Shendetesi

Veshkat luajnë një rol shumë të rëndësishëm në organizmin tonë.

Ato përpunojnë pjesën më të madhe të mbetjeve ushqimore.

Nëse lëngjet trupore nuk dalin nga sistemi, kripërat minerale bashkë me substanca të tjera kimike ngurtësohen duke formuar në atë që ne njohim si gur në veshka.

Prania e tyre shkakton dhimbje dhe mund të përkeqësojë shëndetin.

Përmasat e këtyre gurëve janë të ndryshme dhe në shumë raste bllokojnë zbrazjen e fshikëzës duke i çelur rrugën infeksioneve urinare.

Gurët në veshka mund të trajtohen nëpërmjet medikamenteve ose kurave natyrale.

Megjithatë, nëse një gur është i përmasave të mëdha, ai duhet hequr nëpërmjet ndërhyrjes kirurgjikale.

Gurët Në Veshka Dhe Roli i Kurave Natyrale

Shurupi me limon dhe majdanoz është një kurë shumë e mirë natyrale që mund të përdoret krahas trajtimeve të tjera kundër gurëve në veshka.

Përpara se ta përdorni atë, duhet të dini se çelësi i parandalimit të gurëve në veshka është që të pini shumë lëngje.

Nëse organizmi nuk është i hidratuar, atëherë lëngjet qëndrojnë në organizëm dhe kështu krijohen gurët në veshka.

Bashkë me ujin, rekomandohen produkte që kanë efekt diuretik siç janë majdanozi dhe limoni.

Vlerat e Limonit

Limoni përmban dy acidë të rëndësishëm që parandalojnë formimin e gurëve në veshka.

Acidi citrik dhe ai fosforik inkurajojnë nxjerrjen e kripës dhe toksinave nga organizmi.

Limoni promovon eliminimin e lëngjeve që akumulohen në inde dhe nxit nxjerrjen e lëngjeve.

Për më tepër, lëngu i limonit ka vlera kundër baktereve dhe mykut dhe parandalon shfaqjen e infeksioneve.

Vlerat e Majdanozit

Majdanozi është një nga barishtet më të shëndetshme dhe më të vyera për shëndetin e veshkave.

Vajrat esencialë rrisin nxjerrjen e lëngjeve, nëpërmjet të cilave toksinat dhe yndyrnat largohen nga organizmi.

Majdanozi përmban shumë vitaminë C që forcon sistemin imunitar dhe kuron infeksionet.

Shurupi me Limon dhe Majdanoz

Në këtë recetë do të përzieni limonin, majdanozin, mjaltin dhe vajin e ullirit.

Përbërësit:

Lëngu i një limoni

Një tufë majdanoz

Një filxhan çaji me vaj ulliri

Një filxhan çaji me mjaltë

Përgatitja:

Shtrydheni lëngun e limonit dhe përziejeni me majdanozin në një mikser.

Përzierja e të dy produkteve do të krijojë një masë të gjelbër të cilën duhet ta përzieni me mjaltin dhe vajin në të njëjtin mikser.

Kur shurupi të jetë gati, hidheni në një kavanoz qelqi.

Mbylleni kapakun dhe ruajeni në një vend të errët dhe të freskët.

Si Ta Përdorni Shurupin

Merrni një lugë çaji nga ky shurup çdo ditë me stomak bosh.

Nëse dëshironi mund ta tresni në një gotë ujë që ta pini më lehtë.

Gjatë ditës duhet të pini dy litra ujë që të shumëfishoni ndikimin e shurupit.

Shurupi duhet pirë vazhdimisht që të vëreni përmirësime.

Kjo këshillë vlen për pacientët që kanë gurë të vegjël dhe sasi të vogla gurësh në veshka.

Pacientët që janë diagnostikuar me gurë më të mëdhenj, duhet ta marrin shurupin si shoqërues të medikamenteve.

Ministria e Shëndetësisë dhe Instituti i Shëndetit Publik kanë hartuar një plan masash pas situatës së shpërthimit epidemik të fruthit ne vendin tone.

Mesohet se janë vaksinuar 10 mijë fëmijë dhe të rritur të ditëlindjeve ’80-‘90, për të cilët MSH vijon apelin për t’u vaksinuar sërish.

“Ministria e Shëndetësisë dhe Mbrojtjes Sociale gjen rastin të përsërisë apelin për të gjithë prindërit, që të mos hezitojnë të kryejnë vaksinën për fëmijët e tyre si dhe personat që i përkasin ditëlindjes ’80-’90 të vaksinohen sërish, për të mbrojtur veten dhe njerëzit përreth nga sëmundja e fruthit”.

NJOFTIMI I PLOTE

Organizata Botërore e Shëndetësisë raporton një katërfishim të rasteve me fruth në rajonin europian ku sëmundja ka prekur përreth 21,315 persona dhe ka shkaktuar 35 vdekje në vitin 2017 dhe po këtë vit epidemi të medha fruthi kanë prekur 1 ne 4 vende europiane.

Me zgjerimin e hartës së qarkullimit të fruthit edhe në vendet kufitare me Shqipërinë si, në Kosovë, Maqedoni, Greqi, Itali e me tej në Serbi, Bosnjë dhe Hercegovine, Kroaci, Rumani etj, rreziku i importimit u shtua. Në Janar të këtij viti u identifikua rasti i parë në Shqipëri dhe sot janë 162 raste të konfirmuar më fruth.

Në këtë situatë, Ministria e Shëndetësisë dhe Mbrojtjes Sociale ka marrë të gjitha masat për parandalimin, kontrollin dhe eleminimin e shpërthimit epidemik të Fruthit, bazuar edhe në Rregulloren Ndërkombëtare të Shëndetit, e miratuar me vendim të Këshillit të Ministrave më datë 24.09.2010.
Instituti i Shëndetit Publik, si institucioni përgjegjës për zbatimin e kësaj rregullore, është në gadishmëri të plotë 24/7 dhe po punon së bashku me drejtoritë e shëndetit publik në të gjitha Shqipërinë, Inspektoriatin Shtetëror Shëndetësor, institucionet e ofrimit të kujdesit shëndetësor si dhe institucionet e tjera publike në përgjigje të kësaj situate.

Prej muajit Janar, Ministria e Shëndetësisë dhe Mbrojtjes Sociale, nëpërmjet ISHP ka përcaktuar strategjinë për të kontrolluar shpërthim epidemic, në konsultim të plotë me Komitetin e Eksperteve të Vaksinimit dhe ekspertët e Komitetit të Eliminimit të Fruthit dhe Rubeolës.

Nëpërmjet Urdhrit nr.58 datë 16.01.2018, janë përcaktuar masat për kontrollin e infeksionit dhe parandalimin e shpërthimeve epidemike të fruthit.
U vendosën masa të kontrollit të infeksionit respirator në QSUT dhe spitalet rajonale si më poshtë:
– Izolimi në pavione të caktuara (në pediatri dhe tek të rriturit)
– Masa standarte të kontrollit të infeksionit dhe të transmetitmit ajror
– Përdorim i maskave nga personeli dhe pacientët kur shkojnë në ekzaminime
– Sigurim i dezinfektimit të mjediseve spitalore të përdorura më parë nga të sëmurët
– Vaksinim i personelit
– Monitorim i gjendjes mbrojtëse të personelit ndaj fruthit
– Vaksinim brenda 72 orëve i kontakteve të personave të infektuar menjëherë në vendin ku ata gjenden.
Një survejancë aktive është vendosur në QSUT dhe të gjitha spitalet rajonale si dhe qendrat shëndetësore në bashkëpunim me drejtoritë e Shëndetit Publik.
Më pas, me urdhër nr 94, datë 26.01.2018 u vendos raportimi i përditshëm i mungesave në cerdhe, kopshte dhe shkolla të fëmijëve dhe nxënësve të insitucioneve të arsimit parashkollor apo institucioneve të tjera arsimore për parandalimin e shpërthimeve epidemike të fruthit.
Pas këtij urdhri, ISHP dhe drejtoritë e shëndetit publik përgatitën një plan masash për gjurmimin e kontakteve dhe gjendjen e vaksinimit të tyre në çerdhe, kopshte dhe shkolla:
– Kontroll i vërtetimeve të vaksinimit që jepen nga konsultoret e lagjeve.
– Evidentim i fëmijëve me rash dhe temperaturë në këto institucione.
– Mospranim në këto institucione të fëmijëve të pavaksinuar.
– Evidentim i mungesave ne institucionet e arsimit parashkollor dhe shkolla
– Vaksinim i fëmijëve të pavaksinuar
Aktualisht po kryhet kontrolli në çdo qendër shëndetësore për evidentimin e të gjitha rasteve të dyshuara, kontrollin e imunizimit, kryesisht i vaksinës ndaj fruthit, zinxhirit ftohës, evidentimin e fëmijëve të prapambetur në kryerjen e vaksinimit, shkaqet e mos kryerjes së vaksinimit dhe po nxisim nëpërmjet personelit përgjegjës, procesin e vaksinimit. Nëpërmjet infermierëve të patronazhit janë lajmëruar me qindra fëmijë që po kryejnë vaksinën e fruthit.
Janë siguruar 140 mijë doza shtesë të vaksinës së fruthit. Nga raportimet e deritanishme numri i vaksinimeve ndaj fruthit (pa përfshirë vaksinimin rutinë), që nga fillimi i muajit Janar e deri tani ka arritur në 10 mijë doza në nivel kombëtar, nga të cilat:
– 3105 janë vaksinime të fëmijëve të prapambetur në vaksinim dhe të tjerat janë vaksinime të personave të kontaktit, adultë të datëlindjeve ‘80-‘90.

Po ashtu, me urdhrin nr 97 datë 29.01.2018, Ministria e Shëndetësisë dhe Mbrojtjes Sociale ka ndërmarrë programin e kujdesit shëndetësor në komunitet në të gjithë vendin, ku ka nisur vaksinimi pranë vendbanimit i fëmijëve të komunitetit rom.

Në zbatim të urdhrave të Ministrisë, Instituti i Shëndetit Publik ka përgatitur dhe shpërndarë udhëzimet për vaksinimin ndaj fruthit dhe udhëzimin për hetimin dhe kontrollin e Fruthit.

Strategjia e vaksinimit është fokusuar në vaksinimin e kontakteve përreth rasteve të identifikuar me fruth, vaksinim i popullatës që nuk ka kryer vaksinimin apo e ka shtyrë atë dhe vaksinim i grupeve të riskut.

Me urdhër të posacëm të Ministres së Shëndetësisë është riaktivizuar më datë 8.02.2018 Komiteti i Çertifikimit të Eleminimit të Fruthit dhe Rubeolës, i cili përgatit planin e veprimit për dokumentimin dhe verifikimin e eleminimit të fruth rubeolës në vend si dhe përgatit programin e vaksinimiit dhe të survejancës së fruth rubeolës.

Të gjitha masat janë marrë në bashkëpunim të ngushtë me Organizatën Botërore të Shëndetësisë, në përmbushje të rekomandimeve të tyre për masat e kontrollit ndaj shpërthimit epidemik.
Grupi I ekspertëve që vizitoi Tiranën pak ditë më parë konfirmoi efikasitetin e masave të marra nga MShMS.
Nga raport paraprak i grupit të ekspertëve rezultoi se:
Hetimi epidemiologjik i shpërthimit, survejanca e zgjeruar me zbulimin e hershëm dhe raportimi i rasteve, konfirmimin e laboratorit dhe përdorimin e IT teknologjive për shkëmbimin e informacionit, kryhej në kohë reale.

Masat e marra për kontrollin e shpërthimit epidemik ishin në përputhje me udhëzimet dhe rekomandimet e OBSH: zbulimi dhe imunizimi i kontakteve të ngushta të rasteve, rishikimi i mbulimit të FRP në grupet e mbuluara me imunizimin rutinor dhe vaksinimi i të gjithë fëmijëve që nuk janë të imunizuar ose të imunizuar në mënyrë jo të plotë, etj.

Ministria e Shëndetësisë dhe Mbrojtjes Sociale gjen rastin të përsërisë apelin për të gjithë prindërit, që të mos hezitojnë të kryejnë vaksinën për fëmijët e tyre si dhe personat që i përkasin ditëlindjes ’80-’90 të vaksinohen sërish, për të mbrojtur veten dhe njerëzit përreth nga sëmundja e fruthit.

Burimi i rinisë së përjetshme deri më tani është zbuluar vetëm nëpër filma, por ai i plakjes së parakohshme është përpara syve tanë.

Duhani është një ndër faktorët që afron plakjen.

Duhanpirja ndryshon dhe ndikon paraqitjen e dhëmbëve, lëkurës dhe flokëve, duke shtuar shumë vite në pamje dhe organizëm.

Duhanpirja ka ndikim të fortë në çdo funksion të organizmit, duke nisur nga riprodhimi, zemra, kockat dhe mushkëritë.

Një duhanpirës ka rrahje të shpeshta të zemrës, qarkullim të dobët të gjakut dhe frymëmarrje problematike.

Femrat kanë probleme me shtatzaninë dhe rekomandohet të mos pijnë duhan.

Për më tepër, ato mund të kalojnë në menopauzë më herët se zakonisht.

Nga ana tjetër, duhanpirësit kanë 15 herë më shumë gjasa të preken nga kanceri i gojës dhe mushkërive.

Duhani, Vesi Që Shpaloset Në Fytyrë

Njerëzit që pijnë duhan rregullisht kanë qeska të mëdha të syve, fryrje të pjesës së poshtme të syve dhe humbje të elasticitetit të lëkurës.

Duhanpirja kronike shteron oksigjenin dhe ushqyesit nga lëkura.

Disa duhanpirës kanë një lëkurë të zbehtë dhe disa të tjerë me njolla.

Dermatologët thonë se këto luhatje nisin që në moshë të re.

Tymi i cigares përmban më shumë se 4,000 substanca kimike dhe shumë prej tyre shkatërrojnë kolagjenin dhe elastinën.

Këto të dyja i japin lëkurës elasticitet dhe forcë.

Mungesa e tyre shkakton varjen e lëkurës dhe rrudha të thella.

Duhanpirja shkakton rrudha në pjesën e buzëve dhe humbje të elasticitetit të krahëve dhe gjoksit.

Njollat e moshës janë më të theksuara tek një duhanpirës se sa tek një person që nuk pi duhan.

Duhanpirësit kalojnë më shumë kohë në diell sipas studimeve ndaj dëmi në lëkurë është më i madh.

Dëmi tek dhëmbët dhe mishrat e tyre është më i madh tek duhanpirësit.

Ata përballen me erë të keqe të gojës, rënie të dhëmbëve dhe probleme të tjera të higjenës dentare.

Cigarja në dorë mund të ngjajë tërheqëse, por njollat e verdha në gishta nuk janë të tilla.

Duhani zverdh lëkurën, thonjtë dhe dhëmbët.

Ngjyra largohet sapo të lini duhanin.

Duhanpirja shkakton rënie të flokëve si te femrat ashtu edhe tek meshkujt.

Sytë ndikohen jashtë mase nga duhani.

Kimikatet shkaktojnë probleme serioze me shikimin madje edhe shfaqjen e perdes së syrit.

Duhanpirësit kanë psoriazë, një sëmundje kronike e lëkurës që prek zonat e gjunjëve, skalpit, duarve, këmbëve dhe bërrylave.

Lënia e Duhanit Përmirëson Paraqitjen Tuaj

Lënia e duhanit përmirëson qarkullimin e gjakut dhe ushqimin e lëkurës me oksigjen.

Fytyra juaj do të jetë më e shëndetshme dhe pa njolla.

Dëmtimet e lëkurës mund të kurohen me vitaminën C, E, kremëra kundër diellit, dhe përdorime të antioksidantëve.

Si Përmirësohet Shëndeti Pas Lënies Së Duhanit

Pas lënies së duhanit, tensioni i gjakut dhe rrahjet e zemrës janë normale.

Në 24 orë pas lënies së duhanit, rreziku i atakut në zemër ulet dhe në javët e para, mushkëritë nisin të pastrohen nga toksinat.

Brenda një viti, rreziku i të pasurit një sëmundje zemre përgjysmohet dhe pas 10 vjetësh nuk keni më gjasa të prekeni nga sëmundjet e mushkërive.

Nëse ju pëlqejnë çajrat bimorë, atëherë zgjidhni farat e linit.

Farat e linit dhe çaji i tij ka qenë pjesë e mjekësisë tradicionale për qindra vite me rradhë. Studimet e kohëve moderne tregojnë se përbërësit e farave të linit arrijnë të mbështesin shëndetin e zemrës.

Ato parandalojnë qelizat e dëmshme dhe të përmirësojnë mirëqenien në përgjithësi.

Shëndeti i zemrës

Farat e linit dhe çaji i tyre përmban acide yndyrore polio-të-pangopura Omega 3 dhe Omega 6, bashkë me disa përbërës biologjikë të cilat i bëjnë mirë organizmit.

Shumë studime mbi këtë çështje sugjerojnë se ushqyerja me fara lini i bën mirë zemrës. Ai ul kolesterolin dhe ul rrezikun e shfaqjes së sëmundjes së arteriosklerozës apo sëmundjeve të tjera kardiovaskulare.

Kundër qelizave të dëmshme tumorale

Acidet yndyrore dhe përbërësit biologjikë te farat e linit janë antioksidantë që mbrojnë qelizat dhe indet nga radikalet e lira, të cilat formohen gjatë tretjes, ekspozimit ndaj toksinave apo dritës së diellit.

Me kalimin e kohës, radikalet e lira dëmtojnë qelizat e ADN-së dhe çelin rrugën e formimit të qelizave të dëmshme dhe sëmundjeve të tjera.

Pas disa eksperimenteve, ekspertët amerikanë të Memorial Sloan Kettering Center arritën në konkluzionin se farat e linit ngadalësojnë rritjen e qelizave të dëmshme në prostatë, si dhe ato të gjirit dhe lëkurës.

Shumë studime klinike sugjerojnë se përbërësit e farave të linit munden të ngadalësojnë rritjen e këtyre qelizave të dëmshme tek njerëzit.

Ul sheqerin në gjak

Përbërësit te çaji i farave të linit arrijnë të ngadalësojnë ose ulin sheqerin në gjak pas ngrënies. Ato pakësojnë rrezikun e shfaqjes së diabetit të llojit 2.

Individët që konsumojnë ekstrakt të farave të linit kanë nivele të ulura të sheqerit në gjak dhe nivele të përmirësuara të kolesterolit.

Simptomat e menopauzës

Disa prej përbërësve të farave të linit funksionojnë në mënyrë të njëjtë me estrogjenin.

Çaji i farave të linit përmirëson problemet e menopauzës. Femrat në menopauzë që konsumonin suplemente të farave të linit për 2 muaj përjetonin një përmirësim të simptomave.

Një sasi ditore prej 50 gramë të farave të shtypura të linit konsiderohet si një alternativë e sigurt për shumë njerëz.

Çaji i farave të linit nuk rekomandohet për femrat shtatzënë ose lehonë dhe për ata që janë alergjikë ndaj bimës së linit.

Përgatitja e çajit të farave të linit

• Shtypni një lugë çaji me fara lini.
• Zieni një gotë me ujë dhe hidhini farat e shtypura. Lërini të ziejnë për 10-15 minuta.
• Kullojeni lëngun.
• Shtoni kanellë ose mjaltë për shije shtesë.

Vendosja e emrit për fëmijën tuaj mund të jetë tepër e vështirë. Ju dëshironi diçka që është absolutisht e përkryer, pasi është diçka që do e shoqërojë fëmijën tuaj për gjatë gjithë jetës.
Shumë prindër konsultohen për vendosjen e emrit dhe të tjerë mund të frymëzohen nga dikush apo ndonjë shenjë.

Por, ky çift ka marrë një shenjë më se të qartë nga djali i tyre i pa lindur.

Laura Brown, 26 vjeçe, dhe partneri i saj, Alex Gould, vendosën të kenë një skanim 4D të djalit të tyre i cili ishte në javën e 32-të.

Teksa shihnin skanerin , infermierja pyet çiftin nëse kanë menduar për emrin e foshnjës dhe Alex tha se kishin menduar për ermin Frankie.

Por, foshnja brenda barkut duket qartë që ishte kundër këtij emri, pasi saktësisht në atë moment ai lëvizi dorën duke bërë shenjën “V” para fytyrës.

Gruaja shtatzënë, Laura tha se ishte një moment shumë i këndshëm dhe të gjithë qeshën me rastësinë.

Djali i Alex dhe Laura do vijë në jetë në prill të këtij viti dhe e sigurtë deri tani është që ai nuk do quhet Frankie siç kishin menduar prindërit e tij.