Politike

Deputeti i PD, Edi Paloka ka reaguar për arrestimin kreut të bashkisë Lezhë. Paloka thotë se PD nuk do të bjerë pre e provokimeve. Nga ana tjetër paralajmëron Ramën që t’i bëjë mirë llogaritë.

Paloka thotë se arrestimet e opozitarëve synojnë që Rama  “të shpëtoj veten dhe kriminelët rreth tij si dhe ta përdorë atë si mjet represioni ndaj opozitës”. Deputeti i PD, e mbyll reagimin me një paralajmërim të fortë.

“Drejtësinë nuk e pengojmë, po ta harrojnë ramballët se do të mbyllim gojën e ulim kokën duke lejuar që drejtësia e kapur të përdoret si arma e fundit për eliminimin e opozitës. Ti bëjnë mirë llogaritë para se te na fusin në një luftë për ekzistencë…”

Reagimi i plotë:

E di qe Ramballa mezi pret te kapet diku per te vene shenjat e barazimit midis PD dhe Rilindjes ne qendrimin ndaj drejtesise.

Eshte gati te thote se edhe PD po mbron Fran Frrokajn sic beri ai me Tahirin. Pra jemi njesoj.

Ne te kundert , shpreson qe te kompleksuar nga ky fakt , ne do te mbyllim gojen edhe kur shohim padrejtesite te behen hapur.

Ne as nuk i bejme presion e as nuk kerkojme qe drejtesia te mos bej detyren e saj sic ka bere rendom deri me sot Rama ne shume raste te provuara.

Por nuk mund te mbyllim as syte e as gojen kur shohim se drejtesia, tanime e kapur plotesisht nga Rama, vepron qartazi me standarte krejtesisht te kunderta.

Edhe sikur per nje moment te supozonim se akuzat qendrojne, mjafton fakti qe disa prej kryebashkiakeve te majte, te akuzuar pikerisht me te njejtat akuza si Fran Frrokaj, jane sot ose ne ndjekje te lire ose te cliruar fare nga akuzat, per te dalluar dy standartet me te cilat vepron Rama kryeprokuror.

Nuk po shkoj me larg tek ministrat dhe kryebashkiaket , njerez te afert te Rames per te cilet ka prova e fakte tronditese qe i lidhin keta jo thjesht me shperdorim detyre, por me krime nga me te rendat, e qe jane prej kohesh ne dispozicion te prokurorise.

Ne kemi denoncuar qe ne tentativat e para, faktin qe Rama kerkon te kap drejtesine per dy arsye; te shpetoj veten dhe kriminelet rreth tij si dhe ta perdor ate si mjet represioni ndaj opozites.

Sot te dyja keto teza po provohen.

Nuk ka budalla ne kete vend qe te mos kuptoj se cfare po ndodh kur sheh se pas 5 vitesh qe vendi qeveriset nga krimi dhe korrupsioni, te vetmit zyrtare qe jane cuar pas hekurave, jane nga opozita .

Nderkohe e kunderta ka ndodhur me miqte “rilindas” te Rames te cilet edhe kur jane gozhduar nga faktet dhe provat flagrante per krime te renda, jane lene te lire duke filluar nga kriminelet ordinere e deri tek ministrat si rasti Tahiri.

Ja pse ne, drejtesine nuk e pengojme, po ta harrojne ramballet se do te mbyllim gojen e ulim koken duke lejuar qe drejtesia e kapur te perdoret si arma e fundit per eliminimin e opozites . Ti bejne mire llogarite para se te na fusin ne nje lufte per ekzistence…

Lëvizjes Socialiste për Integrim po i ikin këshilltarët bashkiakë. Pas Fierit, rasti më i fundit është ai në Belsh. Ata i janë bashkuar Partisë Socialiste. Prej ditësh pyetja që po shtrohet është se nga po shkon LSI? Botuesi i “Koha Jonë” Nikollë Lesi propozon ribashkimin me Socialistët. Ndërsa Ylli Manjani thotë se Berisha dhe Meta duhet të japin një mesazh të qartë se janë bashkë përballë Ramës.

Nikollë Lesi, botues i gazetës Koha Jonë provokoi drejtpërdrejtë duke bërë thirrje për një koalicion PS-LSI për zgjedhjet vendore. Baza që i bashkon natyrshëm është krahu politik, por jo vetëm.

“PD për hir të sherreve të brendshme, problemeve që ka për hir të një lidershipi që nuk i natyrës së Berishës, lidership për mua Europian, por i dobët shumë, po e sfumon LSI dhe për mua LSI ka vetëm një koalicion të natyrshëm me PS”, tha Nikollë Lesi.

Ylli Manjani, i cili është tërhequr nga politika aktive e ditës, thotë se është edhe larg informacioneve direkte nga LSI, por i bëri thirrje partisë së tij të mos e konsiderojë në asnjë rast një bashkëpunim me Partinë e Socialiste.

“Rilindja është nukël politik, një grup shokësh të suksesshëm që kanë mbijetuar në politikë, kanë triumfuar në kurriz të PS që prej vitesh administrojnë pushtet të pakufishëm. Nuk njeh Kushtetutë, nuk njeh rregull. Do ta çmoja krim të rëndë politik nëse flirtohet, aq më tepër nga LSI që ka përvojë të mjaftueshme”, tha Ylli Manjani.

Përvoja ka treguar dhe sondazhet tregojnë sipas Nikollë Lesit edhe se në terrenin politik avantazhi i LSI në zgjedhjet vendore është se të dy forcat kryesore ia kanë nevojën. Sipas tij PS po dërgon mesazhe në drejtim të saj, dhe ato nuk kanë të bëjnë me qeverisjen qendrore.

“Qoftë PD qoftë PS pa vota e LSI, sipas të gjitha sondazheve, kryetari i bashkisë nuk zgjidhet. Meqë ka sinjale të kryqëzuara nga selia rozë duhet të hyjë në bisedime serioze me Ramën Me kushte krejtësisht të tjera publike me një marrëveshje, jo për të hyrë në qeverinë qendrore, por vetëm për zgjedhjet vendore”, tha Nikollë Lesi.

Për Ylli Manjanin bashkimi i çdo faktori opozitar është i nevojshëm sikundër dhe refuzimi i qartë i çdo sinjali që vjen nga partia e kryeministrit Rama.

“Në këtë kontekst i kam bërë thirrje dhe Sali Berishës dhe Ilir Metës, jo për të përjashtuar Lulin, jo për të përjashtuar Monikën apo ndokënd tjetër, por për të konverguar në një pikë të përbashkët. Për të dhënë një mesazh të qartë: jemi përballë. Nuk ka dhe këtej dhe andej, dhe në politikë dhe jashtë politike dhe në opozitë edhe në pushtet, nuk ka”, tha Ylli Manjani.

Reagimet për një ftohje Basha-Kryemadhi dhe për një ulje tonesh të kryetares së LSI me Edi Ramën u shtuan ditët e fundit, teksa aksioni opozitar u duk i zbehur në raport me ditët, kur u themelua tryeza e opozitës për qeveri anti-mafia dhe me protestat e dhjetorit dhe janarit./top channel/