Problematika

Inspektorati Shtetëror Teknik dhe Industrial, në bashkëpunimin me Drejtorinë e Përgjithshme të Doganave, bllokuan një sasi prej 298 tonë karburant, në një vendburim në Bashkinë Finiq, e cila ishte jashtë standardeve të tregtimit. Nga kontrolli i ushtruar në këtë vendburim u konstatua se mungonte vërtetimi teknik, si dhe u evidentuan probleme me cilësinë e produktit.

Aksioni u ndoq nga afër nga ministrja e Infrastrukturës dhe Energjisë, Belinda Balluku, së bashku me kryeinspektorin e ISHTI, Admir Abrija dhe zëvendësdrejtorin e Doganave, Ylber Kalaja.

“Inspektorati Shtetëror Teknik dhe Industrial në kuadër të planit antiinformalitet, bashkë me administratën doganore, bën një plan kontrolli dhe gjatë kontrollit kemi konstatuar 298 tonë naftë bruto, e cila është e stokuar në këtë vendburim, pa vërtetimin teknik. Menjëherë kemi njoftuar administratën doganore që të hetojë në lidhje me fiskun e produktit”, bëri të ditur kryeinspektori Abrija.

Duke ju referuar parametrave të produktit të sekuestruar, zëvendësdrejtori i Doganave tha se ky është një produkt me risk dhe me shkallë monitorimi shumë të lartë. “Për vetë parametrat që kanë rezultuar, ky produkt rezulton të jetë një ndër produktet me risk dhe me shkallë monitorimi shumë më të lartë, për vetë mundësinë e përdorimit dhe si lëndë djegëse për ngrohje apo për elementë të tjerë”, nënvizoi Kalaja.

Ministrja Belinda Balluku e cilësoi aksionin në fjalë si provën e radhës për angazhimin e qeverisë në luftën kundër informalitetit duke paralajmëruar se aksionet do të vijojë edhe në javët në vijim në të gjithë territorin e vendit. “Ky është një sulm frontal kundër informaliteti, të cilin ne do ta vazhdojmë. Të gjithë entet shtetërore, si Ministria e Infrastrukturës dhe Energjisë, si Ministria e Financave dhe të gjithë agjencitë apo drejtoritë në varësi të tyre, janë të fokusuar tek lufta kundër informalitetit dhe askush nga ne nuk ka plan që të ndalojë”, nënvizoi Balluku.

Ministrja e Infrastrukturës dhe Energjisë theksoi se koordinimi mes agjencive dhe institucioneve përkatëse, si në këtë rast, rrisin eficiencën e aksioneve, ndërsa nxiti bashkëpunimin mes ISHTI-t dhe administratës doganore, me qëllim evidentimin e shkeljeve dhe marrjen e masave përkatëse për subjektet që abuzojnë.

“Në rastet kur kemi aksione të koordinuara, eficienca e aksionit është më e lartë dhe unë do t’ju sugjeroja dhe do t’ju nxisja që dhe në të ardhmen të ketë një bashkëpunim të hapur midis drejtorive dhe Inspektoratit Teknik për të goditur sa më shumë, qoftë parregullsitë cilësore, që janë shumë të rëndësishme, ashtu dhe parregullsitë fiskale. Për të vendosur një herë e mirë në tregun e karburanteve në Shqipëri një legjitimitet të plotë për sa i përket tregtimit, cilësisë dhe sigurisht për sa i përket të gjithë rregullimit të këtij sektori, i cili ndër vite lë shumë për të dëshiruar”, theksoi Balluku.

Nga analizat e kryera rezultoi se lënda prej 298 tonësh, e bllokuar në këtë pikë vendgrumbullimi, kishte parametra të pazakontë sa i takon nivelit të squfurit por edhe nivelit të flakërimit. Nga ana e inspektorëve të ISHTI-t subjektit ju kërkuar edhe pajisja me vërtetimin teknik, pasi nuk plotësonte kushtet e sigurisë. /atsh

Telefon i fshehur në fundin e dyfishtë të një tenxhereje që është përshtatur për të mos rënë në sy nga kontrollori i b.urgut apo nga skaneri. Patatja është prerë, është mbushur me një telefon dhe mandej është lyer. Fantazia e të bu.rgosurve dhe të të afërmve të tyre ndonëse sfidon edhe shpikësit, gjithë kjo përpjekje ngec në pragun e bu.rgjeve nga hyjnë të afërmit.

Por ndonëse ushqimi bëhet copë-copë, pastiçoja thërrmohet, byreku copëtohet për të zbuluar se mos futen sende të ndaluara, ose lëngje me ngjyrë kthehen pas për të njëjtin qëllim, të tjerë ia dalin mbanë të kalojnë portën e një b.urgu dhe të përfundojnë te të dë.nuarit. Aparati celular është më i kërkuari veçanërisht në parab.urgim dhe në bu.rgje të sigurisë së lartë. Gjithë kjo kërkesë vjen jo më tepër nga dëshira për të folur me njerëzit jashtë mureve të larta, por për të kryer telefonata të pakontrolluara.

B.urgjet janë përfshirë në një fushatë masash të forta për el.iminimin e përdorimit të aparateve celularë nga të b.urgosurit dhe të parabu.rgosurit. Emra të njohur si Gazment Braka (Gaxhai), Admir Tafili, Shkëlzen Hasan Papa, Arbjon Aliko, Asmer Bilali janë konstatuar së fundmi me aparate celularë të fshehur në qeli në mënyra nga më të pabesueshmet.

“Ne kontrollojmë herë pas here qelitë, por dhe të dë.nuarit nuk rrinë duarlidhur. Ka ndodhur që kemi zh.veshur edhe muret e një qelie, pasi ishim të bindur që njëri nga subjektet përdorte telefon. Ai madje shkruante edhe në “Facebook”. Kemi hyrë dhe jemi kthyer shumë herë në atë qeli dhe çdo herë dilnim duarbosh. Duhet të kemi parasysh që të dë.nuarit që jetojnë në një qeli kanë një bashkëveprim të çuditshëm me njëri-tjetrin dhe as që bëhet fjalë që të spi.unojnë njëri-tjetrin.

Në fund zbuluam se aparati i telefonit ishte përshtatur me pultin e televizorit dhe ne e kishim pasur para syve, por që nuk mund ta besoni, por asnjëri nga ne ndonëse e bëmë fije qelinë as na shkonte në mend se pulti ishte edhe telefon”, përshkruan një oficer i policisë së bu.rgjeve për Gazetën “Si” përpjekjet e autoriteteve për të konstatuar telefonat në qeli, një sfidë kjo që ngjan se vazhdon të jetë një për.plasje e pareshtur mes dy forcave.

Një zyrtar b.urgjesh tregon se teksa një i parabu.rgosur ishte në përgjim dhe ishin munduar disa herë të zbulonin se prej nga i kryente telefonatat personazhi VIP, në fund pas dhjetëra veprimeve blic, ku natyrisht disa muaj nuk kishte munguar as dështimi zb.ulimi ishte i habitshëm.

“Mbajtësja e shkumës së rrojës ishte mbushur me sfungjer, aty mes dy anëve të sfungjerit ishte telefoni. Disa herë kontrollohej shkuma e rrojës, por nuk bënte as zhurmë asgjë. Përkundrazi ishte përshtatur me aq mjeshtëri sa kurdoherë që policët e kalonin në dorë, duke e kontrolluar ajo ishte në gjendje të lëshonte shkumë. Por në fundin e mbajtëses, po ta shtypje me kujdes ajo hapej dhe pasi largoje copat e sfungjerit dilte telefoni”, tregon zyrtari i bu.rgjeve për Gazeta “Si”.

Telefona të gjetur në bu.rgje
Megjithatë, të b.urgosurit vazhdojnë të vrapojnë të kërkim të rrugëve të reja, sapo zbulohen me tentativën e radhës. Dikur pëllumbat dhe së fundmi edhe dronët, të cilët përpos ha.shashit transportojnë edhe aparate telefonash, të cilët në të paktën dy raste janë zbuluar nga policia e bu.rgjeve.

Dr.oni që u kap me telefon dhe dr.ogë
Hetimi

Por që prej vitit 2016 për përdorimin e celularit në bu.rg, Kodi Penal ka ashpërsuar sanksionet. Duke përfshirë edhe dë.nimin për efektivët në rast se ata kapen si bashkëpunëtorë të të dë.nuarve, edhe këta të fundit në rast se ju konstatohen telefona dë.nohen me .burgim shtesë nga një vit deri në tre vjet b.urgim. Por ndonëse kanë kaluar tre vjet nga hyrja në fuqi e ndryshimeve në kodit, shumë pak të d.ënuar kanë marrë dë.nim shtesë, pasi siç tregon një jurist pranë b.urgut “është mjaft e vështirë të provosh se kujt i përkiste aparati në një qeli të përbashkët me disa të d.ënuar dhe ku asnjëri nuk tregon. Secili prej tyre mohon duke thënë që nuk dimë gjë”.

Telefoni në banjë

Fiks një rast i fshehjes së telefonit në banjë ka përfshirë prokurorinë në hetimet se kujt i përkiste telefoni. Fillimisht është marrë dëshmia e Vullnet Memës nga Fieri, i cili është kërkuar nga autoritetet e bu.rgjeve si hidraulik për të zhbllokuar tualetin e dhomës numër 17 në B.urgun 313. Teksa ishte duke punuar në prani edhe të policëve që asnjë moment nuk e lanë vetëm pasi kështu urdhërojnë rregullat e regjimit të brendshëm, në brendësi të cifonit, Mema gjeti një aparat Iphone 6.

Policia e bu.rgjeve kërkoi menjëherë një ekspert kr.iminalist thotë një burim i Gazetës “Si” për të këqyrur vendngjarjen e për të bërë fotografitë.

Mema i tha policisë pas zbulimit të aparatit se “policia më ndihmoi që të largoja cifonin bashkë me një të dë.nuar tjetër që quhej Bajram Kora, i cili mesa mësova punonte në parab.urgim. Pasi e hoqa WC-në nga vendi, i parab.urgosuri futi dorën te cifoni dhe më tha që kishte kapur diçka plastike. Pasi u përpoqëm me pinca e nxorëm dhe pamë që ishte një aparat celulari”.

Telefona të bllokuar në b.urgje
I parab.urgosuri Bajram Kora: “Edhe kur isha jashtë merresha ndonjëherë me zhbllokim banjash. Ju kisha thënë shefave që nëse kishin ndonjë problem të tillë të më thoshin, pasi përfitoja ndonjë paketë nga të bu.rgosurit që kishin probleme me WC. Ne fillim për rastin që më pyesni shkoi i parab.urgosuri David, i cili punon në lavanderi. Por nuk arriti ta zhbllokonte. I thashë thirr elektricistin dhe një palë pinca që të heqim cifonin nga vendi. Lirova vidat dhe futa dorën dhe pashë diçka që ngjante si kauçuk pastaj kur e tërhoqëm pamë që ishte telefon i dëmtuar”.

Janë pyetur për këtë qëllim të parab.urgosurit që mbahen në këtë qeli.

Denis D: I parabu.rgosuri deklaron: “Kam 16 muaj që banoj te kjo dhomë. Kanë ardhur dhe ikur shumë të parab.urgosur. Unë kam kërkuar zhbllokimin e tualetit të dhomës te specialisti i policisë, zoti Fatos Caushaj, pasi ky tualet bllokohej shpesh. Pasi bllokohej, ujërat dilnin deri në korridor, kjo ka ndodhur më shume se tri herë dhe para dhjetë ditësh ujërat dolën përsëri në dhomë deri në sektor. Kur erdhën punëtorët për zhbllokim unë qëndrova në krevat dhe nuk e mora vesh fare që ishte telefon, ata pasi e nxorën ia dhanë policit. Pyeta punëtorët dhe policin se çfarë ishte dhe ata më thanë që është kapak i prizave treshe. Më pas montuan WC-në dhe u larguan”.

I parabu.rgosuri tjetër i të njëjtës qeli Erigers M. shton:

“Kam katër muaj që banoj në këtë dhomë. Qysh kur jam akomoduar tualeti ka pasur bllokime të herëpashershme. Isha në ajrosje dhe kur erdha në dhomë, shokët e dhomës më thanë që u rregullua tualeti dhe se në të ishte gjetur diçka, por nuk ishin informuar nëse ishte telefon apo diçka tjetër”.