Moti i keq ka shkaktuar kaos në Portin e Durrësit, ku k pasur vonesa në lëvizjet e trageteve në Portin e Durrësit.
Një prej trageteve ka mbërritur me 2 orë vonesë në port, ndërsa trageti tjetër nga Bari është në pritje. Era me drejtim nga jugu në det të hapur fryn me shpejtësi deri në 25 m/sek.
Deti regjistron forcën 7-8 ballë. Më pak e trazuar është situata në Gjirin e Durrësit, ku deti është 5-6 ballë dhe shpejtësia e erës e përgjysmuar (12 m/sek).
Familjet shqiptare po lindin gjithmonë e më pak fëmijë. Nga viti në vit numri i lindjeve pëson ulje ndërsa gjatë periudhës korrik –shtator janë regjistruar 7.203 lindje ose 20.7% më pak krahasuar kjo me një vit më parë .
Në tremujorin e tretë 2017, shtesa natyrore regjistron vlerë negative vetëm në tre qarqe Gjirokastër, Korçë dhe Vlorë ndërsa rritje shënon në Tiranë, Durrës dhe Elbasan.
Numri i vdekjeve për tremujorin e tretë të këtij viti ka shënuar një rritje prej 3,7 %, krahasuar me tremujorin e tretë 2016. Numri më i vogël i vdekjeve regjistrohet në qarkun e Kukësit, e ndjekur nga Gjirokastra, Vlora dhe Lezha në krahasim me tremujorin e tretë 2016.
Sociologët shprehen se janë disa aspekte që kanë ndikuar në këtë situatë planifikimi familjar, emigracioni por edhe shtimi i vdekjeve. Ekspertët apelojnë për marjen e msaave të menjëhershmë të cilat duhet të stimulojnë lindjet e fëmijëve. Edhe Banka Botërore e ka ngritur një shqetësim të tillë në lidhje me plakjen e popullsisë në vendet e Ballkanit ku përfshihet dhe Shqipëria.
Banka Botërore sugjeron marrjen e masave të menjëhershme për të për frenuar përkeqësimin e situatës pasi kjo do të sillte ulje të produktivitetit, pasi plakja do të ulë pjesëmarrjen e fuqisë punëtore dhe do të frenojë rritjen mesatare vjetore të të ardhurave për frymë.
Nëse mishi i viçit duhet të jetë patjetër pjesë e tavolinave të ndërrimit të viteve, duhet të tregoni kujdes që të paktën të jetë produkt shqiptar.
Shqipëria ka kohë që ka lëvizur nga boshti i prodhimit vendas dhe tani renditet si një vend kryesisht importues i mishit, qoftë i mishrave të kuq, por edhe atyre të bardhë.
Shkak kryesor padyshim është edhe kosto më e ulët e mishit të importuar kryesisht nga Brazili dhe Argjentina.
Në krahasim me mishin vendas, kosto e një kilogrami mishi të importuar është të paktën dyfish më e lirë sipas vëzhgimeve të tregut.
Por mishi i importit sidomos ai brazilian vjen me probleme të tjera që gjatë viteve të fundit kanë dëmtuar jo pak imazhin në të gjithë tregjet evropiane.
Problemi i fundit me mishin e viçit nga Brazili lajmërohet nga Italia fqinje ku vetëm disa ditë më parë doganat italiane refuzuan shkarkimin në portet e tyre.
Një sasi e madhe mishi viçi fileto me origjinë nga Brazili rezultoi i pushtuar nga mikro-organizma shigatoksine që prodhojnë baktere Escherichia Coli.
Në datën 21 Dhjetor 2017, autoritetet italiane të kontrollit doganor paralajmëruan të gjitha vendet e Bashkimit Evropian që kanë bllokuar dhe sekuestruar ngarkesa me mish viçi brazilian.
Kjo pasi analizat treguan nivele agresive të bakterieve të dëmshme E. Coli në masën STX1+ për 25 gramë mish.
Më poshtë njoftimi i Sistemit të Alarmit të Komisionit Europian.
Njoftimi i Komisionit Europian i datës 21 Dhjetor 2017
Çfarë rreziku sjell bakteri Escherichia Coli?
Bakteri i Escherichia Coli pasi depërton në organizëm prodhon helme të fuqishme që zhvillohen në zorrët e njeriut.
Nëpërmjet mukozës së zorrëve, helmet kalojnë në gjak dhe godasin veshkat duke shkaktuar probleme tejet serioze.
Pasoja më e rrezikshme që përmendin mjekët është bllokimi i plotë i veshkave në disa persona dhe nevoja e menjëhershme për dializë.
Zakonisht bakteri E coli nuk shkakton simptoma, pavarësisht se mund të ndodhet në zorrët tuaja.
Në raste të tjera më të përkeqësuara ai shkakton diarre, e cila brenda pak orësh bëhet hemorragjike. Diarreja e shkaktuar nga bakteri E coli zgjidhet brenda 4-5 ditëve.
Në rast se helmi qarkullon më gjatë, ai mund të shkaktojë anemi dhe insuficiencë renale.
Serumet dhe dializa për të shmangur problemet afatgjata të veshkave bëhen të nevojshme për të shpëtuar nga prania e Escherichia Coli në organizmin njerëzor.
Nëse blini mish të kuq të importuar, këshilla më e mirë është ta zieni shumë mirë para se ta gatuani
Por sigurohuni të blini mish vendas, sado më i shtrenjtë të jetë ai.
Jo vetëm që mishi vendas është shumë herë më i freskët, por si rezultat i fermave të reja të hapura në vend, cilësia dhe siguria e mishit shqiptar është e një niveli shumë të mirë.
Shqiptarët denoncojnë gjendjen e mjeruar ku ata jetojnë në kampet e autoriteteve franceze.
Të izoluar, pa shërbime dhe duke fjetur në tokë, kjo është gjendja që mund ta ndiqni në videon e mëposhtme. Por kjo nuk është më e keqja…
Shqiptarët në kampin e Calais sikurse dëshmojnë se kanë plot 36 orë pa ushqim. Madje, kjo është kërkesa kryesore që ata kanë ndërsa dëgjohen edhe teksa ironizojnë me mungesën e bukës.
“Ja si na trajtojnë në Francë kur na kapin! Na lëne pa bukë dhe 8 veta në një qeli. Duke fjetur ne tokë! Na kapën duke kaluar për në Angli dhe na trajtojnë si kafshë! Dhe arriti deri në atë pikë sa na e vranë vëllanë tonë nga Shkodra!” – shkruan djali shqiptar duke iu referuar rastit të Florenc Beqirajt.
I pyetur për vdekjen tragjike të Beqirajt se cilat janë dyshimet që ata kanë për vdekjen, denoncuesi përgjigjet: “Po ç’rëndësi ka! E vërteta është që vdiq në Francë dhe Policia po të kishte bërë punën tamam nuk do kishte shkuar kështu! Mjer nëna e tij se askush nuk ia di dhimbjen!
Më vjen shumë keq se vdekjen e Florencit, PD po e përdor politikisht. Dhe ju mediat po e përdorni për klikime! Por megjithatë dua që video që ju nisa të dali dhe ta shofin shqiptarët dhe ta kuptojnë se Evropa nuk është fushë me lule! Dhe po të punojnë në Shqipëri, e kanë më mirë!” – përfundon denoncuesi.
Burgjet reflektojnë shoqëritë që i popullojnë”, thotë fotografi Paolo Pellegrin.
Franca ka rreth 185 burgje.
Grupet e të drejtave të njeriut kanë dhënë alarmin për kushtet e përkeqësuara në burgjet franceze për më shumë se një dekadë.
Shifrat e fundit flasin për një situatë të shkaktuar nga një numër të burgosurish që rritet më shpejt se qelitë në dispozicion.
Që prej vitit 2006, Këshilli i Evropës në një raport shokues evidentoi se në burgjet franceze ka mbipopullim, qeli të pista dhe të burgosur që flenë në dyshekë në tokë, raporton prestigjozia “Time”.
Çështja ende nuk është korrigjuar.
Sot, sipas Ministrisë së Drejtësisë, ka 68.500 të burgosur kundrejt një kapaciteti nominal prej 54.600.
E deshën sulmet terroriste të kohëve të fundit për ta sjellë këtë çështje në ballë të diskursit publik në Francë.
Pas këtyre sulmeve u dha sërish alarmi i radikalizimit në burgje.
Qeveria e Francës ka premtuar të ndërtojë 33 burgje më shumë deri në vitin 2025, por zyrtarët e burgut thonë se kjo nuk është e mjaftueshme për të lehtësuar barrën.
Duke iu përgjigjur kërcënimit terrorist, gjyqtarët kanë filluar të japin dënime më të ashpra që nxisin bindjen dhe po përkeqësojnë problemin e mbipopullimit.
Macron thuhet se sugjeroi krijimin e burgjëve të ndara për qytetarët francezë që kanë luftuar për Shtetin Islamik.
Megjithatë, problemi shkon përtej burgjeve, ku ndjeshmëria e të burgosurve ndaj radikalizimit reflekton problemet më komplekse në shoqërinë franceze.
Shumë myslimanë, që vijnë nga prejardhje të varfra, ndihen “të refuzuar nga shoqëria” për shkak të dorës së hekurt të shtetit francez dhe arrestohen në një shkallë më të lartë se grupet e tjera demografike.
Vlerësohet se myslimanët përbëjnë 40-60% të të burgosurve në burgjet franceze.
Një studim i vitit 2015 zbuloi se meshkujt myslimanë kanë katër herë më pak gjasa të sigurojnë intervistë për punë në krahasim me homologun e tyre katolik në Francë.
Kjo ndjenjë e diskriminimit është përkeqësuar gjithnjë e më shumë në Francën e njohur si laicite, e cila ndan fenë nga jeta publike, duke çuar në ndalimin e mbulesave të fytyrës në publik.
Por myslimanët ndihen të refuzuar nga sistemi dhe ekziston një lloj dyshimi në shoqërinë franceze se nëse jeni musliman, nuk jeni qytetar “i mirë”. /ShkodraNews
France. Meaux. 24 Novembre 2016. Penitentiary center of Meaux. Hour of walk.France. Meaux. 24 Novembre 2016. Penitentiary center of Meaux. Hour of walk.France. Meaux. 23 Novembre 2016. Penitentiary center of Meaux. Central Prison’s entrance.France. Meaux. 24 Novembre 2016. Penitentiary center of Meaux. Prisonners sharing the same cell.France. Meaux. 23 Novembre 2016. Penitentiary center of Meaux. Two prisonners in a cell.France. Meaux. 24 Novembre 2016. Penitentiary center of Meaux.France. Meaux. 25 Novembre 2016. Penitentiary center of Meaux. Hour of walk.France. Meaux. 25 Novembre 2016. Penitentiary center of Meaux. Hour of walk.France. Meaux. 24 Novembre 2016. Penitentiary center of Meaux. Hour of walk.
Emri pedofili (nga greqishtja pais = fëmijë dhe philia = dashuri) mund të shprehë predispozicionin natyral të një adulti karshi një të mituri për arsye edukative dhe pedagogjike. Por nga ana tjetër ekziston një fije e hollë që e ndan këtë të fundit nga synimet perverse të një të sëmuri seksual. Duke qenë se në aparencë sjelljet e tyre janë të njëjta, ky “kamoflazhë” është i vështirë për t’u dekonspiruar nga të rriturit dhe jo më nga një fëmijë, shkruan Zhurnal.mk
Edhe në Maqedoni, një fenomen i tillë e shumë i rezikshëm po merr përmasa jashtëzakonisht të mëdha. Kështu, emisioni ‘Inside’ që transmetohet në ZhurnalTV këtë herë ka trajtuar pikërisht këtë temë të ndieshme që po shqetëson shumë shoqërinë në vend.
Në këtë edicion flasim për shqetësimin e qindra prindërve të cilët fëmijën mund ta kenë të abuzuar seksualisht dhe ato nuk janë të vetëdijshëm për këtë, lajmet flasin për një përhapje e abuzim me të mitur nën moshën 14 vjecare, më shqetësues është fakti se nuk raportojnë atë, pedofilia në Maqedoni ka zgjuar kureshtje dhe shqetësim, a ka pasur më parë më e fshehtë e derisa nuk ka dëgjuar për të.
Për herë të parë, emisioni ‘Inside’ në ZhurnalTV flet ekskluzivisht një pedofil, ai tregon përvojën e tij të dhimbshme që e ka përjetuar, si erdhi deri tek ai moment, a u pendua ai, a tentoi të ndalojë veten e çka më pas.
Një sasi prej 80 kg mish i kontaminuar dhe pa faturë është sekuestruar në një thertore në Mengel të Elbasanit.
Policia thotë se në lidhje me këtë rast ka nisur edhe procedimi në gjendje të lirë për 63-vjeçarin A.Sh, i cili ishte pronar i thertores.
“Proçedimi ndaj tij, filloi pasi, gjatë kontrollit të ushtruar në bashkëpunim me AKU rajonale Elbasan, në fshatin Mengel në thertoren e shtetasit të lartpërmendur u konstatua se tregtonte pa faturë tatimore dhe i’u sekuestruan 80 kg mish i kontaminuar”, sqaroi policia.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Fshehja e të ardhurave” dhe “Prodhimi i kundërligjshëm i artikujve dhe mallrave industrialë dhe ushqimorë”
Këto imazhe po bëjnë xhiron e rrjetit dhe kanë tronditur konsumatorët e mishit.
Dy punëtorë me eksperiencë kanë pranuar shitjen e mishit që ka qenë i mbushur me tumore.
Në një postim viral në Tëitter ata kanë paralajmëruar publikun britanik, por jo vetëm.
Ata thonë se tumoret janë prerë nga mishi para se ai të rishitej.
Padyshim që njerëzit janë shokuar nga ky konstatim, pasi dy kasapët pretenduan se kjo është praktikë e zakonshme.
Studime të shumta të dekadës së fundit kanë ngritur shumë herë shqetësime alarmante, duke pranuar një korrelacion ndërmjet mishit të përpunuar dhe të kuq dhe sëmundjes vdekjeprurëse.
Sa i rrezikshëm është konsumimi i këtyre produkteve me tumor?
Konsumimi i produktit të sëmurë mund të rrisë rrezikun e zhvillimit të kancerit.
Kur blini mish nga supermarketet, është e vështirë të dini nëse është apo jo në gjendje të mirë.
E vetmja mënyrë për të qenë i sigurtë se nuk është prekur nga tumoret është duke ditur se si ka qenë kafsha para se të pritet.
Edhe nëse blini nga një dyqan me reputacion, nuk ka siguri që kanceri nuk është copëtuar nga kasapët.
Kjo ndodh për shkak se aktualisht nuk ka ligje që ndalojnë këtë praktikë.
Madje dyqanet nuk kanë asnjë detyrim t’u tregojnë klientëve të tyre për rritjen e kancerit në kafshët që hanë.
Për të luftuar problemin, është e këshillueshme që të ulni sasinë e mishit që hani çdo ditë.
