Politike

Për deputetin demokrat, Enkelejd Alibeaj, opozita e mori fidbekun që kërkonte nga populli shqiptar në protestën e djeshme.

Duke e konsideruar një test të kaluar, Alibeaj në intervistën e mbrëmjes në Ora News tha se pjesmarrja masive e qytetarëve provoi se shumica e shqiptarëve refuzojnë të mbështesin dhe votojnë këtë qeveri.

Alibeaj: Ajo e djeshmja është një mjet por jo i fundit dhe jo i vetmi. Thelbi nëse një qeveri rri në këmbë apo nuk është fakti nëse ka marrë në një moment të caktuar, apo ka vjedhur në një moment të caktuar mbi 70 mandate në parlament. Jo. Thelbi është a ekziston mbështetja e shumicës së shqiptarëve për një qeveri që ka zgjedhur në një moment të caktuar, shumicë që do duhet të vazhdojë për katër vite. Në një moment të caktuar nëse testohet, provokohet kjo lloj mbështetje dhe rezulton se kjo mbështetje është shumë më pak se shumica e shqiptarëve siç rezultoi dje.Jo vetëm ata që u derdhën në bulevardin e Tiranës por edhe ata që nuk erdhën dot dje,  e më tepër të gjithë ata që janë degdisur me dhunë nga kjo mazhorancë janë të gjithë qytetarë shqiptarë që refuzojnë këtë qeveri dhe që përbëjnë shumicën dërmuese të shqiptarëve, jo domosdoshmërisht  të gjithë ata na votojnë ne, por nuk mbështesin dhe nuk votojnë këtë qeveri. Ky është testi.

Po cila janë mjetet që do të përdorë opozita?

Alibeaj: Ne kemi motivin, mbështetjen, legjitimitetin të përdorim çfarëdo mjeti, teknike, për të rrëzuar edhe formalisht këtë qeveri. Kemi fatin e mirë dhe përgjegjësinë e madhe që në gjitha përgjegjësitë që do marrim kemi shqiptarët me vete. Teknikat janë vetëm për tu gjetur, artikuluar, për tu pleqëruar midis opozitës në nivel politik.Kjo është sfida që do të duhet të kenë palët politike. Do të duhet ti përgjigjemi me të njëjtën gjatësi vale që shqiptarët kërkojnë.

E ndërsa ka pasur skepticizëm mbi mesazhet politike që u përcollën, Alibeaj ndan këtë opinion.

Alibeaj: Publiku shqiptar kërkon shumë më tepër sesa artikulim politik. Ju thoni se ka pasur skepticizëm mbi deklaratat nuk më rezulton e tillë. Ne thirrëm shqiptarët dje të shprehin protestën e tyre për ekonominë, varfërinë, papunësinë, depresionin social, i thirrëm të qëndrojnë në Shqipëri dhe të protestojnë dhe të mos ikin me bisht ndër shalë natën nga ky vend nga shtëpitë e tyre, nga familjet e tyre. Ne i thirrëm shqiptarët dje që demokracia e brishtë e këtij vendi të vazhdojë të qëndrojë e fortë sepse kjo e keqe fundin e ka shumë të afërt, kjo e keqe që quhet mazhorancë, kjo e keqe që e ka emrin Edi Rama që shkel Kushtetutën dhe rregullat e demokracisë që nuk janë të vetat por të publikut shqiptar. I thirrëm edhe për çështjen e drejtësisë, eleminimin e këtij mekanizimi kontrolli që bota ka shpikur për të mbajtur nën tutelë brenda ligjshmërisë dhe kushtetutshmërisë pushtetin. Këto u thanë dje, kanë qenë pardje dhe do thuhen dhe nesër.Ishin pikërisht këto teza që për ne ishin test që shpërndamë tek publiku shqiptar. Ishte test nëse do të rezononin tek shqiptarët dhe rezonuan. Këto janë hallet, problemet e publikut shqiptar. 

Aspak spekticizëm nuk ka. Ka pasur zëra që të përdornim dhunë, ta bënim më radikale, ta bënim tym dhe flakë. Jo, kjo është një opozitë e përgjegjshme, kurrsesi nuk ka të ngjarë me opozitën e djeshme, ai që sot është kryeministër i cili për asnjë arsye dhe asnjë motiv politik që kishte të bënte me qeverisjen kalli tym dhe flakë me një trupë kaçakësh, e mbani mend 21 janarin.Jo. Forca e vërtetë e protestës janë pikërisht masiviteti.Të gjithë ata i bashkoi një hall i përbashkët, largimi një orë e më parë i mazhorancës, qeverisë, i Edi Ramës. Ne kemi detyrimin që të përdorim të gjitha mjetet demokratike në mënyrë proporcionale që shkon nga kjo protestë, nga ndërgjegjësimi, nga një angazhim cilësor i ndryshëm në parlament deri në mosbindje civile.Këto janë teknika që do të diskutohen edhe njëherë brenda përfaqësuesve të opozitës dhe jo vetëm. Kurrsesi nuk duhet ta konsiderojmë që ishte vetëm një organizim i politikës, vetëm një organizim politik.Këtu kauza e vetme politike që diskutohet është mbijetesa e shqiptarëve në këtë vend.

Deputeti demokrat thotë se pret ndonjë mrekulli që mazhoranca të reflektojë pas protestës së djeshme, sikundër thekson se opozita nuk do ta varë shpresën tek reflektimi i mazhorancës.

Alibeaj: Do shpresoja dhe pse nuk kam asnjë lloj besimi të kishte një reflektim nga mazhoranca. Elementët e frikës, panikur dhe terrorit i kam parë tek Edi Rama.I pashë dhe në seancë parlamentare, si kurrë më parë ndonjëherë përfaqësuesit e mazhorancës në të gjitha fjalimet  e tyre bënin vetëm një gjë, u drejtoheshin shqiptarëve duke u thënë: Mos protestoni!E kam të vakët në mos aspak shpresë që të ketë reflektim nga ana e mazhorancës, mrekullia edhe mund të ndodhë. Por ne nuk do të varim shpresën tek reflektimi i mazhorancës por do të besojmë tek qytetarët shqiptarë, ata do të kenë prirje opozitën dhe të marrin fatet e tyre në dorë.

Mësohet se policët e vendosur përpara Kryeministrisë kanë marrë një mesazh të qartë nga Policia e Shtetit, që të kenë kujdes kur të mbarojë fjalimin Lulzim Basha.

Basha u ngjit i fundit në podium, e pas fjalës së tij u mbyll protesta. Por pikërisht në këtë moment, oficerëve u është dhënë porosia që të mos ndërhyjnë dhe të shmangin çdo provokim.

Mesa duket policia ka patur frikë se protestuesit e PD, në fund të protestës, do tentojnë të vendosin banderolat përpara Kryeministrisë, apo do të bëjnë ndonjë veprim tjetër që cënon sigurinë prandaj kanë marrë direktiva edhe për skenare të tillë.

Gjatë protestës, prezenca e policisë ishte e shumtë, madje duke zbarkuar pranë Kryeministrisë edhe me mjete të rënda.

Gjithashtu në tarracat e ndërtesave janë parë spnaipera, si dhe është bërë me dije s enë protestë do të ketë edhe monitorim nga agjentë të huaja. Gjithë këto masa janë ndërmarrë për të shmangur ndonjë incident të mundshëm.

Zbardhet raporti me 12 rekomandimet e Komitetit Parlamentar të Stabilizim Asociimit për Shqipërinë. Komiteti vlerëson arritjet e deritanishme, por kërkon më shumë punë dhe rezultate konkrete, veçanërisht nga Reforma në Drejtësi për hapjen e negociatave në qershor.

Komiteti Parlamentar i Stabilizim Asociimit BE-Shqipëri, do të mblidhet në Tiranë më 12 dhe 13 shkurt. Në përfundim të takimit do të miratojnë rekomandimet.Shqipëria shpreson për hapjen e negociatave me Bashkimin Europian në muajin qershor, por Brukseli më parë kërkon rezultate konkrete në luftën ndaj krimit dhe korrupsionit.

12 REKOMANDIMET
1. Komiteti përsërit mbështetjen për integrimin e Shqipërisë në BE, me kusht zbatimin e plotë të pesë prioriteteve kyçe.

1. Vendosja e një date për hapjen e negociatave do të ishte një nxitje e fuqishme për miratimin dhe zbatimin e reformave të lidhura me BE.

2. Duhen rezultate konkrete veçanërisht në reformën në drejtësi dhe në verifikimin e gjyqtarëve dhe prokurorëve, të cilat janë thelbi i rekomandimit të Komisionit për hapjen e negociatave për anëtarësim.

3. Mbështet rolin e Operacionit Ndërkombëtar të Monitorimit për të mbikëqyrur procesin e verifikimit, duke nënvizuar se nuk zvogëlon përgjegjësinë e autoriteteve shqiptare.

4. Me rëndësi dialogu i brendshëm politik mes të gjitha forcave politike

5. Debati politik duhet të zhvillohet brenda Parlamentit me respektimin e plotë të ligjeve

6. Të merren në konsideratë rekomandimet e OSBE për zgjedhjet

7. Reforma Zgjedhore të zbatohet pa vonesë, bazuar te rekomandimet e OSBE për të rivendosur besimin e publikut në integritetin e procesit zgjedhor; kujtojmë se zgjedhjet e lira dhe të ndershme janë thelbësore për përparimin e mëtejshëm të Shqipërisë në pranimin në BE;

8. Thirrje parlamentit për një rol më të fuqishëm në procesin e integrimit, duke përfshirë monitorimin e zbatimit të reformave dhe përputhjen e tyre me standardet e BE. Mirëpresim iniciativën për hartimin e një Kodi të Sjelljes për deputetët, më shumë transparencë dhe mbikëqyrje parlamentare;

9. Thirrje Shqipërisë që të arrijë rezultate të prekshme dhe të qëndrueshme në luftën kundër korrupsionit dhe krimit të organizuar deri në nivele të larta të kryera nga prokurorë dhe gjyqtarë të pavarur dhe të paanshëm.

10. Thirrje për të forcuar më tej masat që synojnë të çrrënjosin kultivimin e drogës, prodhimin dhe trafikimin dhe veçanërisht për të identifikuar rrjetet kriminale pas kultivimit të drogës;

11. Kërkojmë që autoritetet shqiptare të sigurojnë mbrojtje të plotë dhe respektim të të drejtave dhe lirive themelore të njeriut.

Të shtunën në orën 12:00 Fronti Opozitar ka thirrur gjithë shqiptarët në sheshin përballë Kryeministrisë në protestën më masive të viteve të fundit. Motivet se përse qytetarët duhet të protestojnë janë me dhjetëra, sipas drejtuesve tw opozitws. Krerë e opozitës renditën dje arsyet se përse ky tubim nuk është vetëm një miting partiak, por një manifestim qytetar kundër keqqeverisjes dhe mafies qeveritare. Pas pesë vitesh në pushtet të Edi Ramës dhe PS-sw, lista e premtimeve të pambajtura është e pafund. Në vend të premtimeve shqiptarët, sipas opozitës, përballen me drogën, krimin, korrupsionin, keqqeverisjen dhe braktisjen e vendit nga 450 mijë të rinj. Ndaj Fronti Opozitar ka ftuar shqiptarët të marrin pjesë jo thjeshtë në një protestë, por në një manifestim qytetar ku të shprehin pakënaqësinë ndaj qeverisjes. Pjesëmarrja e qytetarëve në protestë do të vendosë edhe suksesin e saj si dhe zhvillimet e mëvonshme politike. Të dhënat e fundit nga partitë opozitare flasin për një shifër rekord qytetarësh që do te jetë në shesh. Llogaritet se do të jenë më shumë se 100 mijë protestues që do të tubohen në bulevardin “Dëshmorët e Kombit” dhe gjithë qendrën e Tiranës. Degët e subjekteve politike në rrethe deklarojnë se në protestë nuk janë vetëm anëtarë të partive që kanë kërkuar të marrin pjesë, por edhe qytetarë të paangazhuar politikisht apo dhe ish-votues të qeverisë. Ndërkohë qytetarët e Tiranës pritet ti bashkohen si kurrë më parë protestës sw sotme. Në këtë pikë vlen të rrëzohet dhe një mit i protestave që nuk duhet të realizohen me pjesëmarrjen e qytetarëve nga rrethet. Një protestë nuk bëhet për Tiranën dhe as për zonën e Bllokut. Eshtë protestë e njerëzve të pa punë, të zhgënjyer, pa minimumin jetik për jetesë, pa perspektivë prej qeverisjes.

Sipas organizatorëve të tubimit veç simpatizantëve partiakë, në protestë pritet pjesëmarrja më e madhe e qytetarëve të paangazhuar politikisht. Pika e fortë e kësaj proteste janë militantët partiakë, por qytetarët që realisht janë dhe me të zhgënjyerit nga ana e qeverisjes aktuale, mendohet se do jenw njw numwr i madh. Jo rastësisht drejtuesit e koalicionit opozitar kanë bërë thirrje gjatë muajit të fundit se kjo nuk është një protestë për hallet e partive dhe as për persona të veçantë. Ky është një tubim që kërkon të tronditë me pjesëmarrje massive krejt qeverinë.

Dilema me e madhe e protestave dhe sidomos e kësaj proteste kombëtare është nëse do të ketë dhunë. Këto dilema i larguan dje dy liderët e opozitës, Lulzim Basha dhe Monika Kryemadhi. Pas takimit me aleatët, Lulzim Basha bëri një deklaratë që i jep tubimit masiv pamjen e një manifestimi qytetar. Ai deklaroi se do të jetë në protestë me familjen, gruan dhe dy vajzat e tij. “Unë do të jem me familjen time. Nuk do të jetë luftë dhe as spektakël. Do të jetë një protestë paqesore”,- tha kreu i PD. Me këtë deklaratë ka hedhur poshtë çdo spekulim politik dhe mediatik se protesta mund të ketë akte dhune nga ana e pjesëmarrësve. Segmente të qeverisë dhe medias që janë investuar këto ditë për një përplasje të dhunshme, kanë qakulluar dje dhjetëra variante për dhunë dhe persona me rrezikshmëri që do të jenë në protestë. Përballë këtyre spekulimeve, kryetarja e LSI-së, Monika Kryemadhi foli dje qartë duke rrëzuar çdo projekt tensioni. E pyetur për një skenar të mundshëm dhune, Kryemadhi deklaroi se ky është manifestimi i shqiptarëve. Kryetarja e LSI deklaroi se në protestë do të jenë gratë dhe vajzat që nuk kanë sesi të ushtrojnë dhunë. Për kryetaren e LSI, protesta do jetë paqësore dhe më madhështorja. “U bëj thirrje të gjithë shqiptarëve, medias, vajzave dhe grave, të vijnë për të protestuar. I ftoj shqiptarët të jenë prezentë me fëmijët sepse nuk ka për të pasur asnjë dhunë. E vetmja dhunë mund të jetë ndonjë provokim i Edi Ramës”,- deklaroi kryetarja e LSI.

Protesta që kur u ideua nga opozita u etiketua nga qeveria si një plan për trazira, si një projekt për bllokimin e reformës në drejtësi, apo si një barrikadë që i bëhet integrimit. Këto teori do të përdoren edhe në vijim për të dekurajuar dhe larguar njerëzit. Pavarësisht nëse qytetarët besojnë apo jo në kauzat e opozitës, protestat është një shenjë e manifestimit të demokracisë. Në demokraci qytetarët mund të protestojnë kurdoherë kur u preken interest ekonomike apo politike. Një protestë nuk e dëmton integrimin e Shqipërisë në BE, përkundrazi kur njerëzit dalin në rrugë kundër keqqeverisjes e bëjnë vendin dhe më europian.

Në sheshin përballë kryeministrisë nuk është dita e partive. Eshtë dita e qytetarëve të zhgënjyer, e të përbuzurve, e të harruarve dhe të mashtruarve nga qeveria. Eshtë dita e atyre që kërkojnë një vend më të mirë për të jetuar.

I ftuar në emisionin e Arjan Çanit në ”Zonë e Lirë”, ish-kryeministri Sali Berisha është pyetur nëse mund të rikthehet në krye të PD-së. Ai u pyet nëse mund të rikthehet që të marrë në dorë PD-në dhe të çojë në qeveri, e ku u shpreh se një mundësi e tillë nuk ekziston. ”Desha të them që kam marrë gjithmonë vendime të vështira dhe tani e kam marrë këtë për t’ua lënë radhën të tjerëve”,-tha Berisha.

Deklarata e Berishës

Kjo nuk ka asnjë mundësi. Unë kam marrë vendimin tim për të qëndruar në politikën aktive, por jo duke marrë poste. Piramidat kanë qenë një fatkeqësi e madhe e vendit dhe e Sali Berishës. Unë kisha mundësinë t’i ktheja një për një paratë, do të ishte amorale. Në këtë kontekst unë bëra një akt duke dalë në opozitë. Unë dola në fushatë ku më hidhnin bomba dhe kundërshtari im premtoi kthimin e të gjitha parave.

Gjithnjë kam pasur një mendim se pas qëndrimit për një kohë të gjatë në pushtet duhet lënë që të vijnë të tjerë pas teje. Desha të them që kam marrë gjithmonë vendime të vështira dhe tani e kam marrë këtë për t’ua lënë radhën të tjerëve.

Ish-Kryeministri Sali Berisha duke iu përgjigjur pyetjes mbi aktivizmin e tij politik dhe nëse kjo dëmton PD-në, tha mbrëmjen e sotme se kam dhënë dorëheqjen nga të gjitha funksionet në PD dhe kam qenë shumë i saktë në atë që kam thënë: i dorëzoj të gjitha, por jo Sali Berishën.

“Shqiptarët janë kombi i personalitetit,  500 vite na cilësuan për fat të keq si komb i Sulltanit e kështu me rradhë.

Shëmbëlltyra jonë psikologjike na bën komb të personalitetit, nuk është diçka pozitive, nuk na shërben shumë, por duhen dekada për ta zhbërë.

Nuk kam menduar për historinë, kam menduar të zbatoj ato që besuar më shumë.

Dikur qeshnin kur unë thoja Shqipëria dixhitale! Në 2005, kur erdha në pushtet interneti kishte një përdorim 4.8 % dhe  e dorëzova me 63 %.

Ëndrrat e ditës më kanë frymëzuar.

Sali Berisha nuk mund të heshtë përballë mbrojtjes së interesit publik, pa pasur asnjë pretendim sen kam monopolin e së vërtetës.

Kur iu kundërvura diktaturës nuk e bëra duke menduar se do të bëhesha politikan, por e bëra për të mbrojtur dinjitetin tim”, tha Berisha.