Shendetesi

Ai pohon se ata ishin gabuar kur besonin se sëmundja e zemrës ishte shkaktuar nga kolesteroli i lartë i gjakut.

Ai thotë se trajtimi i zakonshëm përfshin medikamente për të ulur kolesterolin dhe një dietë pa yndyrna, por është joefektive. Ai thotë se trajtimi i sëmundjeve të zemrës duhet të ndryshojë pas zbulimit se sëmundja e zemrës është rezultat i inflamacionit në muret e arteries.

Kolesteroli ndërtohet në muret e enëve të gjakut për shkak të inflamacionit, dhe kjo çon në sëmundje të zemrës.

Nëse inflamacioni trajtohet, kolesteroli do të lëvizë lirisht në të gjithë trupin. Inflamacioni është mekanizmi mbrojtës i trupit ndaj një pushtuesi të huaj si viruse, baktere dhe toksina dhe është e dobishme pasi mbron sistemin nga efektet e tyre negative.

Inflamacioni kronik, shkaktohet nga marrja e tepruar e karbohidrateve të thjeshta, të përpunuara shumë dhe vajra bimore omega-6, si luledielli, sojë dhe vaji i misrit. Marrja e përsëritur e ushqimeve të tilla, disa herë në ditë, për vite, çon në inflamacion të vazhdueshëm, kronik në trup.

Konsumi i karbohidrateve të thjeshta siç është sheqeri, rritet niveli i sheqerit në gjak dhe pankreasi nxjerr insulinë. Këto vajra janë të rëndësishme, por ato duhet të jenë në një ekuilibër të duhur me omega-3. Prandaj, siç sugjeron ky kirurg i zemrës, e vetmja mënyrë për të mbrojtur veten dhe për të kufizuar këto efekte anësore është të përpiqeni të konsumoni më shumë ushqime natyrore, më shumë proteina dhe karbohidrate komplekse, si pemët dhe perimet me ngjyra. Një dietë e tillë do të ndryshojë dëmin e bërë në arteriet tuaja dhe ju do të mbështetni shëndetin e zemrës, duke shmangur inflamacionin dhe shumë nga pasojat e tij negative në shëndetin e përgjithshëm

Djersitja mund të jetë shenjë e temperaturave të larta po në të njëjtën kohë edhe shenjë që jeni duke vuajtur nga disbalancimi hormonal, po djersitja e shpesht dhe e tepruar gjatë fjetjes mund të tregon se jeni të prekur nga ndonjë sëmundje e rëndë.

Ekzistojnë mbi 130 lloje të kancerin në gjak, ndërsa simptomat varen nga lloji i sëmundjes dhe nga njeriu.

Një grup hulumtuesish e kanë vërtitur që një lloj i kancerit qon deri te djersitjet e shumta gjatë fjetjes.

Përveç djersitjes, simptomat e kësaj sëmundje janë edhe humbja e menjëhershme e peshës,ndjenja e vazhdueshme e lodhësish, infeksione, gjakderdhje, paraqitja e mavijosjeve. Të gjitha këtë simptoma mund edhe të mos bëjnë me këtë lloj sëmundje, por në rast që i keni bëni mirë të konsultoheni me mjekun.

Ekspertët thonë që mënyra e jetesës mund luan rol në marrjen e kësaj sëmundje, por në rast që e keni duhet rreptësisht të respektohen udhëzimet që ua ka dhënë mjeku.

Profesor Shuajp Kraja është shpikësi i parë shqiptar që gëzon të drejtën mbi patentën evropiane për vaksinën kundër kancerit. E konsideruar si një shpikje inovative në fushën e mjekësisë, lëshimi i kësaj patente nga Organizata Europiane e Patentave (EPO), i hap rrugën procedurave për marrjen e autorizimit të prodhimit nga Bashkimi Europian.

Në kuadër të studimit pilot me pacientë vullnetarë, me Bi vaksinën antikancer janë trajtuar e shëruar për një kohë të gjatë disa dhjetëra raste ndër vite. Ajo shfaq siguri të plotë në trajtimin dhe shërimin e formave të ndryshme të kancerëve, pa rishfaqje të tyre.

Bi vaksina përbën një mënyrë mjekimi shumë më të përshtatshme që konkuron dhe do të zëvendësojë ”artilerinë” e rëndë të kimioterapisë dhe radioterapisë si një gjilpërë inteligjente (timolimfocite hiperimune me informacion selektiv të ri), që do të jetë në gjendje ndërmjet triliona qelizash të organizmit (normale dhe malinje), të dallojë dhe të vrasë në mënyrë selektive qelizat malinje pa dëmtuar qelizat e shëndosha të organizmit.

Bi vaksina aplikohet për mjekimin e formave të ndryshme të kancerit dhe po ashtu vlen në imunizimin kundër shfaqjes së kancerit në persona të shëndoshë, por të predispozuar për të zhvilluar kancer. Patenta për këtë shpikje njihet në shumë shtete dhe institucione të rëndësishme ndërkombëtare si Zyra Europiane, Gjermania, Zvicër, Francë, Britania e Madhe, Irlandë, Shqipëri, Kosovë e Kroaci.

Profesor Kraja ka marrë po ashtu një patentë të dytë në nivel europian për medikamentin “Shukrain 55” edhe kjo e regjistruar për patentim pranë institucionit të Regjistrimit të Patentave dhe Markave, këtë radhë në Gjermani.

Medikamenti ka një spektër të gjerë dhe është vërtetuar gjithashtu efektiv ndaj viruseve patogjene të rrezikshme për shëndetin e njeriut si hepatitet virale HIV AIDS dhe gripit, duke parandaluar epideminë e tij.

Ne pranverën e vitit 2015 është konfirmuar pranimi i këtij medikamenti si inovacion i patentuar medicinal duke ju dhënë e drejta e prodhimit industrial. Konsiderohet si një domosdoshmëri hedhja e këtij medikamenti në tregun ndërkombëtar, duke u bazuar në efektet kuruese dhe shëruese kundër sëmundjeve të ndryshme virale bakteriale.

Ai vlerësohet si një inovacion i patentuar shumë i nevojshëm për farmaceutikën botërore, veçanërisht aty ku OBSH jep alarmin për rezistencën e antibiotikëve dhe kohën e gjatë të mungesës së tyre në treg.

Prof. Shuajp Kraja ka lindur në qytetin e Shkodrës në vitin 1936. I specializuar për biologji molekulare, Prof Kraja ka një karrierë të pasur shkencore e akademike, që i kalon kufijtë shqiptarë.

Djersitja është një proces i natyrshëm i trupit tonë dhe funksioni i saj është të rregullojë temperaturën. Deri këtu gjithçka është normale, por si të zgjidhet nëse djersa është e tepruar? Dhe, edhe më keq, kur kjo djersitje shoqërohet nga një erë e keqe.

Për të folur për këtë problem ne do të shpjegojmë shkurtimisht hiperhidrozisin (problemi i djersitjes së tepruar) dhe bromhidrosisin (erë e keqe e trupit).

Ne e dimë që ju doni të dini këshilla për t’i dhënë fund këtyre problemeve, por kurrë nuk është tepër për të mësuar pak për shëndetin. Le të fillojmë:

Ky është një çrregullim që ndodh për shkak të një dështimi në sistemin tonë nervor autonom (simpatik), që bën që trupi ynë të prodhojë më shumë djersë sesa duhet të rregullojë temperaturën e trupit, transmeton ShkodraNews. Kur sëmundja bëhet kronike, ajo përfaqëson një problem real për jetën personale dhe shoqërore të pacientit.

Është një kusht që zakonisht shoqëron hiperhidrosisin dhe i referohet erës së keqe të trupit. Njerëzit që vuajnë prej saj duhet të përballen me probleme të vetëvlerësimit, sepse kur refuzojnë një aromë të pakëndshme ata përjashtohen nga grupet ose marrin pseudonime mizore, shkruan ShkodraNews. Shumë njerëz nuk e dinë se nëse problemi është i fortë, as deodorantët, antiperspirantët apo parfumet nuk do të jenë në gjendje të qetësojnë situatën, vetëm një mjek do të jetë në gjendje të kujdeset siç duhet.

Sigurisht, ka edhe faktorë që mund të shmangni për të përkeqësuar situatën. Mbipesha, hani shumë ushqim me aromë, hudhër, pini alkool, merrni disa ilaçe (si antidepresantë), keni diabet, ndër të tjera mund të përkeqësojnë gjendjen.

Tani që ju e dini, le të shohim si ta zgjidhim këtë problem në shtëpi:

Miksoni një lugë gjelle sode buke me një lugë gjelle lëng limoni. Aplikoni nën sqetull dhe zona ku ka më shumë djersë. Lëreni të qëndroni për 5-10 minuta dhe pini me shumë ujë. Përsëriteni procesin çdo ditë dhe brenda pak javësh do të shihni rezultate pozitive.

Por nëse problemi vazhdon, mos hezitoni të shkoni tek një specialist.

Një staf i tërë mjekësor deri tek drejtuesi i spitalit është pezulluar nga puna në Nairobi të Kenias, pasi operuan në tru pacientin e gabuar. Sipas asaj që shkruan BBC, një pacient duhet t’i nënshtrohej ndërhyrjes për pasi kishte pësuar mpiksje gjaku në tru, ndërsa tjetri duhej t’i nënshtrohej një trajtimi për ënjtje.

Por një ngatërrim i etiketave identifikuese të pacientëve, çoi në operimin e personit të gabuar. Mjekët e kuptuan gabimin e rëndë vetëm disa orë pasi ndodheshin në sallë të operacionit, kur sigurisht nuk arritën të gjenin mpiksjen e gjakut.

Pacienti në fjalë ndodhet i shtruar në spital, nën kujdes mjekësor, ndërsa për rastin ka nisur një hetim. Ndërkohë, në rrjetet sociale janë të shumtë ata që janë shprehur të tronditur nga kjo ngjarje.

Ndodh shpesh që ndonëse jeni në gjumë të thellë, zgjoheni papritur nga një dhimbje e fortë koke që godet.

Kjo dhimbje ndikon negativisht në gjumin e natës por edhe në produktivitetin e ditës së nesërme.

Dhimbja e kokës që godet natën është krejt ndryshe nga dhimbja e zakonshme e kokës.

Ndonjëherë, mund të biesh për të fjetur me një dhimbje koke ekzistuese që zgjat gjithë natën.

Kjo nuk është dhimbja e natës.

Ajo është krejt ndryshe dhe do ta kuptoni përse në artikullin e mëposhtëm të AgroWeb.org.

Dhimbjet e kokës shkaktohen nga faktorë të ndryshëm.

Por nëse ato dalin në pah në mes të natës duke prishur gjumin, atëherë faktorët janë të tjerë.

Cilat janë dhimbjet më të zakonshme të kokës që ndodhin natën.

Dhimbja hipnike

Kjo dhimbje ndodh gjatë natës ose kur dremisni. Dhimbja është e mprehtë dhe zgjat nga 15 minuta deri në dy orë.

Mjekët besojnë se kjo dhimbje mund të shkaktohet nga rënia e menjëhershme e melatoninës, hormonit që rregullon gjumin.

Kjo dhimbje shpaloset kryesisht tek njerëzit mbi 50 vjeç.

Dhimbja e kokës si pasojë e ushqimeve

Disa ushqime që hahen me tepricë shkaktojnë ndryshime në organizëm.

Bëhet fjalë për ushqime të konservuara, jo të shëndetshme që nëse hahen në darkë, shkaktojnë dhimbje koke në mes të natës.

Djathi dhe produktet e bulmetit shkaktojnë inflamacion dhe dhimbje koke, ndaj nuk duhen ngrënë shumë në darkë.

Dhimbja e kokës si pasojë e sinozitit

Dhimbja e sinozitit prek veshët dhe kokën.

Dhimbja përkeqësohet gjatë natës, nëse ajri është shumë i thatë.

Dhimbja shpërthyese

Ndjesia sikur koka do të të shpërthejë nga momenti në moment është një sindromë e pranuar shkencërisht.

Kjo dhimbje bën pjesë në çrregullimet e gjumit.

Ajo del në pah pikërisht kur dëshironi të flini gjumë dhe nuk flini dot, dhe prek më shumë femrat.

Kjo dhimbje mendohet të shkaktohet nga ndonjë lëndim i mundshëm në kokcat e veshit apo një problem me neuronet pikërisht në momentin kur jeni gati për gjumë.

Dhimbjet e akumuluara

Bëhet fjalë për një lloj migrene që prek më shumë meshkujt.

Këto dhimbje shfaqen dy ose tre orë pasi keni rënë në gjumë.

Dhimbjet janë intensive dhe afatshkurtër. Ato zgjasin 15 minuta deri në gjysëm ore.

Dhimbja është në një zonë të caktuar të kokës, pas syrit dhe mund të prekë edhe qafën.

Kjo dhimbje mund të shoqërohet edhe me inflamacion të syrit, lëngëzim të syve dhe hundë të bllokuara.

Këto dhimbje janë kronike.

Nëse keni dhimbje të tilla të përsëritura në kohë dhe intensitet, AgroWeb.org ju rekomandon të konsultoheni me një mjek, pasi përmes simptomave mund të zbuloni sëmundje të fshehta, të cilat organizmi i shfaq përmes dhimbjes./