Problematika

Në kuadër të luftës kundër informalitetit i shtrirë në të gjithë vendin, Administrata Tatimore ka penalizuar një tjetër hotel për mos dhënie të kuponit tatimor.

Duke publikuar ketë rast, kryeministri Edi Rama deklaron se të gjithë ata që nuk presin kuponin tatimor, nuk respektojnë ligjin dhe fusin duart në xhepin e njerëzve dhe të arkës së shtetit, do të ketë zero tolerancë.

“Koka bën koka pëson dhe nuk thotë kot populli, tahmaja e madhe te le pa gjë. Vazhdoni bosa vazhdoni, luani si miu me macen me shtetin e me konsumatorin, se do ta paguani me qimet e kokës këtë lojë; kush më shpejt e kush më vonë, o do futet në Rreshtin e Ligjit dhe s’do prekë lekët e popullit që ka brenda kuponi për çerdhe, kopshte, shkolla, ambulanca, spitale, o do mbetet me gisht ne gojë”, shprehet Rama.

Gjithashtu, Rama thekson se do të ketë “zero tolerancë për këdo që fut duart në xhepat e njerëzve sa majtas e sa djathtas dhe prek arkën e shtetit”./atsh

Zbatimi i ligjit dhe garantimi i kushteve për konkurrencë të ndershme në luftën kundër evazionit dhe informalitetit tanimë po shtrihet edhe në biznese të mëdha e të njohura në kryeqytet.

Hotel “Rogner” në kryeqytet është gjobitur me rreth 1 milion e 500 mijë lekë (të vjetra) pasi nuk lëshoi kupon tatimor për një nga klientët e tij.

Zëvendëskryeministri i vendit, Erion Braçe ka publikuar rastin e gjobitjes së një prej bizneseve të mëdha në fushën e hotelerisë në Tiranë, e cila është gjobitur për mos dhënien e kuponit tatimor e zbuluar nga inspektorët e Hetimit Tatimor.

“Kupon e faturë për çdo shitje kudo. Tek të mëdhenjtë së pari. Ligjshmëria në çdo transaksion është detyrim!Nuk kërkojmë asgjë më shumë se kaq! Asgjë! Të zbatohet ligji dhe për çdo transaksion të këtë një kupon tatimor apo një faturë tatimore! Përpjekja e përditshme për ligjshmëri po shkon lart, tek të mëdhenjtë dhe atje do të rrijë! Çdo ditë! Pa u kthyer pas nga emrat, xhiroja e madhë, miku apo klienti”, -thotë Braçe .

Më tej, ai falënderoi inspektorët e Hetimit Tatimor për korrektësinë në zbatimin e ligjit.

“Dua t’i falënderoj inspektorët e Hetimit Tatimor Qendër për korrektësinë në zbatimin e ligjit! Tani ligjshmëri tek të gjithë”, -përfundon zv/kryeministri./atsh

Drejtori i Ndërmarrja e Ujësjellës Kanalizime në Vlorë, Dorian Xhelili, kërkoi sot angazhim gjithnjë e në rritje për realizimin e reformës së ujit dhe formalizimin e të gjithë klientëve tanë.

Në analizën për 6 mujorin e parë të vitit 2019, Xhelili, mbajti raportin e punës së bërë gjatë kësaj periudhe.

E ndërsa vlerësoi realizimet, Xhelili e vuri theksin tek ecuria e mëtejshme e reformës së ujit, veçanërisht te biznesi, por pa lënë pas as familjarët, si dhe pajisjen me kontatorët matës.

Kreu i ujësjellësit kërkoi angazhim maksimal edhe në drejtim të eleminimit në kohë të avarive, si dhe zgjidhjes së ankesave të qytetarëve.

Në analizë morën pjesë edhe përgjegjësit e Ujësjellësit në Njësitë Administrative. Drejtuesit e Drejtorive në Ndërmarrjen e Ujësjellës Kanalizime, folën mbi realizimin e treguesve ekonimiko-financiarë, si dhe për çështjet që i përkasin Degës Teknike.

Në fund të analizës, u përcaktuan detyrat për 6 mujorin e dytë të këtij viti./atsh

Ministria e Infrastrukturës dhe Energjisë, si dhe institucionet që janë në varësi të saj, kanë qenë në gatishmëri të plotë për të përballuar dhe eliminuar pasojat e motit të keq që përfshiu vendin tonë mbrëmjen e datës 28 korrik 2019 dhe orët e para të mëngjesit të ditës së hënë, 29 korrik 2019.

Nga raportimet e institucioneve kryesore të infrastrukturës dhe energjisë rezulton se:

Situata në akset rrugore

Si pasojë e reshjeve të dendura të shiut ka pasur rënie materialesh nga skarpatat në zonën Skuraj- Ulëz të cilat janë pastruar nga punonjësit. Gjithashtu janë dëmtuar ( gërryer) një pjese e shtresës së stabilizantit në Dalje Burrel -Ura e Mati, por në të dyja akset nuk ka probleme në qarkullimin e automjeteve.

Në akset rrugore Han i Hotit – Tamarë, Shkodër- Muriqan dhe Ura e Kirit – Mjedë ka pasur rënie të inerteve në rrugë, ku problemet më të mëdha janë shfaqur në Murriqan ku prurjet e materialeve kanë qenë tepër të larta dhe për pasojë ka pasur edhe bllokime të përkohshme dhe të pjesshme të rrugës. Është punuar gjatë natës për t’i mbajtur këto segmente të hapura, ndërsa vijon puna për pastrimin dhe kthimin në normalitet të tyre. Nuk ka bllokim të qarkullimit.

Në aksin Krujë – Sari Salltik, ka pasur rrëshqitje të masivëve shkëmbor, pa pasoja për qytetarët. Po punohet nga kontraktorët për lirimin e rrugës.

Operatori i Shpërndarjes së Energjisë Elektrike

Operatori i Sistemit të Shpërndarjes së Energjisë Elektrike (OSHEE) ka ndjekur me përparësi situatën e furnizimit me energji elektrike në gjithë territorin e vendit dy ditët e fundit. Reparti i Likuidimet të avarive ka filluar menjëherë nga punimet në terren, duke operuar fillimisht në qarqet me risqet më të mëdha. Nga OSHEE janë rreth 2200 punonjës dhe 310 automjete në dispozicion të operimit dhe likuidimit të avarive, të organizuar në gatishmëri të plotë 24 orë.

Më 28 korrik u dëmtuan 54 fidra që furnizojnë rreth 57279 abonentë, por brenda 2-3 orësh, edhe në kushtet e motit të keq, u bë e mundur riparimi i 39 fiderave ku një pjese e tyre u stakuan për masë sigurie. Rreth 60% e defekteve janë në linja ajrore, ku një pjesë e mirë e tyre u dëmtuan nga moti i keq.

Pogradec/ Në orën 21:05 u stakua për 10 minuta energjia elektrike me kërkesë të Policisë Pogradec për shkak të rënies se zjarrit tek një banese, deri në sqarimin e rrethanave të incidentit dhe për të parandaluar përshkallëzimin e përhapjes së vatrës së zjarrit. Fideri në fjalë furnizon me energji elektrike të gjithë zonën turistike bregu i liqenit Pogradec.

Himarë/ Në zonën e Himarës në orën 21:45 për shkak të defektit në kabinën Private Lefter Kumi u provokua stakimi i Fiderit 1 Himare. Grupet e gatishmërisë së OSHEE-së lokalizuan defektin me shkëputjen nga rrjeti të kësaj kabine dhe rikthimin e energjisë pas 27 minuta. Grupet punuan për riparimin e defektit në linjën TM që furnizon kabinat private Vasillaq Strakosha, Fotiadhi dhe Sofie Bishe. Kjo pjesë linje TM u dëmtua për shkak të zjarrit dhe lidhjes së shkurtër tek kabulli TU i kabinës Private Lefter Kumi. Edhe në këtë segment u rikthye energjia në orën 23:45.

Falë masave të mara, pavarësisht kushteve të motit, u garantua furnizimi tek të gjithë hidrovorët në rang vendi. Grupet e OSHEE punuan në kushtet e motit të keq për riparimin e dëmtimit të fiderit 11 Biçukas për shkak të rënies së një peme mbi linjë.

Operatori i Sistemit të Transmetimit OST, Korporata Elektroenergjitike Shqiptare si dhe Autoritet Portuale raportojnë se nuk ka pasur probleme pavarësisht motit me reshje të dendura dhe erëra të fuqishme që përfshiu vendin.

Janë marrë të gjitha masat për të kthyer në normalitet që në orët e para të mëngjesit, të gjithë sektorët e goditur nga moti i keq./atsh

“Mjafton të shohësh e të dëgjosh armiqtë e Reformës në Drejtësi, për të kuptuar se sa e drejtë dhe jetike është ajo për Shqipërinë Europiane”, deklaroi sot Kryeministri Edi Rama.

Kryeministri u shpreh krenar për PS-në dhe mirënjohës për miqtë e partnerët në këtë betejë për të ardhmen.

“3 vjet nga votimi i ndryshimeve kushtetuese për Reformën në Drejtësi, mjafton të shohësh e të dëgjosh armiqtë e saj, për të kuptuar se sa e drejtë dhe jetike është ajo për Shqipërinë Europiane. Krenar për PS-së dhe mirënjohës për miqtë e partnerët në këtë betejë për të ardhmen”, tha Rama./atsh

Ministrja e Ekonomisë dhe Financave, Anila Denaj garantoi se qeveria është e angazhuar se do të tregojë zero tolerancë ndaj abuzuesve të ligjit.

Ushtrimi i aktivitetit pa licencën përkatëse sipas ministres së Financave, Denaj, sjell përfitime në kurriz të atyre që respektojnë rregullat e shtetit. Për këtë, qeveria ka vendosur të ketë zero tolerancë për ta.

“Të ushtrosh aktivitet pa licencën përkatëse sjell përfitime në kurriz të atyre që e bëjnë këtë sipas rregullave të shtetit. Ky është rasti i një subjekti në Dhërmi që do të qëndrojë pa aktivitet si pasojë e bllokimit ligjor derisa të marrë masat për formalizimin e tij. Zero tolerancë për përfituesit abuzivë”, – u shpreh ministrja. /atsh