Shendetesi

Problemet shëndetësore që shkaktohen nga ajri i kondicionuar

Ajri i kondicionuar është një lehtësim që na mirëpret kudo në verë: në zyrë, në supermarket, në autobus, në makinë dhe në shtëpi. Megjithatë, duhet pasur kujdes dhe gjithashtu duhen marrë parasysh pasojat negative.

Përveç dhimbjes klasike të fytit dhe qafës së ngurtë, përdorimi i tepërt i ajrit të kondicionuar është një kërcënim për mirëqenien tonë. Para së gjithash, duhet patur parasysh se është e dëmshme kur prodhon thatësi të tepruar në mjedis. Përdorimi i saj me kujdes është mënyra më e mirë për të përfituar nga një prej aleatëve tanë më të mirë kundër të nxehtit.

Le të shohim se cilat janë efektet në shëndetin tonë:

Çrregullime të frymëmarrjes

Ndikimi i parë i ajrit të kondicionuar ndodh në sistemin e frymëmarrjes, shumë i ndjeshëm ndaj ndryshimit të papritur të temperaturave. Stresi që prodhon kalimi nga nxehtësia shtypëse në të ftohtët e një supermarketi ose një zyre mund të shkaktojë më shumë se një shqetësim. Për më tepër, qarkullimi i kufizuar i ajrit e ekspozon trupin tonë ndaj infeksioneve respiratore dhe mund të shkaktojë probleme të fytit.

Ata që shpenzojnë shumë orë në një mjedis me ajër të kondicionuar kanë më shumë gjasa të vuajnë nga sëmundje që prekin hundën dhe problemet më serioze të saj, siç është rhinitis.

Infeksionet virale

Një tjetër pasojë e zakonshme e ajrit të kondicionuar është rritja e infeksioneve virale, shpesh të favorizuara nga një sistem imunitar disi i dobësuar. Në një dhomë me ajër të kondicionuar dritaret duhen mbajtur të mbyllura; ajri qarkullon, por nuk ka ajër të pastër.

Ajri i ftohtë mund të transmetojë virusin e ftohjes, gripit dhe baktereve të tjera. Shkurtimisht, nga kjo pikëpamje, një shtëpi pa ajër të kondicionuar është shumë më e shëndetshme.

Dehidratim

Dehidrimi është një tjetër pengesë për ata që kalojnë shumë orë në një dhomë me ajër të kondicionuar. Ndjenja e mirëqenies që ndiejmë është përcaktuar kryesisht nga fakti që kondicioneri filtron dhe heq lagështinë. Për më tepër, temperatura e ulët redukton nevojën për të pirë; rreziku, pra, është që në fund të ditës të jeni të dehidratuar.

Dhimbje koke

Dhimbjet e kokës janë një nga efektet anësore më të zakonshme që sjell përdorimi i ajrit të kondicionuar për orë të tëra, veçanërisht kur dallimi mes temperaturave jashtë dhe brenda është i dukshëm.

Thatësi syri

Thatësia e syrit, shpesh e shoqëruar me kruajtje, skuqje dhe acarim syri është një tjetër efekt negativ, sidomos tek njerëzit të cilët tashmë kanë tendencë të vuajnë nga ky problem.

Në fakt, thatësia e syrit bëhet më e keqe kur kaloni shumë orë në një ambient me ajër të kondicionuar. Nëse ky është problemi juaj, atëherë ne ju rekomandojmë që ta përdorni ajrin e kondicionuar me moderim.

Redukton aftësinë për të përballuar të nxehtin

Nëse kaloni një kohë të gjatë të ekspozuar ndaj ajrit të kondicionuar, ju mund të bëheni më intolerantë ndaj temperaturave të nxehta.

Mbani mend se trupi stresohet kur kalon nga një mjedis i freskët artificial në nxehtësinë e zjarrtë. Ndryshimet e papritura të temperaturës shpesh kanë një ndikim negativ në shëndet.

Ajri i kondicionuar, në momentet më kritike të verës, është një lehtësim, veçanërisht për të moshuarit dhe më të dobëtit. Megjithatë, ana tjetër e monedhës janë efektet negative. Prandaj, zgjidhja është një përdorim i përgjegjshëm dhe i moderuar i sistemeve të kondicionimit të ajrit. /atsh

Problemet shëndetësore që shkaktohen nga ajri i kondicionuar Read More »

Investimet në shëndetësi, fillon rindërtimi i 7 qendrave të tjera shëndetësore në Gjirokastër

Investimet në sistemin e shëndetësisë kanë bërë që në qarkun e Gjirokastrës të rehabilitohen 22 qendra shëndetësore dhe pika autoambulancash, të cilat janë në shërbim të qytetarëve për të ofruar një shërbim sa më të mirë.

Por investimet sipas ministres së Shëndetësisë, Ogerta Manastirliu nuk kanë përfunduar, pasi po në këtë qark pritet që të rindërtohen edhe qendrat shëndetësore në fshatrat Dunavat, Palorto, në lagjet “11 Janari” e “18 Shtatori”, në Kardhiq, Krahëz e Petran.

“KantieriShëndetësisë”, 22 qendra shëndetësore dhe pika autoambulancash janë rehabilituar vetëm gjatë këtij viti në qarkun #Gjirokastër.
Por nuk ndalemi këtu. Ka nisur puna për rindërtimin e qendrave shëndetësore me standarde bashkëkohore në, Dunavat, Palorto, “11 Janari”, “18 Shtatori”, Kardhiq, Krahëz, Petran. Gjatë vitit 2018 rindërtojmë 80 në të gjithë vendin”, përfundon Manastirliu. /atsh

Investimet në shëndetësi, fillon rindërtimi i 7 qendrave të tjera shëndetësore në Gjirokastër Read More »

Zieni disa banane, pini lëngun para se të flini dhe kjo është ajo që do të ndodhë me trupin tuaj…

Sot ne do të flasim për një recetë natyrale që është e mirë për shëndetin tuaj.

Përbërësit e kësaj recete janë të veçantë. Bananja është një burim i shkëlqyeshëm energjie për trupin. Të pasura me kalium, një mineral që merr pjesë në të gjitha proceset muskulore në trup dhe prandaj shumë i rëndësishëm për funksionimin e duhur të zemrës, shkruan ShkodraNews. Dy ushqyes të tjerë të rëndësishëm në banane janë fosfori dhe magnezi.

Fosfor merr pjesë në procesin e tretjes së karbohidrateve, magnezi prodhon energji qelizore dhe është thelbësor për relaksim të muskujve.

Përbërësi i dytë është kanella. Kanella ndihmon në kontrollin e nivelit të sheqerit në gjak dhe kolesterolit dhe zvogëlon rrezikun e sëmundjeve të zemrës, shkruan ShkodraNews. Sipas studimit të kryer në Universitetin e Teksasit, kanella eshte nje “shpresa” për trajtimin e disa sëmundjeve neurodegjenerative, duke përfshirë Alzheimer, Parkinson-it, skleroza e shumëfishtë, tumorin e trurit dhe meningjit.

Hulumtimet kanë treguar se kanella redukton inflamacion kronik i lidhur me këto çrregullime neurologjike, në gratë ndihmon luftën e infertilitetit.

Kanella mund të zvogëlojë përhapjen e qelizave të kancerit.

Kanella redukton simptomat që lidhen me dhimbje nga artriti, si dhe eliminimin e dhimbjeve të kokës dhe lehtësim të migrenës.

PËRBËRËSIT: 1 litër ujë; 2 banane të copëtuara; 2 copë kanellë;

PËRGATITJA: Vendoseni ujin të vlojë me kanellën. Pasi të marrë valë vendosni bananet dhe lërini të vlojnë. Lëreni të ftohet, kullojeni lëngun dhe pijeni. Bananja e lidhur me kanellën lehtëson tretjen, përmirëson gjumin, lufton aneminë dhe diarrenë. Pijeni rreth një orë para se të flini. /Përshtati: ShkodraNews

Zieni disa banane, pini lëngun para se të flini dhe kjo është ajo që do të ndodhë me trupin tuaj… Read More »

Vlorë /Fluks në qendrat shëndetësore

Zhvendosja e popullsisë ne zonat turistike ka përforcuar shërbimin shëndetësor përgjatë bregdetit. Vetëm ne dy muajt e verës qendrat shëndetësore ne Vlore kane përballuar nje fluks te madh pacientesh. Vetëm ne urgjencën e “Plazhit te Vjeter” kane kërkuar ndihmën e pare 1100 paciente. Virozat e stinës, pickimet dhe reaksionet e ndryshme kane qene problemet me te shpeshta tek pushuesit.

Ndërsa rastet e renda qe kete vit kane qene me te pakta ne numër trajtohen ne spitalin rajonal te Vlorës.

Me urdhër te Ministrisë se Shendetesise ne zonat bregdetare dhe ato malore funksionojnë 24 ore qendra shëndetësore dhe nje ekip i posaçëm mjekesh. Urgjencat verore do te vijojnë me këtë ritëm deri ne 15 shtator.

Vlorë /Fluks në qendrat shëndetësore Read More »

Përse dhemb stomaku pas ngrënies ,shkaqet dhe trajtimet natyrale

Dhimbja e stomakut mund të shfaqet për disa arsye siç janë problemet me tretjen, fryrjet, ulçera e të tjerë.

Ka raste që dhimbja shfaqet menjëherë pas ngrënies dhe arsyet janë të ndryshme.

Problemet Me Tretjen

Problemet me tretjen mund të shkaktojnë dhimbje abdominale pas ngrënies së disa ushqimeve me yndyrë.

Dhimbja shoqërohet me fryrje dhe një shije acidike në gojë.

Përpiquni të përtypeni ngadalë dhe pini lëngje pas vakteve dhe jo gjatë tyre.

Në raste dhimbjesh përdorni çaj xhenxhefili që ka një efekt qetësues për të gjithë sistemin tretës.

Fryrjet

Fryrjet shkaktojnë kontraktime në stomak sidomos pas të ngrënit.

Sipas të dhënave të AgroWeb.org, çaji i nenexhikut ndihmon në zgjidhjen e këtij problemi.

Gastriti

Ky problem shfaqet si pasojë e inflamacionit të shtresës së stomakut, si pasojë e baktereve, barnave, stresit, alkolit dhe kafeinës.

Nëse dhimbja vërehet në zonën e sipërme abdominale, atëherë ajo vjen si pasojë e gastritit.

Lëngu i patates ndihmon në lehtësimin e dhimbjeve të stomakut dhe pakësimin e acidit në të gjithë sistemin.

Lëngu përftohet duke shtrydhur pataten e grirë dhe duke e tretur në ujë të vakët.

AgroWeb.org sugjeron që lëngu duhet pirë në mëngjes esëll.

Ulçera

Një tjetër arsye përse ju dhemb stomaku pas ushqyerjes, mund të jetë ulçera.

Lëngu i lakrës është një kurë natyrale dhe efikase kundër saj.

Për më tepër, ju duhet të riktheni ekuilibrat e florës bakteriale duke marrë më shumë probiotikë.

Urthi

Urthi mund të shoqërohet me një dhembje që shtrihet nga stomaku deri në mes të kraharorit.

Shmangni domatet, qepët dhe agrumet.

Sipas informacioneve të AgroWeb.org, ushqimet me yndyrë, të skuqura dhe pikante munden të shkaktojnë urth gjithashtu.

Pini ujë para dhe pas vakteve por jo gjatë tyre.

Simptomat e urthit trajtohen edhe me dy lugë gjelle uthull molle të tretur në një gotë me ujë.

Refluksi 

Kjo sëmundje është një formë më e rëndë e urthit që shoqërohet me dëshirën për të vjelle, vështirësi në përtypje, dhimbje kraharori dhe stomaku.

Shmangni çokollatën, ushqimet me yndyrë, kafenë, alkolin, domatet, specat dhe agrumet që irritojnë shtresat e ezofagut.

Soda e bukës është një kurë ideale për këto simptoma.

Gurë Në Tëmth

Dhimbjet e stomakut si pasojë e gurëve të tëmthit ndihen pas ngrënies së ushqimeve me yndyrë.

Dhimbjet shfaqen disa orë pas ngrënies.

Ju duhet të pini rregullisht ujë me limon esëll dhe në mbrëmje për të zgjidhur këtë problem.

Ishemia Intestinale

Kjo ndodh kur qarkullimi i gjakut në zorrë bllokohet për arsye të ndryshme.

Simptomat përfshijnë: dhimbje të papritur stomaku, lëvizje të sforcuara të zorrëve, të përziera dhe ethe.

Në këtë rast, rekomandohet që të konsultoheni menjëherë me një mjek.

Trajtime TĂ« Ndryshme

Dhimbjet e stomakut mund t’i trajtoni në mënyrë praktike nëpërmjet masazheve abdominale dhe kompresave të ngrohta.

Në rast se këto nuk funksionojnë, duhet të konsultoheni menjëherë me një mjek./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

Përse dhemb stomaku pas ngrënies ,shkaqet dhe trajtimet natyrale Read More »

Hurma arabie me qumësht, kura që bën mrekulli për shëndetin

Është një ndër kurat më të lashta popullore përdorur mijëra vite më parë për t’u mbrojtur nga sëmundjet, për të mbajtur organizmin e fortë dhe mendjen e mprehtë.

Hurmat e arabisë kanë vlera të larta shëruese por të kombinuara në një kurë me qumësht fuqia e tyre në mbrojtje të shëndetit bëhet e jashtëzakonshme.

Më poshtë, do të mësoni nga AgroWeb.org një kurë të thjeshtë në përgatitje por fantastike dhe mirëbërëse për gjithë trupin dhe si ta përgatisni atë në shtëpi.

Këtë kurë mund ta përgatisni dhe ta konsumoni çdo ditë duke përfituar maksimalisht vlera ushqyese dhe një organizëm të shëndetshëm gjithashtu.

Përfitimet shëndetësore të kurës me hurma arabie dhe qumësht

Hurmat e arabisë përbajnë disa lloje sheqernash të cilat nuk kanë nevojë të treten pasi përthithen menjëherë nga gjaku dhe transferohen tek muskujt dhe truri duke ndihmuar ndërkohë në uljen e nivelit të kolesterolit në gjak.

Të kombinuara me qumësht, ato i japin trupit energji duke ndihmuar në mirëfunksionimin e të gjitha organeve të trupit.

Sipas studimeve të cilave i referohet AgroWeb.org, një gotë qumësht me hurma arabie çdo ditë i dhuron trupit të gjitha vlerat ushqyese si hekur, fosfor, kalium, zink, magnez, vitaminë A,D dhe C dhe mbron organizmin nga ushqimet e dëmshme apo të pa shëndetshme.

Kjo kurë ndihmon në mbajtjen e enëve të gjakut të shëndetshme, sistemit nervor, veshkave, ndihmon konstipacionin, mbron kockat duke parandaluar dobësimin e tyre, forcon sistemin imuntar dhe ndihmon mëlçinë të pastrohet nga toksinat.

Për Aneminë dhe Zemrën

Sipas të dhënave të AgroWeb.org qumështi dhe hurmat e arabisë ndihmojnë organizmin të luftojë aneminë.

Kjo kurë përmirëson qarkullimin e gjakut dhe ndihmon në zhbllokimin e arterieve duke mbrojtur zemrën. 

Hurmat e arabisë bashkë me qumështin shndërrrohen në një agjent të fuqishëm kundër virozave, baktereve dhe infeksioneve ndërsa ndikojnë në forcimin e muskujve dhe kyçeve gjithashtu.

Forcon Shikimin dhe Dëgjimin

Sipas të dhënave të cilave i referohet AgroWeb.org, konsumimi i qumështit me hurma arabie përmirëson nivelin e shikimit duke forcuar në tërësi shëndetin e syve.

Gjithashtu kjo kurë ndihmon në shëndetin e veshëve, forcon dëgjimin si dhe sistemin nervor në tërësi.

Redukton stresin dhe irritimet dhe dhuron qetësi shpirtërore dhe mendore.

Falë vlerave të larta ushqyese, qumështi me hurma arabie ndihmon edhe në forcimin e dhëmbëve gjithashtu.

Përgatitja e kurës më qumësht dhe hurma arabie 

Pastroni me ujë të rrjedhshëm 7 hurma arabie. Largojini bërthamën dhe pjesën e tulit priteni në dy pjesë.

Kalojini në mikser dhe më pas shtoni një gotë me qumësht. Kalojini sërish në mikser derisa masa të njëtrajtësohet. Më pas hidheni në një gotë dhe pijeni menjëherë.

Mund ta pini çdo ditë herët në mëngjes por edhe gjatë ditës apo në mbrëmje./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Hurma arabie me qumësht, kura që bën mrekulli për shëndetin Read More »

Çfarë nuk duhet të bëni kurrë me stomakun bosh

Nisja e ditës shëndetshëm sigurisht nis nga stomaku në mëngjes. Mënyra e të ushqyerit dhe kujdesi që duhet të tregojmë me gjërat që konsumojmë ose jo në mëngjes është shumë e rëndësishme për shëndetin e organizmit.

Këshilla që kemi dëgjuar më shpesh kohët e fundit kur rëndësia e të ushqyerit të shëndetshëm ka marrë dhenë është që të pimë ujë sapo të zgjohemi.

Uji pastron gjithë organizmin nga toksinat dhe ndihmon në rënien në peshë.

Nga ana tjetër, stomaku në mëngjes është delikat dhe nuk duhet mbushur me gjëra të panevojshme dhe që nuk kanë një ndikim pozitiv për shëndetin.

Më poshtë do të gjeni listën e 5 gjërave që nuk duhet të bëni kurrë me stomakun bosh, sipas ekspertëve të AgroWeb.org

1.Kurrë mos pini çaj apo kafe me stomakun bosh

Pirja e kafesë me stomakun bosh nxit prodhimin e një acidi që shkakton urth dhe refluks.

Gjithnjë pini një gotë ujë përpara se të pini çdo lloj pije tjetër.

Nëse nuk hiqni dorë lehtë nga kafeja, atëherë përpiquni ta pini atë me qumësht.

Tretja do të jetë më e mirë dhe stomaku nuk do të jetë aq i lënduar sa për të mos përmirësuar përthithjen e ushqyesve gjatë ditës.

2: Kurrë mos pini alkol

Pirja e alkolit me stomak bosh do të përshpejtojë përthithjen e tij në gjak.

Arteret do të zmadhohen dhe tensioni i gjakut do të bjerë.

Kur niveli i alkolit në gjak është shumë i lartë, atëherë me siguri do të humbisni kontrollin dhe do të keni marramendje.

3. Kurrë mos pini ilaçe me stomak bosh

Ilaçe të ndryshme kundër dhimbjeve siç janë paracetamoli dhe aspirina nuk duhen pirë kurrë me stomak bosh.

Këto lloj medikamentesh shkaktojnë gjakderdhje gastrike në momentin që futen në stomak dhe humbasin efikasitetin e tyre.

4. Kurrë mos bëni aktivitet fizik me stomak bosh

Nëse mendoni se do të humbni në peshë duke mos ngrënë, gaboheni rëndë.

Kur kryeni një aktivitet fizik, organizmi përdor glikogjen, një lëndë që vjen nga ushqimi.

Nëse ju nuk keni ngrënë, atëherë trupi do të djegë muskujt dhe do të nxisë akumulimin e tepruar të yndyrnave.

5. Mos bëni pazar me stomak bosh

Të bërit pazar nuk kërkon vetëm një kuletë të mbushur plot.

Nëse bëni pazar me stomak bosh, do të shpenzoni më shumë para për ushqime me shumë yndyrë dhe kalori./AgroWeb.org

Çfarë nuk duhet të bëni kurrë me stomakun bosh Read More »

Çaji me xhenxhefil dhe limon – Përse duhet ta pini cdo ditë

Kujdesi për shëndetin në rast epidemish ka shumë dimensione dhe një prej tyre është pirja e lëngjeve.

Një filxhan çaj me xhenxhefil dhe limon, jo vetëm që largon stresin por edhe përkujdeset për organizmin në mënyrën më fantastike.

Një filxhan me çaj me xhenxhefil dhe limon në ditë ju jep përfitimet e mëposhtme të renditura nga AgroWeb.org.

Imunitet më të fortë

Limoni është një burim i jashtëzakonshëm i vitaminës C që luan rolin e një antibiotiku natyral dhe shumë efikas.

Bioflavonoidët tek limoni parandalojnë zhvillimin dhe shpërndarjen e qelizave tumorale.

Antioksidantët tek limoni zbusin inflamacionin dhe largojnë radikalet e lira.

Xhenxhefili rrit qarkullimin e gjakut që është thelbësore për një shëndet të mirë.

Diabeti

Kërkimet shkencore kanë hedhur dritë mbi faktin se pirja e rregullt e këtij çaji shmang dëmin e veshkave si pasojë e diabetit.

Niveli i lartë i zinkut tek xhenxhefili luan një rol kryesor në sekretimin e insulinës.

Kjo e fundit kontrollon nivelin e sheqerit në gjak dhe mban diabetin nën fre.

Flokë dhe lëkurë perfekte

Ky çaj është i pasur me antioksidantë dhe vitamina që janë thelbësore për flokë, lëkurë dhe shëndet perfekt.

Kjo pije përmirëson tretjen dhe e mbron lëkurën nga infeksionet.

Një pije e pasur me vitamina dhe antioksidantë si kjo, përmirëson paraqitjen rinore të lëkurës.

Mbipesha

Xhenxhefili ndihmon për normalizimin e sheqernave në gjak.

Ai ndikon pozitivisht në aftësinë tuaj për të rënë në peshë ose për t’u ushqyer shëndetshëm.

Xhenxhefili përmirëson aftësitë përthithëse të yndyrës nga trupi dhe largon inflamacionin në mëlçi.

Aroma e limonit largon stresin gjithashtu.

Tretja

Çaji me xhenxhefil dhe limon largon të përzierat dhe të vjellat.

Ky çaj rekomandohet edhe kundër problemeve me stomakun, urthin dhe tretjen.

Pija pikante përmirëson tretjen e ushqimeve dhe parandalon fryrjen.

Si Ta Përgatisni Çajin Me Xhenxhefil Dhe Limon

Grini hollë 2-3 cm xhenxhefil dhe bashkë me një gotë ujë ziejeni për 20 minuta.

Pas kullimit, shtoni dy lugë gjelle me lëng limoni dhe pak mjaltë dhe servireni.

Kjo pije rekomandohet të pihet çdo ditë edhe për të ulur nivelin e kolesterolit dhe për të mbajtur larg sëmundjet e zemrës.

Ajo largon stresin falë aromës së fortë dhe freskuese për trupin dhe trurin.

Provojeni sot dhe do të ndiheni të shëndetshëm dhe plot energji./AgroWeb.org

Çaji me xhenxhefil dhe limon – Përse duhet ta pini cdo ditë Read More »