Problematika

[sgmb id=”1″]

Mediat serbe vazhdojnë t’i fryjnë zjarrit të luftës me teori konspirative dhe artikuj për kinse organizimin dhe armatosjen e shqiptarëve në Kosovë, por edhe në vendet përreth.

Gazeta serbe “Alo” shkruan se “në territorin e Kosovës, Maqedonisë dhe Shqipërisë po bëhet mobilizimi dhe stërvitja e fshehtë e ekstremistëve shqiptarë dhe anëtarëve të organizatës AKSH, transmeton Telegrafi.

Sipas burimeve të kësaj gazete anëtarët e organizatës AKSH (Armata Kombëtare Shqiptare) janë të armatosur deri në dhëmbë, kurse stërvitjen e njësiteve të tyre e bëjnë natën në vende të fshehura mirë.

Analisti serb Sasha Borojeviq, konfirmon se në territorin e Kosovës, Maqedonisë dhe Shqipërisë po bëhet një mobilizim i fshehtë.

“Javën e fundit është duke u kryer stërvitje e natës dhe përgatitja e ‘terroristëve, pjesëtarë të AKSH’. Vlen të theksohet se përfaqësuesit e administratës ndërkombëtare në Kosovë, nga vitin 1999 e deri më sot asnjëherë nuk e kanë çarmatosur ish-UÇK-në, as nuk kanë vënë në kontroll armatimin. Pjesa më e madhe e këtij armatimi vazhdon të jetë në duart e ish pjesëtarëve të UÇK-së. Krejt kjo tregon se shqiptarët nuk kanë hequr dorë nga krijimi i ‘Shqipërisë së Madhe’ dhe se nuk do të zgjedhin mjete për realizimin e këtij qëllimi…”, ka thënë Borojeviq, përcjell Telegrafi.

Sipas tij, në Kosova ka mbi 800 mijë armë ilegale dhe mbi një milion granata dore.

Analisti serb parashikon një kaos të madh në Maqedoni.

“Edi Rama me këshilltarin e tij për media po përgatit një masakër në Maqedoni, për të cilin do t’i fajësojë partitë pro-serbe, që do të jetë edhe si shkas për domino efekt të konfliktit në tërë Ballkanin”, thotë analisti serb.

Madje analisti serb shkon edhe më larg duke cituar një anëtar të AKSH-së, i cili, sipas tij thotë se “NATO është mike e AKSH” dhe se AKSH gëzon përkrahjen e pjesës më të madhe të banorëve në të gjitha viset e Kosovës.

Burime nga policia kanë bërë të ditur se janë duke punuar për arrestimin e një 31-vjeçari me inicialet F. K., banues në Krujë.

Ndaj tij ka bërë denoncim 28-vjeçari me inicialet M. D., banues në Prezë, i cili ka kallëzuar se në datën 15 prill 2017, në fshatin Ahmetaq, i ka dhënë kruanit 31 vjeç me qira makinën tip “BMW”.

Por kur ai e ka kthyer mjetin në datën 21 prill 2017, gjatë kontrollit pronari ka gjetur brenda makinës një sasi prej 9 gramësh kanabis sativa. Pas kësaj, i riu ka bërë denoncimin në polici, ndërsa po kërkohet arrestimi i 31-vjeçarit nga Kruja.

Ndërtimi i Hidrocentraleve në  Lumin e Valbonës, ka bashkuar banorët edhe zërin e vizitorëve, organizatave mjedisore brenda dhe jashtë vendit, që kanë dalë në mbrojtje të ekosistemit të kësaj Lugine.

Sipas tyre ky vendim do të prishë peisazhin natyror, florën, faunën dhe turizmin. Një nga banoret është Katerina Bon, e njohur si amerikania që jeton në Valbonë, e cila i është përkushtuar ruajtjes së ekosistemit të Luginës.

“Në shtator të 2016 nisi ndërtimi i dy HEC-eve që do të dëmtojë 5 nga 20 kilometrat e lumit kryesor.

Shkatërrimi është i tmerrshëm sepse nuk prek vetëm lumin, por rrit temperaturën, pakëson gjallesat të cilat edhe mund të vdesin” thotë ajo.

Sipas Katerinës qeveria shqiptare e ka në dorë dhe duhet të ndalojë ndërtimin e HEC-eve.

“Rreziku është nëse ndërtimi i HEC-eve vazhdon. E kemi thirrur qeverinë në gjykatë por për ta është e lehtë ta shtyjnë gjyqin.

Ne mund ta ndalojmë ndërtimin në 2 mënyra: duke dorëzuar një garanci financiare por që nuk kemi mundësinë  ose duke bindur qeverinë që të ndalojnë ndërtimin”.

Ndërkohë Katerina ka edhe një mesazh për të gjithë. “Ne duhet të jemi zëri i lumit”.

Lugina e Valbonës shtrihet në qendër të Alpeve  dhe ka statusin e Parkut Kombëtar në një sipërfaqe prej 8.000 hektarësh.