Mjeku Ylli Merja tha se personat që janë alergjik duhet të bëjnë shumë kujdes ndaj poleneve të plepit dhe të rrapit, bimë të cilat janë mbjellë në shumë rrugë të Tiranës.
I ftuar në “Good Morning Albanians”, Merja tha se këto polena përhapen më tepër në ajër pas orës 10:30 ndërsa mëngjesi dhe pasditja vonë nuk janë shumë problematike.
“Ka plotë rrugë në Shqipëri, sidomos në Tiranë që janë mbjellë pemë rrapi. Polenet e saj dhe ato lulet e saj kur zhvishen lëshojnë ca si gjemba të cilat, sidomos kur të fiksohen nëpër qepalla japin kruarje të forta të syve, irritime skuqje e me radhë. Kjo bimë është një ngacmuese.
Kur mund të ecin njerëzit në këto rrugë, ku ka rrape? Mëngjesi dhe darka janë ideale, se nga ora 10:30 e me pas polenet lundrojnë në ajër, dhe për alergjikët është e tmerrshme. Edhe plepi është ngacmues, ai ka një push të bardhë që bëhet shumë problematik”,-tha Ylli Merja.
Gjatë gjumit, muskujt e dobët dhe tendinat kanë tendencën të ngurtësohen më shumë, thonë ekspertët. Sipas tyre, ngurtësimi i muskujve që ndodh në mëngjes mund të shkaktohet si nga osteoartriti, por edhe reumatizma.
Ekspertët shpjegojnë se ndjesia e ngurtësimit të muskujve mund të zgjasë nga 10 në 15 minuta. Ajo largohet me lëvizjen dhe ngrohjen e gjymtyrëve dhe muskujve.
Megjithatë, ngurtësimi dhe kontraktimi si pasojë e reumatizmës mund të zgjasë deri në një orë.
Ndikimi i plakjes së gjymtyrëve për fat të keq është i pakthyeshëm. Pacientët mund të përdorin medikamente të caktuara për kontrollin e dhimbjeve të shkaktuara nga artriti dhe inflamacioni. Te këto medikamente mund të përfshihen aspirina apo ibuprofeni dhe qetësues të tjerë. Megjithatë, pavarësisht medikamenteve, ngurtësimi i muskujve është diçka që mund të ndodhë shpesh.
Ashpërsia dhe intensiteti i ngurtësimit të muskujve në mëngjes mund të pakësohet me disa hapa të thjeshtë. Fillimisht, duhet të jeni më aktiv dhe të kryeni aktivitet fizik për të rritur forcën dhe fleksibilitetin e gjymtyrëve. Mirëmbajtja e peshës është gjithashtu e rëndësishme dhe e dobishme. Gjatë këtyre rasteve të dhimbshme, mund të përdorni kompresa të ngrohta ose të ftohta, ato duhen mbajtur në zonën e dhimbjes për 15-20 minuta disa herë në ditë.
Sigurisht që rënia në peshë nuk është diçka e lehtë, por duke ngrënë ushqimet e duhura ajo është tërësisht e arritshme. Zbuloni në këtë artikull ushqimet më të pasura me vitamina e minerale që duhet të konsumoni çdo ditë nëse dëshironi të dobësoheni.
Ushqimet E Shëndetshme Që Duhet Të Hani Çdo Ditë
Spinaqi
Kjo barishte e shëndetshme është e pasur me acidet yndyrore Omega-3 dhe folat të cilat pakësojnë rrezikun e sëmundjeve të zemrës, ishemisë dhe osteoporozës. Ekspertët rekomandojnë konsumin e të paktën një racioni me spinaq të freskët dhe gjysëm racioni me spinaq të gatuar në ditë.
Kosi
Kosi është një ushqim plot 2000 vjeçar me vlera të pakundërshtueshme. Falë fermentimit, kosi është i mbushur me miliona organizma probiotikë që ushqejnë bakteret e mira në trup. Probiotikët e mbrojnë organizmin nga kanceri dhe fuqizojnë sistemin imunitar. Konsumoni 1 filxhan me kos në ditë për të marrë shumë kalçium dhe proteina. Mund ta shoqëroni me pak mjaltë për të plotësuar edhe më shumë vlerat e tij.
Domatet
Domatet e kuqe të freskëta ose në formën e salcës janë të pasura me antioksidantë siç është likopeni. Sipas të dhënave ky antioksidant pakëson rrezikun e sëmundjeve të stomakut, lëkurës, prostatës, mushkërive dhe sëmundjet koronare. Konsumoni një gotë me lëng domateje në ditë ose 8 domate qershizë të cilat ofrojnë 22 mg likopen në ditë.
Karrotat
Shumica e frutave dhe perimeve me ngjyrë të kuqe, verdhë dhe portokalli janë të mbushur me karotenoidë që pakësojnë rrezikun e shumë tumoreve, inflamacionit e të tjerë. Karrotat janë ndër perimet më të pasura. Duhet të konsumoni të paktën gjysëm racioni me karrota në ditë.
Boronicat
Boronicat janë shumë të pasura me antioksidantë. Ato ndihmojnë në parandalimin e kancerit, diabetit dhe problemeve me kujtesën si pasojë e moshës. Jo më kot boronicat njihen si frutat e trurit. Përpiquni të konsumoni një filxhan me boronica të freskëta në ditë ose gjysëm filxhani me boronica të thata ose të ngrira.
Fasulet E Zeza
Fasulet e zeza janë të mira për zemrën por edhe për trurin. Ato përmbajnë antioksidantë, vitamina dhe minerale. Sipas të dhënave një gjysmë racioni ofron 8 gramë proteinë dhe 7.5 gramë fibër.
Arrat
Arrat janë të më të pasura me acide yndyrore se salmoni. Ato përmbajnë më shumë proteinë se mishi i pulës dhe më shumë polifenolë se vera e kuqe. Sipas të dhënave një racion me arra duhen konsumuar çdo ditë, sidomos pas një aktiviteti fizik.
Tërshëra
Tërshëra është e pasur me fibër të tretshme që pakëson rrezikun e sëmundjeve të zemrës. Një gjysëm racioni me tërshërë ofron 10 gramë proteinë dhe shumë energji për muskuj
Onkologia Kleida Mati tha në Euronews Albania, tha se medikamentet për kancerin e mushkërisë janë të pakta.
Mati nënvizoi se kanceri i gjirit është sëmundja që mbulohet më mirë me barna në të gjithë Shqipërinë.
“Përsa i përket kancerit të gjirit është lloji është i mbuluar më mirë me barna në të gjithë Shqipërinë.
Duhet të theksojmë dhe faktin se onkologjia është kthyer në një specialitet të onkologjisë shumë dinamik.
Çdo 6 muaj kemi barna të reja që aprovohen. Medikamentet për kancerin e mushkërisë janë shumë të pakta”- tha ajo.
Një panel udhëheqës shëndetësorë kanë rekomanduar së fundmi se mosha në të cilën gratë kontrollohen rregullisht për kancerin e gjirit duhet të ulet nga 50 në 40.
Toksiologia Suela Xhufi, tha se një bimë që gjendet në Afrikë është çudibërëse përsa i përket pastrimit të toksinave në trupin tonë.
E ftuar në Euronews Albania, ajo tha kjo bimë është një gjethe e cila ka një efekt shumë të lartë te trupi i njeriut.
Më tej ajo shtoi se personi që e konsumon duhet të rrijë 24 orë në shtëpi.
“Spiroli, Klorelia dhe Simosi, që nuk gjendet në Shqipëri por niveli i pastrimit që ajo ka në trup është shumë i lartë, gati 80%. Për parazitët është një bimë afrikane që quhet ‘Bima e Patës’, është një gjethe që gëlltitet. Efekti i pastrimit është shumë i lartë. Unë i porosis nga jashtë. Personi që e pi fillimisht duhet të rri 24 orë në shtëpi, nuk duhet të dalë”- tha ajo.
Kastriot Dallaku, obstetër gjinekolog tha në emisionin GoodMorning Albanians në Euronews Albania se shtatzënitë në moshën mbi 40-vjeçare kanë gjasa të kenë më shumë komplikacione si për fëmijën ashtu edhe për nënën.
Ai tregoi se pacientet në këto mosha informohen paraprakisht për rreziqet që mund të vijnë nga shtatzënia dhe vendimet mjekësore merren në mënyrë të përbashkët.
Mjeku solli rastin e një gruaje që ka sjellë në jetë fëmijën e saj të tretë në moshën 46-vjeçare.
“Kemi pasur raste edhe në moshën 46-vjeçare, një grua që kishte fëmijën e tretë, kishte dy vajza dhe priste djalin. Kemi pasur edhe raste të tjera në moshë më të madhe, jo me fëmijën e parë.
Nga ana mjekësore, mosha e pacientes nuk ka shumë rëndësi mjekësore nëse është fëmija i parë apo i dytë, pasi rreziqet e komplikacioneve janë të njëjta”, tregoi mjeku.
Bananet konsiderohen si ushqim i plotë, i kompletuar, por shpesh i nënvlerësojmë ato.Megjithatë, ky fryt ekzotik ka potencialin të jetë revolucioni i madh shëndetësor, pasi është i mbushur me plot vlera ushqyese.
Kjo mrekulli me lëkurë të verdhë është e pasur me sheqerna natyrorë, fruktozë dhe sukrozë, vlera të ndryshme ushqyese, vitamina, minerale dhe fibra. Prandaj, konsumi i saj i rregullt mund të ofrojë përfitime të mahnitshme shëndetësore.
Banania është fruti më shumë i konsumuar në Shtetet e Bashkuara, madje më shumë se konsumi i portokajve dhe mollëve bashkë.
Në fillim, banania ka ngjyrë të gjelbër dhe nuk ka njolla në lëkurë, por me kalimin e kohës, piqet duke bërë që në lëkurën e saj të shfaqen njolla kafe që mbulojnë gjithë frutin.
Megjithatë, banania e pjekur në të vërtetë është shumë herë më e shëndetshme pasi sa më shumë njolla të ketë, aq më shumë ka TNF (tumor nekroz faktor). TNF lufton qelizat jo normale në trup, kështu që bananet e pjekura në fakt janë në gjendje të luftojë me sukses kancerin. TNF nxit komunikimin mes sistemit imunitar dhe qelizave të trupit, gjithashtu mbështet lëvizjen e qelizave.
Hulumtimet kanë treguar se bananet e pjekura përmbajnë TNF, që bllokon rritjen e qelizave të tumorit dhe përhapjen e tyre. Për më tepër, bananet janë të pasura me antioksidantë të cilat nxisin sistemin imunitar dhe numrin e qelizave të gjakut.
Prandaj, herën tjetër që gjeni banane ngjyrë kafe dhe me njolla, mos i shmangni, por blijini ato, pasi ato do ju ofrojnë përfitimet më të mira shëndetësore dhe do ju japin shumë energji.
Megjithatë, bananet kanë edhe shumë veti të tjera nëpërmjet aftësisë së saj për të luftuar kancerin. Këto janë disa nga vetitë më të rëndësishme:
Një ose dy banane para stërvitjes së përditshme do ju furnizojë me energjitë e nevojshme për deri në 1 orë ushtrime. Për më tepër, ato janë të pasura me vitamina, minerale dhe kalium.
Ky frut vepron si anti-acid, kështu që lehtëson urthin dhe aciditetin e refluksit, dhe të gjitha simptomat e pakëndshme që e shoqërojnë. Një banane e vetme do të japë rezultate të menjëhershme në raste të tilla.
Disa banane trajtojnë me sukses kapsllëkun. Përmbajtja e tyre me fibra, ndihmon zorrën për jashtëqitje të rregullt dhe në këtë mënyrë, parandalimin e kapsllëkut.
Bananet, në mënyrë efikase, ulin presionin e lartë të gjakut dhe parandalojnë infarktet pasi reduktojnë natriumin. Për më tepër, janë të pasura në kalium dhe duke nxitur shëndetin e zemrës.
Bananet janë të shkëlqyera në trajtimin e ulcerës, pasi nuk shkaktojnë dhimbje dhe tuli i saj i butë nuk e rëndon stomakun. Në këtë mënyrë, bananet parandalojnë acidet gërryese dhe irritimet në stomak.
Bananet furnizojnë trupin me hekur, rrisin furnizimin e trupit me gjak sepse stimulojnë prodhimin e hemoglobinës dhe qelizave të kuqe të gjakut.
Kontrollon temperaturën e trupit
Bananet me efikasitet rregullojnë temperaturën e trupit dhe janë shumë të dobishme në rastet e etheve.
Ky frut përmban një përbërës të veçantë, triptofan-in, i cili trajton depresionin. Sapo hyn në trup, ajo kthehet në serotonin, një neurotransmetues i trurit, që sjell relaksim dhe përmirëson humorin.
Banania rregullon nivelin e sheqerit në gjak dhe është shumë e dobishme në rastet e stresit. Është e pasura me vitaminë B, dhe në këtë mënyrë zbut sistemin nervor dhe relakson trupin dhe mendjen, duke përmirësuar gjendjen shpirtërore.
Disa fotografi të publikuara në faqet e tyre zyrtare në rrjetet sociale, ku gazetarja Sonila Musai shfaqet me vello nusërie dhe Eni Tare, ish-banori i spektaklit Big Brither Vip 2, i cili shfaqet me kostum dhëndrri kanë nxitur kureshtjen e të gjithëve në rrjet.
E ndërsa nuk mungojnë urimet për një martesë të pa lajmëruar, është vetë moderatorja që shuan zërat, ndërsa thotë se nuk ka asnjë martesë, por bëhet fjalë për një set fotografik të realizuar për një promocion veshjesh.
Sonila Musai është gazetare prej shumë vitesh në Ora News, ndërsa prej pak javësh drejton dhe emisionin “Epiqendër”, një hapësirë dedikuar tërësisht tematikave sociale të jetës së përditshme, por edhe çështjeve të aktualitetit, duke mos hequr dorë nga terreni pavarësisht moderimit në studio të emisionit, apo spikerimit të edicioneve të lajmeve.
Përtej pasionit për profesionin, moderatorja është nënë e një vajze të lumtur 7-vjeçare!
Ndërsa Eni Tare ishte banori që u eliminua pak javë më parë nga shtëpia e “Big Brother VIP”, dhe tashmë i është përkushtuar dhe pasionit të tij të modelimi.
Dyshja në fjalë janë miq të mirë prej kohësh dhe kanë shfrytëzuar bukurinë për t’u bërë pjesë e setit fotografik.
