Shendetesi

Harta e të prekurve me COVID-19 zgjerohet në Tiranë, Kukës, Fier, Kavajë, Shkodër dhe Korçë, raste edhe në Mallakastër

Harta e të prekurve nga COVID-19 është shtrirë edhe në Mallakastër dhe zgjeruar në Tiranë, Kukës, Fier, Kavajë, Shkodër dhe Korçë.

Ministria e Shëndetësisë dhe Mbrojtjes Sociale ka bërë të ditur se “është e rëndësishme që masat e kontrollit të infeksionit duhet të respektohen maksimalisht edhe brenda rretheve familjare duke shmangur vizitat tek të afërmit për çdo lloj arsye, për të parandaluar transmetimin e COVID-19.

MSHMS u ka kërkuar qytetarëve të vijojnë të respektojnë masat e distancimit social. ‘Në këto momente kërkohet përgjegjshmëri nga ana e qytetarëve për të respektuar distancën e nevojshme mes njëri tjetrit dhe ruajtjen e higjienës personale.

Nëse keni shenja të sëmundjes COVID19 telefononi numrin e urgjencës 127. Për çdo pyetje apo informacion rreth COVID19 telefononi në linjën e gjelbër 0800 40 40’-informon ministria e Shëndetësisë.

Shpërndarja gjeografike e rasteve pozitive, është si vijon:

– Tiranë 241 raste

– Durrës 42 raste

– Lushnje 6 raste

– Elbasan 16 raste

– Fier 35 raste

– Kavajë 9 raste

– Rrogozhinë 4 raste

– Korçë 19 raste

– Vlorë 5 raste

– Shkodër 83 raste

– Lezhë 14 raste

– Berat 2 rast

– Has 13 raste

– Krujë 7 raste

-Tropojë 4 raste

– Pukë 5 raste

– Mirditë 3 raste

– Kukës 9 rast

-Mallakastër 1 rast/atsh

Harta e të prekurve me COVID-19 zgjerohet në Tiranë, Kukës, Fier, Kavajë, Shkodër dhe Korçë, raste edhe në Mallakastër Read More »

“Më shumë të shëruar sesa të prekur”/ Manastirliu: Masat e marra po reflektohen në kurbën epidemike, javës tjetër nis testimi i ri serologjik

Puna në terren që po realizohet nga të gjitha strukturat është kapilare dhe praktikisht na ka dhënë të dhëna që mund të themi se kemi situatë nën kontroll sa i përket shpërndarjes së virusit në vend.
Kështu u shpreh ministrja e Shëndetësisë dhe Mbrojtjes Sociale, Ogerta Manastirliu, gjatë një interviste televizive, ku ndër të tjera theksoi se, “nuk mund të themi që shumë shpejt do të përfundojë kjo situatë”.
“Pas shifrave është një punë e madhe për të gjurmuar rastet në terren. Kemi një numër më të lartë të shëruarish sesa numra aktivë të të prekurve. Janë 12 pacientë në terapi intensive, 4 prej tyre në respiratorë. Kurba është e rrafshët dhe ia kemi dalë që me masat e qeverisë të kemi një reflektim edhe në kurbën epidemike. Situata është inkurajuese, kemi vetëm 14,5% të kapaciteteve tona spitalore që janë të zëna. Kemi arritur në një kurbë të qëndrueshme”, – tha ajo.
Sipas ministres, arsyeja pse është hapur fasha orare është racionalizimi i lëvizjes, jo për të relaksuar qytetarët se gjithçka mbaroi dhe mund të dalin, por për të shmangur grumbullimet që kemi ballafaquar javët e shkuara.
Ministrja tha se, masat janë kuptuar nga qytetarët të cilëve nuk u ka ndryshuar asgjë sa i përket masave që kemi marrë, përveç afatit më të gjatë.
“Situata në Shkodër për nga pikëpamja e hetimit, puna ka qenë persistente për të gjurmuar rastet. Rasti ishte atipik, ku pati problematika në zbatimin e masave të qeverisë me pjesëmarrje në funerale që u bënë vatra përhapjeje”, – shpjegoi Manastirliu.
Ministrja konfirmoi se, po vijojnë testimet për të kapur sa më shumë raste.
“Shumica e rasteve janë asimptomatike dhe hetimi po kap këta persona. Në Shkodër janë kryer 368 teste, por 60% e tyre janë asimptomatikë, që do të thotë se ne kemi shkuar deri te brezi i dytë dhe i tretë me hetimin. 76 persona janë raste të reja në qarkun e Shkodrës. Kryeministri po konsultohet me një sërë ekspertësh sa i takon relaksimit të masave sipas kritereve të forta shëndetësore”, – tha Manastirliu.
“Vetëm në 6 javë nëse krahasojmë dy javët e para me të dytat, ne kemi dyfishuar testimin. Nëse në dy javët e para kishim 779 testime, në dy javët e dyta kemi 1421 dhe në dy javët e treta 2300 testime. Ne kemi vijuar të shtojmë numrin e testeve”, – tha ajo.

Gjithashtu, ministrja Manastirliu tha se “jemi duke përgatitur një testim për antitrupat të fokusuar për mjekët, një testim serologjik”.
Ajo tha se ky testim do të fillojë javës tjetër dhe do të kryhet në Qendrën Spitalore Universitare “Nënë Tereza”.

“Ky testim do të shtrihet në grupet e riskuara që janë mjekët, që janë policët dhe personat që e kanë kaluar apo po e kalojnë këtë sëmundje. Është një test që do të kryhet në Qendrën Spitalore Universitare “Nënë Tereza”. Testet janë blerë, struktura është ngritur. Instituti i Shëndetit Publik dhe QSUT po punojnë për të elaboruar këtë testim. Çdo gjë është gati për të filluar javës tjetër” tha Manastirliu /atsh

“Më shumë të shëruar sesa të prekur”/ Manastirliu: Masat e marra po reflektohen në kurbën epidemike, javës tjetër nis testimi i ri serologjik Read More »

Brataj: 75% e të prekurve me COVID-19 nuk shfaqin simptoma të rënda

Skënder Brataj, Drejtori i Urgjencës Kombëtare, gjatë një interviste televizive foli për përmirësimin e tij shëndetësor, nga COVID-19.

Ai tha se, tani ndihem mirë por nuk jam në formë 100 %.

“Për fat të mirë kaloj ajo faza e keqe e virusit dhe këtë e konfirmojnë edhe dy përgjigjet negative”, – tha ai, ndërsa theksoi se 75% e të prekurve me COVID-19 nuk shfaqin simptoma të rënda.

“Kam marrë shumë mesazhe nga qytetarët që kanë simptoma të ndryshme, si ndryshim në shije, apo dikush ka temperaturë vetëm dy ditë dhe pjesa më e madhe e këtyre simptomave dihet që shkaktohet nga COVID-19, por që nuk shfaqin probleme të rënda dhe nuk zgjasin në kohë dhe njerëzit nuk kërkojnë ndihmë më tej”, – tha ai.

Numri i të infektuarve të shëruar është më i madh se realiteti, u shpreh Brataj.

Duke u ndalur në disa shifra Brataj tha se, “nga data 1 prill deri më sot janë rreth 78 mijë thirrje të kryera për COVID-19 në numrin e telefonit të urgjencës 127”.

Ndërsa përdorimi i tamponëve nga data 1 prill deri më sot, shënon 668 raste, me pikun më të lartë të përdorimit në datën 9 prill, 75 tamponë. Dje ka qenë 43 numri i personave që kanë marrë tamponë.

“Unë shoh një rritje të numrit të thirrjeve tek 127 në fund të muajt mars dhe rreth vizitave që kemi bërë në datën 10 mars, kemi transportuar 397 të sëmurë me COVID-19 me një pikë (numri më të lartë) në 26 mars”, – tha Brataj.

Për sa i përket Shkodrës tha ai nga data 1 deri sot janë bërë 1 783 thirrje në numrin e telefonit 127 dhe kemi kryer 104 vizita në banesë nga të cilat 14 raste janë shtruar në spital. /atsh

Brataj: 75% e të prekurve me COVID-19 nuk shfaqin simptoma të rënda Read More »

Tomini: Presim ulje të kurbës javën e dytë të majit

Eugena Tomini, shefe e Survejancës dhe Shërbimit të Inteligjencës Epidemike në ISHP, deklaroi sot se “në javën e dytë të majit mund të kemi prezente uljen e kurbës së pandemisë së COVID-19”.

Në një lidhje direkte me një studio televizive, Tomini tha se “gjithçka ngelet duke e parë në vijim në këndvështrimin edhe të masave të lejuara apo të lehtësuara”.

“Jemi përpara projeksioneve dhe parashikimeve dhe ndërkohë ne kemi parashikuar në bazë të përllogaritjeve statistikore ndoshta ulje të kurbës epidemike në javën e dytë të majit. Mund ta kemi prezente uljen e kurbës, por gjithçka ngelet duke e parë në vijim në këndvështrimin edhe të masave të lejuara apo të lehtësuara”, tha ajo./atsh

Tomini: Presim ulje të kurbës javën e dytë të majit Read More »

1 600 mjekë familje asistencë edhe për pacientët me simptoma të lehta që po trajtohen në shtëpi

1 600 mjekë familje po japin asistencë pacientëve me COVID-19 që kanë simptoma të lehta dhe po trajtohen në shtëpi

TIRANË, 15 prill /ATSH/ 90 pacientë të konfirmuar me COVID-19, janë monitoruar për gjendjen e tyre shëndetësore nga mjekët e familjes përmes telefonit gjatë 24 orëve të fundit.

Ministrja e Shëndetësisë dhe Mbrojtjes Sociale, Ogerta Manastirliu, bën të ditur se, përveç ndjekjes të të sëmurëve kronikë, 1 600 mjekë familje po japin asistencë pacientëve me COVID-19 që kanë simptoma të lehta apo të moderuara dhe po trajtohen në shtëpi.

“Gjatë 24 orëve të fundit mjekët e familjes kanë kryer 2 975 konsulta online me pacientët për barnat me rimbursim dhe këshilla mjekësore, kryesisht për të moshuarit”, shprehet Manastirliu./atsh

1 600 mjekë familje asistencë edhe për pacientët me simptoma të lehta që po trajtohen në shtëpi Read More »

OBSH: Larja e duarve është masë më e mirë parandaluese sesa dorezat

Dorashkat mund të japin ndjenjë të gabuar të sigurisë, për këtë shkak, larja e duarve është masë më e mirë parandaluese për infektim sesa mbajtja e dorashkave njëpërdorimëshe, deklaroi OBSH dhe Organizata për Bujqësi dhe Ushqim (FAO).

Në udhëzues theksohet se punëtorët mund të përdorin doreza njëpërdorimëshe, por duhet shpesh t’i ndërrojnë, dhe të lajnë duart.

”Larja e duarve është e domosdoshme edhe kur vihen dorashkat edhe kur hiqen”, thekson udhëzuesi.

“Virusi COVID-19 mund t’i kontaminojë dorezat në të njëjtën mënyrë siç kontaminon duart e punëtorëve. Heqja e dorezave mund të sjellë edhe kontaminimin e duarve me virus. Prandaj lani duart gjithmonë”, thekson OBSH. //atsh

OBSH: Larja e duarve është masë më e mirë parandaluese sesa dorezat Read More »

Kalo: Një thirrje shoqërore etike dhe profesionale për gjithologët

Tritan Kalo, mjek pranë Shërbimit Infektiv në Qendrën Spitalore Universitare “Nënë Tereza”, thotë se ekipi mjekësor është në gatishmëri në gjithë këtë situatë të vështirë, ndërsa ka kërkuar nga qytetarët të respektojnë masat e distancimit fizik.

Sipas Kalos, vetizolimi, ushqimi i larmishëm janë armët kryesore në këputjen e zinxhirit të transmetimit të infeksionit për sa kohë nuk ka ende një vaksinë kundër COVID-19. Mjeku ka edhe një thirrje të cilën ai e quan profesionale dhe etike për “gjithollogët”.

“KEMI ENDE PUNË PARA NESH…14.04.2020… Ndrim turnesh në Shërbimin Infektiv të QSUT-së… NE JEMI ATY për JU në çdo çast… RESPEKTIMI i distancimit fizik, vetëizolimi/vetëkuarantinimi, higjiena e lartë individuale dhe e mjedisit ku jetoni, ajrosja e shpeshtë e tij, ushqimi sa më i larmishëm sipas edhe mundësive të gjithësecilit, hidratimi i kujdesshëm, janë për momentin “armët” kryesore në këputjen e zinxhirit të transmetimit të infektimit, si dhe në shfaqjen e rasteve të reja me COVID-19 në MUNGESË të një mjekimi specifik dhe të një VAKSINE, për parandalimin e kësaj sëmundje me përhapje të lartë e tinëzare në format e shfaqjes klinike, si dhe të ndërlikimeve jo të pakta që e shoqërojnë në ecurinë e saj… NJË THIRRJE shoqërore, etike dhe profesionale për GJITHOLOGËT tanë… Në mungesë të një protagonizmi në këto kohë COVIDIANE në ato fusha që ju mbuloni, si dhe njihni më mirë për shkak të profilit të edukimit tuaj, JENI SULUR të gjithë të bëni ekspertin në Infektologji, Epidemiologji, Mikrobiologji, Imunologji, Imazheri, Anestezi-Reanimacion, Mjekësinë e Familjes, Shëndetësinë Publike, etj… Kur një pjesë e juaj kanë edhe formim mjekësor ky interes është i kuptueshëm, megjithëse jo shpesh i justifikueshëm, POR kur këtu përzihen në shumicë ata/ato që kanë njohuri vetëm periferike në këto fusha nga leximet poshtë e lartë në internet, këtu “pilafi informues” nuk mban shumë ujë… NJERËZIA në këto kohë stresi emocional, punësor, ekonomik dhe financiar kanë vetëm nevojë për një informacion shkencor të thjeshtë e të mirëkuptueshëm nga të gjithë, dhe jo për hollësira protokollesh mjekuese në testime të preparateve të shumta kudo në botë, në efektet dobiprurëse ose jo të qëndrimeve të shumta e të ndryshme për sa i përket testimeve virologjike apo imunologjike, të të dhënave të hollësishme nga studimet e ndryshme nëpër botë, etj., si dhe e kanë të nevojshme marrjen e informacioneve reale nga burime zyrtare dhe jo të bazuara në fantazira shpesh të kobshme… PUBLIKU e ka po ashtu të nevojshme edhe ushqyerjen e një OPTIMIZMI, bazuar në evolucionin e kësaj “flame në Shqipëri” nëse ka vend për optimizëm, POR JO në zbrazjen nëpër ekrane, mediet online apo të medieve sociale të mërive apo frustruacioneve tuaja personale, të inateve politike, të situatave depresive që një pjesë e juaja përjetojnë, apo edhe më keq thjesht e vetëm për PROTAGONIZËM… Bashkëkombasit e mi, evitoni ekranet, mediat e shkruara, mediat sociale kur individë të tillë shfaqen në to… ËSHTË diçka SHUMË E DOBISHME për sistemin tuaj Imunitar si dhe për Ekuilibrin tuaj mendor… BOLL STRES e vuajtje jeni duke përjetuar këto kohë Covidiane… JU DUAM SHUMË dhe për JU DO TË JEMI ATY KURDOHERË të gatshëm tju shërbejmë e të luftojmë për jetët tuaja!!!… NE SË BASHKU ME SIGURI DO JA DALIM MBANË!!!” – thotë Kalo. /atsh

Kalo: Një thirrje shoqërore etike dhe profesionale për gjithologët Read More »

Heronjtë shqiptarë/ Farmacisti i vijës së parë të frontit: Zbatimi i masave mënyra më e mirë për fitore

“Mënyra më e mirë për përballimin dhe fitoren e luftës kundër COVID-19 arrihet duke ndjekur me përpikëri masat parandaluese të përcaktuara nga Ministra e Shëndetësisë dhe Mbrojtjes Sociale”.

Ky mesazh vjen nga një farmacist i vijës së parë të frontit, shkruan deputeti i Partisë Socialiste, Ervin Bushati, i cili ditët e fundit ka sjellë shembuj të heronjve shqiptarë që po përballen me COVID-19.

“Kamber Alikaj është një prej farmacistëve më të vjetër në Njësinë 11. Ai ka një eksperiencë 45-vjeçare në këtë profesion: human dhe i palodhur”, shkruan Bushati.

Farmacisti Alikaj shprehet se ”duhet të tregohemi sa më të ndërgjegjshëm për faktin se çdokush ka në dorë të parandalojë këtë sëmundje duke mbrojtur veten dhe të tjerët”. /atsh

Heronjtë shqiptarë/ Farmacisti i vijës së parë të frontit: Zbatimi i masave mënyra më e mirë për fitore Read More »