Problematika

Në qytetin bregdetar të Vlorës vijon me ritme të larta puna për pastrimin e kanalit të “Naunkës”, një nga më kryesorët në qytet, ndërsa është realizuar edhe ndërtimi i katër urave të cilat ishin dëmtuar.

Kryetari i bashkisë së Vlorës, Dritan Leli inspektoi sot punën që po realizohet, shoqëruar nga nënkryetari, Shkëlqim Rama dhe drejtori i Ujësjellës Kanalizime, Dorian Xhelili.

“Punonjësit e bashkis se Vlorës po punojnë për muaj të tërë në kanalet e bllokuara dhe ta atyre që kanë vështirësuar gjithmonë rrjedhjen e ujërave nga qyteti në drejtim të hidrovorit apo detit. Ajo që dua tu tregoj qytetarëve është se duhet të marr fund ndërtimi në buzë të kanaleve dhe në hapësira të tjera që prishin vazhdimësinë normale të rrjedhjes së ujërave në drejtim të hidrovorit të qytetit”-, tha Leli.

Kryebashkiaku Leli falënderoi punonjësit e bashkisë dhe të Ndërmarrjes së Ujësjellës Kanalizimeve Vlorë.

“Kemi punuar në këto vite që rrjeti i kanaleve të qytetit të jetë në funksion. Në këtë zonë informale ku ka ndërtime pa fund që kanë dëmtuar strukturën e kanalizimeve kanë ngelë edhe 70 metra e fundit për të pastruar. Me mbërritjen e shirave do e kemi përfunduar të gjithë kanalin dhe shpresojmë të kemi më pak problematika”-, theksoi Leli.

Sipas tij, kjo punë meriton vlerësimin e të gjithëve.

“Banorët para çdo godine, para çdo ndërhyrje infrastrukturore pa leje që kanë bërë 25 vitet e fundit kanë dëmtuar kanalet. Na është dashur të rindërtojmë katër ura, që ishin dëmtuar nga fondi i bashkisë dhe nga bashkëpunimi që kemi pasur me donatorët që të përmirësojmë jetën e këtij komuniteti”-, – shtoi ai.

Leli i bëri apel qytetarëve të mos hedhin mbeturina në kanalet kulluese të qytetit.

“Punonjësit e bashkisë kanë gjetur lavatriçe, goma makinash, qese me mbeturina etj. Janë qytetarë të papërgjegjshëm që shkaktojnë këtë kaos të madh bashkisë dhe qytetit”, – tha Leli.

Kryebashkiaku Leli tha se janë qytetarët ata që duhet t’i mbrojnë këto investime/atsh

Autoriteti Kombëtar i Ushqimit do të hyjë në një fazë transformimi, ristrukturimi dhe riorganizimi. Është kjo sfida me të cilën drejtori i ri i këtij institucioni, Robert Lili u prezantua ditën e premte, duke premtuar gjithashtu se përvoja e gjatë si drejtues dhe sukseset e arritura në fusha të rëndësishme të ekonomisë së vendit ku ai ka drejtuar, do të jenë një vlerë e shtuar në përpjekjen për t’a shndërruar AKU-në në institucionin më të rëndësishëm dhe të besueshëm në funksion të mbrojtjes së shëndetit dhe interesit të konsumatorëve shqiptarë.

Pjesë e rëndësishme e këtij misioni janë dhe ndryshimet e fundit ligjore që do t’i japin AKU-së një rol edhe më të fortë në kuadër të garantimit të sigurisë ushqimore.

“Siguria ushqimore është sfida jonë e përbashkët! Përfshirja e konsumatorëve, ndërgjegjësimi i tyre dhe angazhimi i përbashkët në sfidat me të cilat ndeshet sot siguria ushqimore në vendin tonë, do të çojnë drejt përmirësimit të mëtejshëm të sfidës tonë të përbashkët!” – shprehet AKU. /atsh

Nënë e bijë ishin këtë të diel protagoniste në rubrikën “Shihemi në gjyq” në programin “E Diela Shqiptare” Xhemilja ka 6 vite e martuar, por gjatë kësaj periudhe nuk ka mundur të ketë fëmijë. Bashkë me bashkëshortin ka vendosur të birësojë një fëmijë, por nëna e saj është kategorikisht kundër kësaj ideje.

Xhemilja në rrëfimin e saj, tha se ka 6 vite martuar dhe bashkëshorti i saj nuk mund të bëjë fëmijë.
“Bashkëshorti im nuk lind dot fëmijë tani, edhe pse me martesën e parë ka një vajzë, ndërsa tani ka probleme. Kemi bërë vizita herë pas herë dhe ai doli me probleme, gjithmonë më ka ak.uzuar mua dhe më thoshte “unë e kam një fëmijë, ti ke probleme, por në fakt unë jam shumë mirë dhe mund të lind fëmijë”.

Ndërsa, zonja Fiqirete këmbëngul që vajza e saj ta lërë bashkëshortin.
“Kur ka dalë më probleme bashkëshorti lërë farë, ka burra pak, për çfarë e do një burrë që nuk lind fëmijë? Njeriu martohet për të krijuar familje, pa fëmijë nuk rrihet, më mirë rrije tek mami, jot. Ta kishe lënë që kur e more vesh. Duhet të kesh fëmijën e barkut tënd dhe nuk mbahet shpresa tek fëmija e botës.
Por, Xhemilja nuk bie dakord me nënën e saj.

“Unë nuk e lë, kurrë sepse nuk e dija që ai kishte probleme. Unë e kam vendosur se do birësoj një fëmijë dhe nuk e lë”.
Zonja Fiqirete, tregoi sesi është martuar vajza e saj, Xhemile me burrin.
“Nuk e kemi njohur, këta janë martuar me shkesë. Ai u prezantua që kishte një fëmijë më parë dhe tani me martesën me vajzën time, ka 6 vite dhe nuk bën fëmijë”.

Xhemilja është e pr.erë në vendimin që ka marrë dhe nuk do të nd.ahet nga bashkëshorti i saj dhe do të birësojë një fëmijë duke i dalë kundër familjarëve të saj.
“Unë nuk e lë, unë shkoj shumë mirë me të dhe ai më do. Një doktori, i tha se mos ka kaluar temperaturë të lartë dhe kjo i ka shkaktuar probleme”.

Juristja Eni Çobani, tha se nga kontaktet që ka pasur më zotërinë, ai nuk e pranon që fëmija i parë nuk është i tij.
“Nga kontaktet që kam patur privatisht me zotërinë ai nuk e pranon që fëmija i martesës së parë nuk është i tij dhe kjo tregon se ose ai ka kaluar një sëmundje pas atij momenti ndoshta dhe në mënyrë ta paditur nuk e ka kuptuar që e ka d.ëmtuar në një drejtim. Ai dhe sot nuk e pranon faktin që nuk bën fëmijë dhe thotë ky ishte fati dhe e mbulon të gjithë bisedën me kaq. Ndërkohë që zonja në bazë të të gjitha analizave është e rregullt dhe mund të bëjë fëmijë. Zonja thotë se nuk e lë, ky është fati im dhe do të qëndroj me të”.

Juristja Eni Çobani e pyeti, zonjën Fiqirete se cila është arsyeja që nuk pranojnë që vajza e tyre të birësojë fëmijë.
“Ta ndajë burrin, se ka 6 vite martesë, tani do ishte bërë fëmija 4 vjeç. Ne jemi tr.onditur shumë. Unë nuk e pranoj në shtëpi, do ndahet me vëllezërit. Unë nuk kam mundësi të ndihmoj Xhemilen. Fëmija është lulja e jetë, unë prandaj e kam ta ketë fëmijën e barkut”.

Xhemilja prej disa muajsh nuk ka marrëdhënie të mira me familjarët e saj. Gjithashtu ata nuk e ndihmojnë dot që të sjelli në jetë një fëmijë vetë, pasi kërkohet një vlerë e konsiderueshme parash.

“Bashkëshorti im ka thënë që të marrim 10 milionë Lekë kredi, por unë nuk mundem, pasi ne marrim shumë pak para. Unë ja tregova të gjitha dokumentet doktoreshës dhe më tha, mblidh lekët dhe hajde, por unë nuk mundem”.
Xhemilja i kërkon familjes së saj se ka nevojë për mbështetjen e tyre dhe do ti ketë përkrah në çdo hap.

“Unë e kam vendosur për ta birësuar, dhe kam tre vite që kam bërë dokumentar. Familjaret më thanë se nuk do e pranojnë në shtëpinë e tyre nëse birësoj fëmijë. E kam marrë përshtatshmërinë, më vunë kush për të rregulluar shtëpinë dhe unë e bëra kam një vit, por tani më thonë që nuk ka fëmijë, por për 2 vite janë birësuar 85 fëmijë”.
Zonja Xhemile ka venë një kusht për birësimin e fëmijës dhe kërkon që ai të jetë nga mosha 1 deri në 2 vjeç, dhe djalë, por kushti që është vënë jo gjithmonë mund të përmbushet Komiteti i Birësimit, pasi fëmijët që vinë aty të quajtur të b.raktisur nuk janë gjithmonë të moshës që kërkon zonja.

Por Xhemilja, thotë se ka pasur dhe raste kur fëmijët kanë qenë të moshës që ajo kërkon dhe përsëri nuk e ka përfituar nga Komiteti i Birësimit.
Pas dia tentativa të bëra nga juristja Eni Çobani, që zonja Fiqirete të pranojë që vajza e saj të birësojë një fëmijë, mendimi i saj nuk ndryshoi. “Nuk pranoj dhe nëse ajo e merr, nuk do kujdesem kurrë për atë fëmijë që nuk është nga barku i saj”.

Xhemilja tregoi se ka bërë të gjitha përgatitjet e saj në shtëpi edhe pse nuk ka ende fëmijën e saj në dorë.
Eni Çobani i premtoi se do të bëjë të pamundurën që Xhemilja të bëhet nënë./tvklan

Për herë të parë në Shqipëri, do të zhvillohet një Forum Rajonal për Promovimin e Konventës për Parandalimin dhe Luftën kundër Dhunës ndaj Grave dhe Dhunës në Familje.

Ky forum do të promovojë zbatimin e Konventës së Stambollit, traktati më gjithëpërfshirës dhe i pari me detyrim ligjor që kriminalizon dhunën ndaj grave dhe vajzave, në Ballkanin Perëndimor dhe në Turqi.

Eventi që do të zhvillohet në datat 9-10 tetor do të fokusohet veçanërisht në rritjen e përpjekjeve për të parandaluar dhunën seksuale, ofrimin e shërbimeve me cilësi të lartë për të mbijetuarat e dhunës seksuale dhe ndjekjen penalisht të autorëve.

Forumi Rajonal synon gjithashtu të përmirësojë koordinimin dhe bashkëpunimin e të gjithë aktorëve të përfshirë në përgjigjen e rasteve të dhunës ndaj grave, të tillë si forcat e rendit, gjyqësori, prokurorët dhe organizatat joqeveritare.

Eventi do të mbledhë përfaqësues të shoqërisë civile, qeverive dhe institucioneve rajonale në kuadrin e programit rajonal të Bashkimit Europian dhe UN Women “Fund dhunës ndaj grave në Ballkanin Perëndimor dhe në Turqi: Zbatojmë Normat, Ndryshojmë Mendësitë”. Forumi Rajonal organizohet nga qeveria shqiptare, Këshilli i Europës, Komisioni Europian dhe UN Women dhe në të pritet të marrë pjesë edhe Kryeministri Edi Rama. /atsh

Komisioni për Veprimtaritë Prodhuese, Tregtinë dhe Mjedisin, zhvilloi një seancë dëgjimore me ministrin e Turizmit dhe Mjedisit Blendi Klosi. Në fjalën e tij për prezantimin e paketës antikorrupsion në fushën e mjedisit, ministri u shpreh se kjo paketë eliminon të gjithë hallkën burokratike që e çon administratorin e një biznesi në një raport të vështirë me shtetin, për të pasur mundësi që të luftojmë për mbrojtjen e mjedisit.

“Njëkohësisht, duhet të krijojmë të gjitha hapësirat që biznesi dhe qytetarët ta shikojnë mbrojtjen e mjedisit si detyrim ndaj Shqipërisë turistike dhe gjeneratave që do të vijnë”, – theksoi Klosi.

Gjithashtu, ai u shpreh se kjo paketë është edhe reformë mjedisore për heqjen e qeseve plastike nga përdorimi, lejet mjedisore online, venddepozitimet, për një Shqipëri të pastër me mjedis të mbrojtur e të qëndrueshëm etj. Pas prezantimit, anëtarët e komisionit i drejtuan ministrit pyetje të ndryshme sa i përket paketës në fjalë.

Më tej, mbledhja e komisionit vazhdoi me shqyrtimin e dy projektligjeve “Për ratifikimin e kontratës financiare, ndërmjet Këshillit të Ministrave të Republikës së Shqipërisë dhe Bankës Europiane të Investimeve, për projektin “Shtrati i lumit Lana – zhvillim urban” dhe “Për ratifikimin e marrëveshjes së grantit, ndërmjet Këshillit të Ministrave të Republikës së Shqipërisë dhe Bankës Europiane të Investimeve, për projektin “Shtrati i lumit Lana – zhvillim urban”. Të ftuar për këto projektligje ishin Belina Ikonomi zëvendësministrja e Financave dhe Ekonomisë, Tedi Bushaj nga Ministria e Financave dhe Ekonomisë dhe Arbian Mazniku nënkryetar i bashkisë Tiranë.

Zëvendësministrja Ikonomi dhe nënkryetari i bashkisë Tiranë Arbian Mazniku, bënë një prezantim të plotë të dy projektligjeve të paraqitura, ku theksuan se nëpërmjet këtij projekti mundësohet krijimi i një shtrati me regjim hidraulik efecient, për të eliminuar problematikën e përmbytjeve në këtë zonë, si dhe krijimin e hapësirave të nevojshme të zhvillimit urban të zonës.

Pas diskutimeve dhe pyetjeve e përgjigjeve nga deputetët, kryetari i komisionit Niko Peleshi i hodhi projektligjet në votim ku u miratuan nga anëtarët e komisionit në parim, nen për nen dhe në tërësi. /atsh