Problematika

Rreziku i obezitetit mund të parashikohet që në lindje

Problematika, Shendetesi / /

Një test gjenetik është në gjendje të parashikojë rrezikun e obezitetit që në lindje.

Ai funksionon në sajë të algoritmeve që përpunojnë informacion nga më shumë se dy milionë variante gjenetike që ndikojnë në Indeksin e Masës së Trupit, sipas një kërkimi shkencor të udhëhequr nga Instituti i Teknologjisë në Masaçusets dhe Universiteti i Harvardit, i botuar në revistën ”Cell”.

Testi llogariti saktësisht rezultatet e rrezikshmërisë së obezitetit për më shumë se 300 000 individë dhe qëllimi është të ndihmojë në parandalimin e problemeve me terapitë më efektive.

Bazuar në të dhënat e studimit mbi obezitetin, botuar në revistën ”Nature” në vitin 2015, analiza tregoi se disa njerëz janë më shumë në rrezik ndaj obezitetit sesa të tjerët.

“Rezultati është i lidhur me diferencat minimale të peshës në lindje, por efektet fillojnë të duken qartë që në fëmijërinë e hershme dhe bëhen gjithnjë e më të theksuara me kalimin e viteve’’, shpjegon Sekar Kathiresan, një nga autorët e studimit.

“Në rastin e obezitetit, një dietë e ekuilibruar dhe aktivitet fizik mund të kundërveprojë ndaj predispozicionit gjenetik”, shton ai./atsh

Rreziku i obezitetit mund të parashikohet që në lindje Read More »

Pezullohen lundrimet në Vlorë, erërat e forta krijojnë dallgë deri në 7 ballë

Aktualitet, Lajmi i fundit, Problematika / /

Moti i keq dhe erërat e forta kanë bërë që të pezullohet me një afat të papërcaktuar lundrimi detar në Vlorë.

Trageti i linjës Vlorë-Brindisi ka pezulluar lundrimin drejt Italisë për shkak të erërave të forta që kanë përfshirë vendin.

Nga kapiteneria e portit Vlorë bëhet me dije se për shkak të erërave në det të hapur gjeneron e dallgë deri në 7 ballë të shkallës boufort.

Është pezulluar gjithashtu edhe dalja në det e peshkarexhave dhe varkave të peshkimit.

Pezullohen lundrimet në Vlorë, erërat e forta krijojnë dallgë deri në 7 ballë Read More »

Historia tragjike e 13-vjeçares në Kavajë. Si nisi historia (video)

Aktualitet, Problematika / /

Përdh.unimi i 13-vjeçares nga bashkëmoshatarët e saj në Kavajë është padyshim një nga çështjet më të rënda të ndodhura në Shqipëri.

Kjo çështje është trajtuar në emisionin “Open”, ku janë dhënë edhe detaje nga dosja hetimore.

Në këtë video zbulohen rrethanat se si nisi e gjithë historia./Top Channel

Historia tragjike e 13-vjeçares në Kavajë. Si nisi historia (video) Read More »

Duhanpirja, faktor kryesor i kancerit të mushkërive në 80% të rasteve

Problematika, Shendetesi / /

Rreth 80% e rasteve të diagnostikuara me kancer të mushkërive kanë si faktor kryesor duhanpirjen.

Specialistët e Drejtorisë Rajonale të Shëndetësisë në Vlorë ishin sot pranë të moshuarve për të rritur ndërgjegjësimin mbi eleminimin e faktorëve të rrezikut për kancer të mushkërive si dhe për të sensibilizuar çdo qytetar mbi rëndësinë e konsultës me mjekun e familjes nëse vëren ndonjë nga simptomat e mundshme.

Por, cilat janë disa nga simptomat alarmuese?
-Kollë që përkeqësohet me kalimin e kohës
-Kollë me gëlbazë,gjak prezent
-Dhimbje të vazhdueshme kraharori
-Vështirësi në frymëmarrje,humbje zëri
-Dhimbje koke,dhimbje kockash
-Lodhje më tepër se zakonisht
-Humbje në peshë apo humbje oreksi
-Infeksione të përsëritura pneumoni,bronkit

“Kanceri mund të prekë çdo njeri në mënyra të ndryshme,por secili ka fuqinë për të vepruar dhe për të marrë masa në reduktimin e impaktit të sëmundjes tek individët,familjet dhe komunitetet”, thuhet në apelin e drejtorisë Rajonale të Shëndetësisë në Vlorë. /atsh

Duhanpirja, faktor kryesor i kancerit të mushkërive në 80% të rasteve Read More »

Task Forca Antikorrupsion, në 8 muaj 108 largime nga puna dhe 36 kallëzime penale

Aktualitet, Problematika / /

Në 8 muaj, Task Forca Antikorrupsion në bashkëpunim me të gjitha organet ligjzbatuese ka rekomanduar 327 masa administrative dhe 468 masa disiplinore, prej të cilave 108 janë largime nga shërbimi civil apo largime nga puna për punonjës të administratës publike që kanë shkelur ligjin.

Statistikat u bënë sot të ditura nga ministrja e Drejtësisë, Etilda Gjonaj e cila iu referua rezultateve konkrete të punës së kësaj Task Force.

Sipas saj, përgjatë 8 muajve janë 36 punonjës të kallëzuar penalisht pranë organeve të Prokurorisë, për korrupsion dhe shpërdorim detyre.

Konkretisht, pas denoncimit të kryer në platformën e bashkëqeverisjes “shqiperiaqeduam.al” Task Forca Antikorrupsion ka kryer një kontroll të detajuar në Drejtorinë Rajonale Tatimore Vlorë, lidhur me verifikimin e procedurave për faturat tatimore të deklaruara me vonesë, të administruara në periudhën janar-tetor 2018 si dhe procedurat e rimbursimit.

Bazuar në shkeljet e konstatuara, Gjonaj tha se “Task Forca Antikorrupsion rekomandoi 10 masa disiplinore, prej të cilave: largimin nga shërbimi civil të Drejtorit të Drejtorisë Rajonale Tatimore Vlorë, të 3 inspektorëve kontrolli të po kësaj drejtorie, si dhe marrjen e masave disiplinore për 6 punonjës, Drejtorin e Kontrollit, përgjegjësin e kontrollit dhe 4 inspektorë kontrolli”.

Po ashtu, gjetjet e këtij raporti, Task Forca Antikorrupsion do t’i referojë në prokurorinë e rrethit gjyqësor Vlorë, si material shtesë në vijim të kallëzimit të bërë në muajin korrik të vitit 2018 nga Drejtoria e Përgjithshme e Tatimeve, bazuar në rekomandimet e TFA.

Nga ana tjetër, edhe Policia e Shtetit ka vijuar angazhimin e saj institucional në identifikimin dhe goditjen e rasteve të korrupsionit dhe abuzimit me detyrën.

Gjatë javës së kaluar, sipas ministres, nga Policia e Shtetit janë evidentuar dhe referuar në Prokurori materialet për 18 raste të veprave penale, “Korrupsioni pasiv i personave që ushtrojnë funksione publike” dhe “Shpërdorimi i detyrës”, duke proceduar penalisht 27 autorë. /atsh

Task Forca Antikorrupsion, në 8 muaj 108 largime nga puna dhe 36 kallëzime penale Read More »

Çuçi: Zero tolerancë ndaj kujtdo që abuzon me sigurinë ushqimore

Aktualitet, Problematika / /

Ministri i Bujqësisë dhe Zhvillimit Rural, Bledi Çuçi, reagoi sot pas bllokimit të 41.7 tonë banane me cilësi jo të përshtatshme për konsum njerëzor, duke theksuar se “kur vjen fjala tek siguria ushqimore zbatimi i ligjit do të jetë pa kompromis”.

“Zero tolerancë ndaj kujtdo që abuzon me cilësinë e produkteve që ne konsumojmë. Vlerësoj aksionin e Autoritetit Kombëtar të Ushqimit në Durrës për bllokimin e 41.7 tonëve banane me probleme për konsum njerëzor”, thekson Çuçi.

Ministri Çuçi inkurajon të gjithë trupën e inspektorëve të AKU-së kudo në Shqipëri të tregohen vigjilentë ndaj çdo rasti dhe të zbatojnë ligjin me rigorozitet.

Po ashtu, ministri fton qytetarët të jenë bashkëpunes me AKU-në duke denoncuar rastet e produkteve të papërshtatshme për konsum.

“Le të jemi të ndërgjegjshëm se siguria ushqimore është një sfidë e përbashkët. Krahas punës së AKU-së dhe institucioneve të tjera, kontributi i qytetarëve është i domosdoshëm për të pasur në tregjet tona produkte cilësore”, nënvizoi Çuçi.

Sipas tij, siguria ushqimore është një komponent i rëndësishëm i sigurisë kombëtare, prandaj ne do të bëjmë çdo pë​rpjekje që shqiptarët të konsumojnë produkte me standarde.

Autoriteti Kombëtar i Ushqimit në Durrës bllokoi sot 41.7 tonë banane me cilësi jo të përshtatshme për konsum njerëzor. Ngarkesa vinte nga Kosta Rika. Pas konstatimit nga inspektorët e AKU-së ajo u kthye mbrapsht në vendin e origjinës sipas legjislacionit në fuqi./atsh

Çuçi: Zero tolerancë ndaj kujtdo që abuzon me sigurinë ushqimore Read More »

Shpresë për familjen Kuqi në Elbasan-Jetojnë në kushte të vështira, por brenda tre muajve do të kenë shtëpi të re

Politike, Problematika / /

Familja e Llazar Kuqit në fshatin Kuqen të Elbasanit do të ketë shtëpi të re, brenda tre muajve, pasi banesa ku ata jetojnë sot nuk plotëson as kushtet minimale të jetesës. Kryeministri Edi Rama ishte pranë kësaj familjeje ku u prit me emocion nga anëtarët e saj. Nëna e shtëpisë i kishte shkruar dy letra Kryeministrit dhe nuk e besonte se ai ishte aty, për ta vizituar dhe për ta nxjerrë nga gjendja e vështirë ku ndodhet familja e saj.

“Kam shkruar dy letra. I thashë burrit që t’i shkruajmë Edi Ramës se ai do na rregullojë, po ai thoshte që s’kemi për t’u rregulluar, ka dy muaj në spital”, tregoi gruaja.

Kryeministri Rama pasi pa nga afër gjendjen e vështirë të shtëpisë, premtoi se punimet do fillojnë shumë shpejt, ndërsa do gjehet mënyra për një sistemim gjatë kësaj periudhe.

“Përpiqemi sa të mundemi po nuk është kollaj, do bëjmë çfarë të mundemi. Edhe shtëpia e madhe jona kështu është, ka pjesën që mund të rrihet, dhe pjesën që s’mund të rrihet. Duhet të durojmë e të luftojmë, se nuk bëhet ndryshe”, tha kryeministri Edi Rama.

Në fund të vizitës, Kryeministri premtoi se për tre muaj maksimumi familja do të ketë shtëpinë e re.

Banesa e familjes Kuqi në Kuqen të Elbasanit pas u dogj disa kohë më parë, ndodhet në gjendje të mjeruar dhe gjithë çfarë pikon jashtë bie brenda. Tashmë, familjarët e saj kanë një dritë shprese se diçka do të rregullohet në jetën e tyre për një të ardhme më të mirë. /atsh

Shpresë për familjen Kuqi në Elbasan-Jetojnë në kushte të vështira, por brenda tre muajve do të kenë shtëpi të re Read More »

Drejtoria Detare apel subjekteve të porteve – Erëra të forta të hënën në bregdet

Aktualitet, Problematika / /

Drejtoria e Përgjithshme Detare i bëri apel sot subjekteve që operojnë në fushen e detarisë të marrin masa për sigurimin e mjeteve në porte ditën e hënë, 28 janar, bregdeti i vendit tonë do të përfshihet nga erëra të forta.

Në një njoftim për shtyp të kësaj drejtorie theksohet se “informojmë lundërtarët dhe pronarët e mjeteve detare, operatorët në portet e Republikës së Shqipërisë dhe hapësirën detare, që ditën e hënë më 28 janar bregdeti ynë do të përfshihet nga erëra me shpejtësi deri 20 m/s nga drejtimi Jug-Jugperëndim dhe forca deti 7-8 shkalla Boufort”.

“Ju lutemi gjithë subjekteve që operojnë në fushën e detarisë të marrin masa për sigurimin e mjeteve në porte dhe të rritet shkalla e gatishmërisë së ekuipazhit në mjete”, thekson Drejtoria e Përgjithshme Detare.atsh

Drejtoria Detare apel subjekteve të porteve – Erëra të forta të hënën në bregdet Read More »