Problematika

Dasëm në kohë Covidi/Gjobitet pronari i lokalit në Fier

Aktualitet, Lajmi i fundit, Problematika / /

Dasmë në kohë pandemie, gjobitet i zoti i lokalit në Fier
Transmetuar më 05-08-2020, 08:57
Share on Facebook Tweet Linkedin Viber Whatsapp

Ka nga ata që nuk e marrin aspak parasysh pandeminë e koronavirusit, duke u mbledhur në dasma dhe ahengje.

Kështu ka bërë edhe një lokal në Fier, ku është mbajtur një dasmë.

Policia e Fierit thotë se ka ndëshkuar me 1 milion lekë gjobë, administratorin e një restoranti dasme, pasi u konstatua duke ushtruar aktivitet në kundërshtim me Aktin Normativ.

Shërbimet e Komisariatit të Policisë Fier, në vijim të kontrolleve të ushtruara në subjekte të ndryshme, me qëllim parandalimin e përhapjes së COVID-19, kanë evidentuar një restorant dasme në Fier që ushtronte aktivitet duke organizuar dasma në kundërshtim me Aktin Normativ, duke mos respektuar kufizimin e përcaktuar nga Policia e Shtetit.

Për subjektin në fjalë, me administrator shtetasin F. V., 63 vjeç, banues në Fier, shërbimet e Policisë kanë vendosur masë administrative 1.000.000 lekë.

Policia e Fierit apelon për të gjithë administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19

Dasëm në kohë Covidi/Gjobitet pronari i lokalit në Fier Read More »

Manastirliu, apel për zbatimin e disa rregullave të thjeshta në përditshmëri

Problematika, Shendetesi / /

Ministrja e Shëndetësisë dhe Mbrojtjes Sociale, Ogerta Manastirliu u bëri sot thirrje të gjithë qytetarëve të mbrojnë veten dhe njerëzit e dashur, duke zbatuar disa rregulla të thjeshta në përditshmëri.

Manastirliu ndau një informacion sensibilizues se si mund të parandalohet përhapja e COVID-19, duke nisur nga higjiena e duarve dhe deri te përdorimi i maskës dhe ruajtja e distancës sociale.

“Një thirrje për të gjithë qytetarët. Të mbrojmë veten dhe njerëzit tanë të dashur dhe t’i japim një dorë mjekëve dhe infermierëve, duke zbatuar disa rregulla të thjeshta në përditshmëri. Laj duart, përdor sapun, mos shtrëngo duart, përdor dezinfektant, shmang kontaktin, mbaj distancën dhe përdor maskën”, tha Manastirliu. /atsh

Manastirliu, apel për zbatimin e disa rregullave të thjeshta në përditshmëri Read More »

Mesazhi i mjekes: ‘Covid nuk ka preferencë në moshë’

Problematika, Shendetesi / /

Mjekja Migena Qato apelon për kujdes për shkak të rasteve të shtuara me Covid-19.

Qato bën apel kryesisht ndaj të rinjve që të kenë kujdes.

Nëpërmjet një mesazhi të shpërndarë nga ministrja e Shëndetësisë, Ogerta Manastirliu, ajo thekson se në spitalet Covid, dominojnë moshat e reja.

“Po përballemi me një pandemi të përmasave, që kurrë më parë nuk ishim përballur. Ditët e fundit kanë qenë jo të lehta për ne, pasi numri i rasteve është shtuar në mënyrë të konsiderueshme dhe jo vetëm kaq. Tani dominojnë për fat të keq edhe mosha të reja, të cilat kanë qenë të paprekura nga sëmundje të tjera më parë. Ndaj apeli shkon që të jemi shumë të kujdesshëm, të ruajmë distancën sociale, sepse tani Covid nuk ka më preference në moshë, nuk po kursen asnjë subjekt të popullatës. Ndaj jeni të kujdesshëm, mbroni veten tuaj dhe të afërmit”, thotë ajo./noa.al/

Mesazhi i mjekes: ‘Covid nuk ka preferencë në moshë’ Read More »

Qeveria merr vendimin/ Mbyll pa afat klubet e natës

Lajmi i fundit, Problematika / /

Pas situatës që sa vjen e agravon me virusin Covid-19 në vendin tonë qeveria është detyruar që të bëjë disa ndryshime të tjera në aktin e fundit normative. Kështu pasi u pa që ajo “puna e mbylljes së muzikës pas orës 20.00” nuk pati asnjë efekt është vendosur që Pube-t, diskot dhe gjithë lokalet e natës të mbyllen fare.

Lajmin e ka dhënë ministrja e Shëndetësisë, Ogerta Manastirliu sot në sallën e parlamentit.

Sipas saj, është vërejtur që kryesisht të rinjtë që i frekuentonin ato janë bërë vektor i përhapjes së virusit.

“Ndryshimet dhe shtesat në aktin normativ sa i përket periudhës së pandemisë vijnë pasi duam të vendosim detyrimin për diskot, klubet e natës që kanë pasur detyrim që në krye të herës që të mos hapen. Është vënë re që jo të gjithë e kanë zbatuar urdhrin, duke u kthyer në vatra infeksioni. Detyrimi tani çon deri në pezullim aktiviteti 1 vjeçar kur këto subjekte nuk i binden asnjë ligji. Masat që po marrim, akti normativ, qoftë akti normativ që miratuam të enjten e shkuar për maska të detyrueshme në ambiente të mbyllura vendosen jo për të vënë gjoba, por për të parandaluar përhapjen e Covid 19.

Të rinjtë apo frekuentuesit e këtyre vendeve janë etiketuar si vektori i shpërndarjes së infeksionit te moshat e tjera. Vendosja e këtij akti vjen në kohën e duhur për të forcuar zbatimin e masave Covid 19.

Po punojmë me intensitet, po përgatitemi për vjeshtën por nëse do kemi neglizhim të masave duhet të përgatitemi për rritje të infeksionit Covid 19”, tha Manastirliu.

Qeveria merr vendimin/ Mbyll pa afat klubet e natës Read More »

Mbërrin në Shqipëri “Jonathan Galindo”/ Rastet e para të lojës së rre*ziksh*me për fëmijë

Problematika / /

Përdorues anonim në internet që fshihen pas personazhit “Jonathan Galindo”, dhe i nxisin fëmijët drejt një loje që mund t’i çojë deri në vetëv rasje, janë të pranishëm edhe në Shqipëri.

Sipas një njoftimi të policisë disa ditë më parë thuhej se nuk është konstatuar asnjë rast në vendin tonë, por në Linjën Kombetare të Ndihmës për Fëmijë, alo 116, kanë mbërritur 5 sinjalizime brenda 1 jave.

“Bëhet fjalë për një adresë që është në Instagram, fëmijët janë kontaktuar nga e njejta adresë. Disa biseda janë bërë në shqip disa biseda janë bërë në anglisht. Pra akoma duhet parë se kush është personi që fshihet pas asaj adrese. Janë të grupmoshës 10 deri 16 vjeç që na kanë sinjalizuar”.

Faqja e de noncuar është mbyllur, por ende nuk është bërë i mundur identifikimi i personit. Sipas psikologes Moza Sula, më të rr ezikuar janë fëmijët që kalojnë shumë kohë në internet apo bëjnë një jetë të varfër sociale.

“Nëse ndryshon diçka në humorin e fëmijës, në rutinën ditore, në higjienën personale, nëse nuk është më i komunikueshëm se më parë. Eksplorimi në faqe të pakontrolluara mund ta bëjë femijën burim v iktimizimi në çdo moment prandaj është shumë e rëndësishme të bëhet kontrolli nga ana e prindërve”.

Mbërrin në Shqipëri “Jonathan Galindo”/ Rastet e para të lojës së rre*ziksh*me për fëmijë Read More »

Ndërhyrjet në pallatin që u shemb nga tërmeti dhe u mori jetën 2 personave/ Shoqërohet 44 vjeçari

Lajmi i fundit, Problematika / /

Një 44-vjeçar është arrestuar nga policia e Durrësit, pasi akuzohet se nga ndërhyrjet që kishte bërë në lokalin e tij, u shemb pallati nga tërmeti i 26 nëntorit.

Policia bën të ditur se si pasojë e shembjes së pallatit 6-katësh humbën jetën dy persona.

”Specialistët për Hetimin e Krimeve në Komisariatin e Policisë Durrës ekzekutuan urdhrin e ndalimit për shtetasin A. T., 44 vjeç, banues në Durrës. Për këtë shtetas, Gjykata e Shkallës së Parë Durrës ka caktuar masën e sigurisë “Arrest në burg “, pasi dyshohet se nga ndërhyrjet që ka bërë në biznesin e tij lokal, në lagjen nr. 6 dhe nga tërmeti i datës 26.11.2019 është shembur pallati 6-katësh dhe si pasojë humbën jetën 2 shtetase”, informon policia.

Materialet i kaluan Prokurorisë së Rrethit Gjyqësor Durrës, për veprime të mëtejshme./atsh

Ndërhyrjet në pallatin që u shemb nga tërmeti dhe u mori jetën 2 personave/ Shoqërohet 44 vjeçari Read More »

Nuk ndaluan muzikën pas orës 20:00, gjobiten me nga 1 milionë lekë tre lokale në Vlorë e Sarandë

Aktualitet, Problematika / /

Dy bar- restorante dhe një lokal në Vlorë e Sarandë janë gjobitur pasi nuk ndaluan muzikën pas orës 20:00.

Uniformat blu njoftojnë se gjobat janë nga 1 milionë lekë për secilin nga administratorët e lokaleve.

Nga burimet mësohet se dy prej bar- restoranteve janë në Vlorë kurse lokali në Sarandë.

Njoftimi nga Policia:

Vlorë, Sarandë

Policia ka ndëshkuar me nga 1 milion lekë gjobë, administratorët e tre lokaleve, pasi u konstatuan duke ushtruar aktivitet me muzikë në kundërshtim me Aktin Normativ.

Strukturat e Drejtorisë Vendore të Policisë Vlorë, në vijim të kontrolleve të ushtruara në subjekte të ndryshme, me qëllim parandalimin e përhapjes së COVID-19, kanë evidentuar dy bar-restorante në Vlorë dhe një lokal në Sarandë që vazhdonin të ushtronin aktivitet me muzikë pas orës 20:00, në kundërshtim me Aktin Normativ, duke mos respektuar kufizimin e përcaktuar nga Policia e Shtetit.

Për secilin nga këto subjekte, me administratorë shtetasit G. L., K. N. dhe F. M., shërbimet e Policisë kanë vendosur masë administrative 1.000.000 lekë.

Policia e Vlorës apelon për të gjithë administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19.

Nuk ndaluan muzikën pas orës 20:00, gjobiten me nga 1 milionë lekë tre lokale në Vlorë e Sarandë Read More »

Tani te gjithe mund te bejne tamponin! Ja cmimet qe duhet te paguani ne spitalet private shqiptare

Lajmi i fundit, Problematika, Shendetesi / /

Rrjeti Laboratorik ALNET, pjesë e Spitalit Amerikan së shpejti pritet që të fillojnë me marrjen e analizës së gjakut që do të përdoret për testet serologjike që tregojnë nëse jeni prekur apo e keni kaluar Covid-19 me një çmim prej 4 mijë lekësh.

Pas pak ditësh do të nisë edhe analiza molekulare, ose ajo që njihet si marrja e tamponit. Ka pasur shumë hamendje rreth çmimit të kësaj analize në laboratorët private.

ALNET l ka përcaktuar tashmë çmimin fiks të kësaj analize. NewsBomb ka mësuar se çmimi i tamponit do të jetë 95 euro në të gjithë degët e ALnet, pjesë e Spitalit Amerikan.

Shefja e rrjetit të laboratorëve në Spitalin Amerikan, Dr. Albana Daka ka treguar për TV Klan se: Do të fillojmë testet serologjike të kompanisë Roche e cila është kompania me sensibilitetin me të lartë që është testuar në gjithë këto muaj. Është parë që sensibiliteti i metodës së antikorpeve të kompanisë Roche është shumë afër rezultateve molekulare. Një rezultat serologjik dhe kur aparati është i besueshëm brenda dy orësh është gati.

Mjekja Daka ndër të tjera ka theksuar se javën e ardhshme ALNET do të ofrojë për qytetarët edhe testin molekular apo siç njihet ndryshe testi i tamponit i cili tregon a jeni me koronavirus.

“Ne si laborator i kemi gati me të gjitha kushtet, me infrastrukturën pra me kushtet e biosigurisë dy dhe tre, me stafin e dedikuar për 24 orë. Padyshim të gjitha këto do t’i vëmë në dispozicion Ministrisë së Shëndetësisë që të hënën dhe mendojmë që nëse testet do të bëhen të mundura që të vijnë javën tjetër (testet molekulare) ne fillojmë menjëherë nga puna dhe kemi staf 24 orë”, shprehet ndër të tjera doktoresha.

Ndërkohë Ministria e Shëndetësisë ka sqaruar se analizat për COVID-19 në strukturat private mund të kryhen për arsye pune apo udhëtimi.

Tani te gjithe mund te bejne tamponin! Ja cmimet qe duhet te paguani ne spitalet private shqiptare Read More »