Shendetesi

Studiuesit në Singapor zbuluan se kosi me brokoli vrau 75% të tumoreve tek minjte dhe më shumë se 95 qeliza të kancerit të zorrëve të rritur në një laborator.

Brokoli përmban një kimik që lufton kundër kancerit të quajtur sulforane, ndërsa kosi përmban probiotikë, baktere që ndihmojnë në ruajtjen e një ekuilibri natyror të organizmave në stomak dhe zorrë.

Bazuar në këto gjetje, hulumtuesit besojnë se kosi i bazuar në brokoli është një ‘formulë e goditjes së sëmundjes’ që mund të përdoret si parandalim i kancerit.

Hulumtuesit zbuluan se kos i bazuar në brokoli mund të shkatërronte tumoret e kancerit të zorrës së trashë

Tumoret që u zbuluan tek brejtësit ishin gjithashtu tre herë më të vogla se në një grup që nuk ushqehej me kete përzierje.

Studiuesit e shohin atë duke u përdorur në dy mënyra – si parandalim dhe për të hequr qafe qelizat e mbetura të kancerit pas heqjes kirurgjikale të tumoreve.

Një ditë njerëzit mund të jenë në gjendje të marrin probiotikë si shtojce, së bashku me brokoli, për të shmangur sëmundjen, ose për të zvogëluar rrezikun e kthimit.

Kjo përzierje nuk kishte efekt mbi qelizat e llojeve te tjera të kancerit të tilla si kanceri i gjirit dhe i stomakut.

Kanceri i zorrës së trashë është shkaku i dytë kryesor i vdekjeve të lidhura me kancerin në SHBA dhe kanceri i tretë më i zakonshëm në meshkuj dhe femra, sipas Qendrave për Kontrollin dhe Parandalimin e Sëmundjeve.

Pavarësisht prevalencës së saj, është ende e paqartë se çfarë e shkakton kancerin e zorrës së trashë. Megjithatë, shkencëtarët besojnë se sëmundja mund të lidhet me dietat perëndimore, të cilat zakonisht janë të larta në yndyrë dhe te uleta ne fibra.

Trashja, konsumi i alkoolit,i mishit të kuq, përdorimi i duhanit dhe mungesa e ushtrimeve fizike janë gjithashtu të lidhura me një rrezik në rritje të kancerit të zorrës së trashë, sipas Qendrave për Kontrollin dhe Parandalimin e Sëmundjeve.

Kafja është shndërruar në një zakon të mëngjesit dhe në një shoqërues shumë të mirë gjatë gjithë ditës për shumë persona. Ka njerëz të cilët nuk e fillojnë dot ditën pa konsumuar një filxhan kafe.

Sipas një studimi austriak, preferenca e kafesë ka lidhje me karakteristika të caktuara psikologjike.

Kështu, sipas studimit, personat që pëlqejnë kafe të ëmbël zakonisht janë miqësorë dhe të sjellshëm.

Nëse ju jeni një njeri që pëlqeni të konsumoni kafen e hidhur, pra kafen e pastër, bazuar në rezultatet e studimit, këtë kafe më së shumti e kanë pëlqyer njerëzit me tendenca të psikopatëve

A ke provuar dietat e botës dhe je frekuentues i rregullt i palestrës, por edhe uji të bëhet shëndet?

Ama dikush ka provuar të veprojë ndryshe dhe ia ka dalë të ketë një fizik të mirë, por jo vetëm kaq.

Një zotëri që punon nga shtëpia, sepse është shkrimtar, ka treguar se prej vitesh tashmë e mbyll marrëdhënien ditore me ushqimin çdo ditë në orën 16:00. Pas kësaj ore i thotë mirupafshin çdo lloj tundimi.

E përveç elegancës kjo mënyrë të ushqyeri i ka mundësuar edhe gjumë më të mirë gjatë natës si dhe një punë më të mirë të zemrës.

Sigurisht që i ka disa efekte jo aq të mira. Takimet me miqtë janë zakonisht darka dhe smund të hash, por ia vlen. Pëpara gjithë të mirave kjo sështë gjë.

Uthulla e mollës është një nga lëngjet më të përdorura për dobësim, edhe nga personazhe të famshëm si, Scarlett Johansson, Miranda Kerr apo Beyonce.

Por bazuar në studime shkencore, nutricionistët thonë se ajo nuk është “kura magjike” që ndihmon të bini në peshë.

Në një studim të kryer në Japoni me 176 njerëz që u ndanë në dy grupe, ata që pinë dy lugë uthull molle për tre muaj nuk kishin ndonjë ndryshim të madh me ata që nuk pinë.

Asnjë lloj uthulle nuk mund të përdoret si një dietë apo jetë sendentare, megjithatë mund t’i shtohet mjaft mirë sallatës, por nuk duhet menduar si një kurë për dobësim.

Barbaroza është një bimë e bukur mjaft popullore, e njohur si Mbretëresha e Kopshteve.

Ajo është një lule që rritet në krahinat e jug perëndimit të Ballkanit dhe veçanërisht Shqipërisë.

Në Shqipëri gjendet edhe me emra të tjerë si hidërsha ose nishadër. Ajo është përdorur shumë edhe si erëz për t’i shtuar shije reçelërave dhe ëmbëlsirave.

Barbaroza është pjesë e familjes botanike Geranium që përmban 200 varietete bimësh dhe lulesh. Megjithatë, AgroWeb.org ju tregon se vetëm Barbaroza (Pelargonium graveolens) mund të konsumohet nga të gjitha simotrat e saj.

Barbaroza arrin të luftojë inflamacionin, përmirësojë shëndetin e veshkave, çlirojë nga dhimbjet, ulë nivelin e stresit, forcojë sistemin imunitar dhe të lehtësojë tretjen.

Gjethet e bimës janë përdorur gjithashtu me tepricë në mjekësinë popullore. AgroWeb.org ju tregon se gjethet e dhe lulet e thara të bimës ngjyrë rozë përdoren për një çaj që ka një aromë të veçantë.

Vlerat shëndetësore që ka Barbaroza

Largon stresin:Barbaroza ka ndikim në sistemin nervor dhe reputacioni i këtyre aftësive ka kapërcyer breza të tërë. Çaji që mund të prodhoni nga gjethet e barbarozës është i shijshëm por edhe qetësues.

Vlerat e çajit shumëfishohen falë përbërësve dhe substancave organike që kanë një ndikim në sistemin endokrinal dhe ulin faktorët që shkaktojnë ankth dhe stress.

Pini një çaj barbaroze kur jeni të stresuar dhe shpejt do t’ju përmirësohet humori.

Lufton inflamacionin: Një nga përdorimet më të shpeshta të barbarozës është ai kundër inflamacionit në organizëm.

Nëse ju dhembin gjymtyrët, muskujt ose keni inflamacion të brendshëm në stomak ose në sistemin kardiovaskular, një gotë çaj barbaroze largon barrën e rëndë të inflamacionit nga trupi juaj.

Heq dhembjet:Barbaroza është përdorur prej vitesh kundër dhembjeve të kokës dhe atyre të tjera.

Nëse vuani nga dhembjet kronike ose migrenat, çaji i barbarozës arrin të çlirojë endorfinën dhe të heqë dhembjen shumë shpejt.

Mbron shëndetin e veshkave: Shkencëtarët akoma janë duke studiuar mbi efektin kimik të përbërësve të barbarozës dhe ndikimin e tyre në shëndetin e veshkave.

Por ata nuk kanë dyshim, që çaji i barbarozës stimulon nxjerrjen e lëngjeve. Ai ndihmon në largimin e kripërave të tepërta, yndyrnave dhe ujit nga trupi.

Si rrjedhojë, veshkat janë më të çliruara dhe funksionojnë më mirë

Ndihmon sistemin imunitar: Barbaroza lufton bakteret dhe mykun. Rrjedhimisht është e mrekullueshme kundër ftohjeve, virozave dhe gripit.

Përgatisni çaj me gjethet dhe do të arrini të largoni nga trupi bakteret, forconi imunitetin dhe shëroheni më shpejt.

Tretja: Nëse vuani nga ngërçet, fryrjet ose tretja problematike, pirja e çajit të barbarozës është mënyra më e lehtë dhe më pa dhimbje për të kuruar këtë problem.

Substancat organike që gjenden tek çaji zbusin inflamacionin, eliminojnë bakteret dhe kthejnë në normalitet sistemin tretës.
Çaji i Barbarozës dhe Përgatitja
Është shumë e rëndësishme që të mbani mend që vetëm barbaroza ngjyrë rozë me aromë trëndafili mund të konsumohet nga njeriu.

Në shumicën e rasteve Barbaroza gjendet në formën e gjetheve të thara, të plota apo të shtypura në çdo farmaci ose dyqan organik gati për çajin tuaj. Por njëlloj mund ta merrni edhe nga bimët e kopshteve tuaja.

Një lugë çaji me lulet dhe gjethet e thata të bimës janë të mjaftueshëm për një kupë çaji. Këtë mund ta pini të ngrohtë ose të ftohtë, si edhe të shoqëruar me pak mjaltë.

Shtypni një grusht lulesh dhe gjethesh të thara dhe vlojini për 5 minuta në ujë. Dy kupa me çaj të tillë në ditë mjaftojnë për të përfituar vlerat e mësipërme.