Politike

Presidenti i Turqisë, Recep Tayyip Erdo?an, ka marrë mbrëmë telefonata urimi për suksesin në referendumin për ndryshimet kushtetuese, nga Presidenti i Maqedonisë, Gjorge Ivanov, Kryeministri i Shqipërisë, Edi Rama, Presidenti i Sllovenisë, Borut Pahor dhe Kryeministri i Libanit, Saad Hariri, raporton Anadolu Agency (AA).

Sipas informacioneve të marra nga burimet e Presidencës së Turqisë, thuhet se vazhdojnë të vijnë telefonata urimi pas rezultatit “po”, në referendumin për ndryshimet kushtetuese të zhvilluar më 16 prill.

Burimet e Presidencës thanë se Ivanov, Rama, Pahor dhe Hariri kanë telefonuar Presidentin Erdogan.

Ndërkohë liderët kanë uruar presidentin e Turqisë për suksesin e arritur në këtë referendum popullor.

Parlamenti mblidhet sot për të zhvilluar raundin e parë për zgjedhjen e Presidentit të Ri të vendit. Mandati i Presidentit Nishani përfundon në 24 korrik dhe deri atëherë duhet të ketë një emër të ri për këtë post.

Po nëse hedhim një vështrim për të parë Presidentët që e kanë drejtuar Shqipërinë në vite ata janë 6 personalitete në këto 27 vite tranzicion. Nga Ramiz Alia te Presidenti akoma në detyrë Bujar Nishani.

Herë të zgjdhur me konsensus dhe herë të tjera jo. Duhet thënë se posti i Presidentit në vendin tonë nuk ka fuqi ekzekutive apo vendimmarrëse për shumë nga sferat e jetës politike.

Presidentët në vite:

1. Ramiz Alia 30 prill 1991-9 prill 1992
2. Sali Berisha 9 prill 1992-24 korrik 1997
3. Rexhep Mejdani 24 korrik 1997-24 korrik 2002
4. Alfred Mojsiu 24 korrik 2002-20 korrik 2007
5. Bamir Topi 20 korrik 2007-24 korrik 2012
6. Bujar Nishani 24 korrik 2012- ende në detyrë

Për Presidentin e shtatë ende nuk ka një emër nga forcat politike po vullneti është shprehur të jetë sa më shumë konsensual që mundet. Sot në Parlament në raundin e parë është parashikuar që tgë mos propozohet asnjë emër.

Parësore për forcat politike mbetet zgjidhja e krizës politike në mënyrë që ti jepet fund bojkotit parlamentar dhe vendi të shkojë në zgjedhje.

• Partia Bashkimi Demokristian Shqiptar, ka vendosur të mos jetë më pjesë e koalicionit të majtë.

Vendimin për t’u larguar nga koalicioni i majtë, e ka dhënë vetë deputeti Eduard Ndocaj, i cili ka sqaruar se do t’i bashkohet opozitës dhe kauzës së saj.

“Opozitar, me bazë të gjerë, pa dallime ideoligjike dhe pa interesa të ngushta e personale pushteti është e vetmja mënyrë për të dalë nga kriza dhe për të garantuar zgjedhjet e lira. PBDKSH është e vendosur për të dhënë kontributin e saj. PBDKSH ka prioritet dekriminalizimin e listave, ndalimin e personave të inkriminuar që të mos përfshihen në fushatë elektorale. PBDKSH është vendosur të qendroi e palëkundur për betejat e Demokracisë”, -shkruan Ndocaj.

Kuvendi i Shqipërisë do të mblidhet sot në një seancë të jashtëzakonshme për të votuar përbërjen e komisionit ad hoc që do të përzgjedhë kandidatët për institucionet e Vetingut.

Kuvendi do të mblidhet në orën 18 sipas këtij rendi dite për të votuar vetëm 2 pika:

Projektvendim “Për krijimin dhe përbërjen e komisionit ad hoc me 12 anëtarë të përzgjedhjes së kandidatëve për institucionet e rivlerësimit sipas ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”.

2. Projektvendim “Për krijimin dhe përbërjen e komisionit ad hoc me 6 anëtarë të përzgjedhjes së kandidatëve për institucionet e rivlerësimit sipas ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë.

Komisioni me 12 anëtarë do të përbëhet nga 6 anëtarë të mazhorancës dhe 6 të opozitës, edhe tjetri po ashtu, gjysëm për gjysëm.

Por mazhoranca do të votojë vetëm 9 anëtarët e saj (në total)  kurse  ata do të opozitës do të lihen në pritje për t’u prezantuar dhe votuar derisa të paraqitet opozita në Kuvend.