Politike

Po përgatiten për një protestë të madhe, por si janë në të vërtetë marrëdhëniet mes Lulzim Bashës dhe Monika Kryemadhi?

Kryetarja e LSI-së ka bërë sot thirrje që të gjithë ti bashkohen protestës së opozitës, por e pyetur nëse i beson Bashës, Mona duket se është gjendur ngushtë.

E ftuar në “Fakt”, Kryemadhi është shprehur se nuk e ka pyetur asnjëherë Lulzim Bashën për marrëveshjen me Edi Ramën, dhe se se nuk është faji i saj nëse nuk i beson Bashës.

Ajo madje shtoi se opozita është në një betejë politike:

Nëse unë nuk do ta besoj Lulzim Bashën është faji im, sepse kur ti shkon në luftë dhe gjatë gjithë kohës mendon se shoku yt do të vrasë, më mirë nuk shkon në luftë fare.”

Deputeti i Lëvizjes Socialiste për Integrim, Përparim Spahiu i ftuar në “360 Gradë” në Ora News, tha brenda radhëve të Shërbimit Informativ Shtetëror po u kërkohet dorëheqja punonjësve që punojnë prej 20 vjetësh aty, duke e motivuar këtë me kthimin e këtij institucioni në varësi të Ramës.

Spahiu: Për sa i takon shërbimeve sekrete, shefat e SHISH ndryshohet, por kanë filluar kërkesat për dorëheqje punonjësve që punojnë prej 20 e ca vjetësh aty. Edhe ky institucion po kthehet direkt në varësi të kryeministrit.

Normalisht nëse një drejtor policie largohet nga puna do të bëhet një analizë.

Kryeministri Edi Rama ka dhënë një intervistë për mediat Serbe në vizitën e tij në Zvicër, ku ka folur dhe për anëtarësimin e Shqipërisë në Bashkimin Evropian.

A prisni ju që Serbia dhe Shqipëria do të hyjnë së bashku në BE, apo ka parashikime që ndoshta Serbia mund të hyjë në BE para Shqipërisë. Çfarë mendoni për këtë?

Është një proces i bazuar tek merita dhe ndërsa flasim Serbia është më përpara, sepse Serbia tashmë duke negociuar dhe jemi duke pritur me padurim të nisim negociatat këtë vit. Por është një garë e shëndetshme, le të themi.

Procesi i anëtarësimit bazohet në të arriturat. Serbia është para nesh sepse tashmë po zhvillon negociata, por ne shpresojmë se sivjet do t’i fillojmë negociatat.

Porse kjo është konkurrencë e shëndoshë dhe ne kemi dëshirë të përparojmë dhe pse jo, në të ardhmen të jemi në pozitë të njëjtë dhe të hyjmë përnjëherë në BE, me supozimin që Serbia të njohë Kosovën”.