Shendetesi

Ushqimet e përpunuara mund të jenë të përballueshme dhe të volitshme për shumë njerëz.

Nga ana tjetër, ato përmbajnë shumë yndyrna, kripë dhe sheqer.

Diabeti dhe ushqimet që nuk duhen konsumuar

Yndyra, kripa dhe sheqeri, të treja janë armiqtë e organizmit dhe sidomos të atyre që vuajnë nga diabeti.

Po cilat janë ushqimet e përpunuara të rrezikshme për njerëzit që vuajnë nga diabeti? Lexoni listën e përgatitur nga AgroWeb.org.

Orizi i bardhë

Orizi i bardhë është i lirë dhe gatuhet shpejt.

Por siç ndodh rëndom me ushqimet e tjera të përgatitura nga mielli i rafinuar (buka e bardhë dhe makaronat) edhe orizi i bardhë është i zhveshur nga çdo ushqyes i rëndësishëm.

Për më tepër, ai rrit nivelin e sheqerit në gjak.

Rekomandohet oris kaf elbi, bullguri, kuinoa apo buka me drithëra të plota.

Mund të kërkojnë shumë kohë për t’u gatuar, por janë më të shëndetshëm dhe me vlera.

Patatet e skuqura

Patatet e skuqura minojnë përpjekjet tuaja për të ruajtur peshën optimale dhe mbajtur nën kontroll diabetin.

Ato nuk kanë asnjë vlerë shëndetsore dhe vetëm rrisin nivelin e sheqerit ne gjaknë gjak.

Konsumoni më shumë patate të pjekura.

Zgjidhni pataten e ëmbël.

Prijeni në feta dhe piqini në furrë.

Mos blini patate të ngrira në supermarket sepse janë të mbushura me përbërës artificialë.

Frutat Konservë

Ngrënia e frutave dhe perimeve të freskëta u bën shumë mirë njerëzve që vuajnë nga diabeti i tipit 2.

Frutat konservë bëjnë të kundërtën.

Ato janë të mbushura me shurup të ëmbël të përpunuar.

Nëse këto fruta ju pëlqejnë shumë, më mirë shpëlajini me shumë ujë përpara se t’i hani.

Patatinat

Patatinat dhe produkte të ngjashme mund të minojnë përpjekjet tuaja për të mirëmbajtur peshën.

Ato shtojnë kaloritë, kripën dhe substancat kimike, por nuk ofrojnë as fibër as ndonjë ushqyes të rëndësishëm.

Pijet e gazuara

Pijet e gazuara, madje edhe ato që reklamohen si pa sheqer janë të rrezikshme për peshën dhe diabetin.

Zëvëndësojeni këtë pije me ujë me gaz me pak lëng limoni ose limoni jeshil.

Hidhni frutat në ujë bashkë me borzilok e limon dhe kështu keni krijuar një pije të shëndetshme që shuan etjen.

Ushqimet me sheqerna të shtuara

Sheqernat e shtuara janë përbërësit bazë të çdo ushqimi të konservuar siç janë biskotat, salcat e ndryshme, ëmbëlsirat, salcat e sallatave, drithërat e të tjerë.

Mjekët thonë se gratë nuk duhet të konsumojnë më shumë se 6 luge caj me sheqerna në ditë ndërsa meshkujt nuk duhet të konsumojnë më shumë se 9 lugë çaji.

Mishrat e përpunuar

Mishrat e përpunuar mund të mos përmbajnë sheqer por ato kanë shumë yndyrë, kripë dhe substanca të tjera shtesë që rrisin rrezikun e diabetit të tipit 2.

Hiqni dorë nga sallamet, proshutat, salçicet, donerët e të tjerë dhe zgjidhni mish të mirë në gjendje natyrale të papërpunuar.

Hamburgerët

Ushqimet e shpejta janë një faktor rreziku

Sipas ekspertëve, njerëzit që hanë hamburgerë ose sufllaqe më shumë se dy herë në ditë kanë më shumë gjasa të preken nga diabet.

Zgjidhni sanduiçët me mish pule dhe perime më mirë.

Idealja është t’i përgatisni vetë ato në shtëpi.

Drithërat e ëmbël

Drithërat e mëngjesit me ngjyra e çokollatë gjenden në çdo shtëpi.

Ato janë të mbushura me sheqer dhe nuk kanë fibër.

Zgjidhni drithëra që përmbajnë 5 gramë ose më shumë fibër dhe më pak se 7 gramë sheqer për racion.

Cilat ushqime të vijnë ndër mend kur mendon për mëngjesin? Zakonisht, një filxhan kos, një filxhan kafe dhe lëng i freskët portokalli plotësojnë pritshmëritë bazë për një mëngjes perfekt në dukje.

Për fat të keq, të paktë janë ata që janë të ndërgjegjshëm mbi pasojat që disa ushqime lënë në stomakun tonë kur konsumohen me të hapur sytë.

Ja udhëzimi, që do t’ju udhëheqë në lidhje me ushqimet që duhen konsumuar me stomakun bosh dhe ato që duhen shmangur.

Ushqimet që nuk duhen ngrënë në mëngjes

Brumërat

Gatimet që përmbajnë maja irritojnë shtresat e stomakut dhe shkaktojnë fryrje.

Ëmbëlsirat

Sheqeri rrit nivelet e insulinës, e cil nga ana tjetër shton barrën që rëndon mbi pankreasin e sapozgjuar. Një barrë e tillë ushqimore shkakton diabet.

Kosi dhe produktet e tjera të fermentuara

Nëse konsumoni kos me stomakun bosh, veçanërisht kur është i thartë, atëherë acidi hidroklorik që formohet në stomak shkatërron bakteret e acidit laktik. Ngrënia e këtyre produkteve në mëngjes nuk është e mirë për organizmin.

Domatet

Domatet përmbajnë sasi të larta të acidit tanik që rrit aciditetin në stomak, duke shtruar rrugën e formimit të ulçerës gastrike.

Trangujt dhe perimet e tjera të gjelbra

Perimet e pa gatuara janë burime të pasura amino acidesh, megjithatë ato mund të shkaktojnë urth, fryrje dhe dhimbje sidomos kur konsumohen me stomak bosh.

Erëzat pikante

Ushqimet pikante dëmtojnë dhe irritojnë mukozën gastrike dhe rrisin prodhimin e acidit në stomak. Një gjë e tillë shkakton probleme dhe çrregullime në sistemin tretës.

Pijet e ftohta të gazuara

Pijet e gazuara dëmtojnë membranën e stomakut dhe pakësojnë furnizimet me gjak në stomak duke shkaktuar urth dhe rritur rrezikun e gastritit dhe ulçerës.

Ushqimet që duhen konsumuar në mëngjes

Tërshëra

Ajo krijon një shtresë mbrojtëse në stomak dhe parandalon çlirimin e acidit hidroklorik që është mjaft i dëmshëm për muret e stomakut. Tërshëra përmban fibër të tretshme që është mjaft e mirë për uljen e kolesterolit në organizëm.

Vezët

Shkencëtarët kanë zbuluar që ngrënia e vezëve në mëngjes jep energji dhe njëkohësisht pakëson nivelin e kalorive ditore në mënyrë të ndjeshme. Ndaj ju do të ndjeheni të lehtë gjatë gjithë ditës.

Boronicat

Studime të kohëve të fundit tregojnë se ngrënia e boronicave në mënyrë të rregullt dhe veçanërisht në mëngjes përmirëson kujtesën dhe rregullon tensionin e gjakut dhe metabolizmin.

Arrorët

Arrorët duhen ngrënë për mëngjes sepse përmirësojnë sistemin tretës dhe normalizojnë pehashin në stomak. Kujdes me sasinë.

Mjalti

Mjalti zgjon organizmin dhe i jep atij forcë dhe energji. Aktiviteti i trurit përmirësohet dhe nivelet e serotoninës, hormonit të humorit të mirë rriten.

Gjendra e tiroides ndodhet në pjesën e përparme të qafës dhe prodhon hormone të tiroides të cilat kanë një ndikim në zhvillimin fizik dhe mendor, zhvillimin e qelizave dhe metabolizmin.

Sëmundjet ose çrrregullimet shëndetsore mund të ndikojnë funksionin e gjendrës tiroide duke shkaktuar një veprimtari hiperaktive ose të ulët të saj.

Ekuilibrat e gjendrës tiroide janë të rëndësishme për të parandaluar dëmet në shëndet ose procesin e plakjes.

Këto ekuilibra mund të kthehen nëpërmjet konsumit të disa frutave dhe perimeve të cilat arrijnë të ruajnë shëndetin e gjendrës tiroide.

Boronicat

Boronicat janë të pasura me antioksidantë që ndihmojnë në pakësimin e hipotiroidizmit ose veprimtarisë së ulët të tiroides.

Studimet kanë treguar se boronicat janë të parat përsa i përket sasisë së antioksidantëve në krahasim me 40 fruta dhe perime të tjera.

Boronicat përmbajnë shumë vitamina dhe minerale dhe ndihmojnë në ruajtjen e shëndetit të trupit dhe shmangies së sëmundjeve.

Qershitë

Qershitë janë të pasura me antioksidantë dhe vitamina dhe i japin trupit një nivel të lartë mbrojtjeje ndaj sëmundjeve. Qershitë janë një frut i jashtëzakonshëm për ruajtjen e funksionit të tiroideve.

Domatet

Domatet janë një burim i jashtëzakonshëm i seleniumit. Ai mendohet të jetë i mirë për gjendjen tiroide duke rregulluar funksionin e saj dhe përmirësuar funksionet imunitare të organizmit.

Seleniumi ndihmon në rregullimin e aktivitetit të hormonit të tiroides dhe neutralizon molekulat e paqëndrueshme në organizëm.

Kungulli

Kungulli është një perime e pasur me antioksidantë. Kungulli është shumë i mirë për gjendjen tiroide për shkak të nivelit të lartë të jodit që gjendet në të.

Gjendra tiroide ka nevojë për jod që të funksionojë siç duhet. Nëse keni mungesë jodi, atëherë gjendra tiroide nuk ka fuqinë e duhur të prodhojë hormonin e tiroides.

Lakrat e Vogla të Brukselit

Këto lakra të vogla janë thjesht të mrekullueshme për sa i përket aftësive të tyre për të ndihmuar shëndetin e mirë të tiroides.

Bizelet

Zinku është i rëndësishëm për gjendrën tiroide dhe gjendet me bollëk tek bizelet.

Pamjaftueshmëria e zinkut vihet re shpesh tek femrat që janë të prekura nga hipertioridizmi ose shtimi i prodhimit të hormoneve të tiroides.

Kjo sepse hormone e tepërta në trup eleminojnë zinkun.

Përdorimi i telefonave mobil është i pashmangshëm në ditët e sotme.

Por ka shumë rëndësi se kur edhe mënyra e përdorimit të tyre. Kur flini s’keni pse i mbani afër.

Sipas zyrtarëve nga departamenti i Shëndetit Publik në Kaliforni, rrezet radioaktive janë të dëmshme për shëndetin e njerëzve.

Sipas një studimi të fjeturit duke pas telefonin pranë shkakton sëmundje, si kanceri dhe steriliteti.

Madje as bartja e tyre në xhepa nuk është e prefereushme, nëse dëshironi që të keni fëmijë nesër.