktën tre vakte kryesore në ditë.

Pini shumë ujë

Gjithashtu, hidratimi është jashtëzakonisht i rëndësishëm por duke shmangur pijet me sheqer ose të llojeve të tjera. Pirja e ujit ndihmon për të qëndruar të hidratuar dhe lejon trupin të funksionojë më mirë.

Gjithmonë shkoni për të fjetur në të njëjtën kohë

Një rutinë e mirë është që orët e gjumit gjithashtu të merren parasysh. Prandaj është e rëndësishme të planifikoni ditët tuaja, në mënyrë që të siguroheni që të mund të flini në orarin e caktuar.

Asnjë dietë nuk premton mrekulli, por nëse kombinoni regjimin e mëposhtëm me aktivitet fizik dhe pirjen e 8 gotave ujë në ditë, do të rrëzoni shumë shpejt 2-3 kilogramë brenda 7 ditëve. Dieta e mëposhtme këshillohet të ndiqet për një javë.

Bëhet fjalë për 1 menu të pandryshueshme,e dhe pse keni mundësi që ta kombinoni duke zgjedhur një ditë peshk e një ditë mish të bardhë pule.

Kumbullat e thata janë një dhuratë e çmuar për organizmin pasi lu ftojnë ka psllëkun, rrëzojnë kilogramët e padëshiruar, parandalojnë infeksionet e ndryshe falë përbërësve me veti antibakteriale dhe antiinflamatore, mbrojnë trurin nga veprimi i radikaleve të lira, ndikojnë në parandalimin e sëmundjeve kronike sikurse janë sëmundjet kardiovaskulare, ndihmojnë në trajtimin e diabetit të tipit 2, ulin kolesterolin e keq në gjak etj.

Mëngjesi: 1 gotë me ujë të vakët dhe limon, 6 kumbulla të thata, 10 kokrra fruta të thata (nuk këshillohen kikikirikë dhe bajamet e kripura).
Vakti para drekës: 1 mollë jeshile dhe 6 kumbulla të thata.
Dreka: 1 vezë e zier, 150 g mish i bardhë pule ose peshk (gjithmonë i gatuar në avull), 50 g djathë pa yndyrë dhe 6 kumbulla të thata .
Zemra (vakti i pasdites): 1 mollë jeshille dhe 6 kumbulla të thata .
Darka: 1 gotë kos, 1 mollë jeshile dhe 6 kumbulla të thata.